ນ້ຳຂີງ ມີປະໂຫຍດຫລາຍສຳລັບແມ່ຍິງ

ຂີງ ເປັນພືດສະໝຸນໄພທີ່ປະກອບໄປດ້ວຍສານອາຫານຕ່າງໆຫລວງຫລາຍ ເຊັ່ນ : ວິຕາມິນ A, ວິຕາມິນ B, ວິຕາມິນ C, ໂປຣຕິນ, ການຊຽມ, ໂຊດຽມ, ຟົສຟໍ, ໂປຕັສຊຽມ, ທາດເຫລັກ ແລະ ແມັກນີຊຽມ ໂດຍພາກສ່ວນທີ່ນິຍົມເອົາມາໃຊ້ປະໂຫຍດ ແມ່ນເຫງົ້າແກ່ ແລະ ເຫງົ້າອ່ອນ ທັງສົດ ແລະ ແຫ້ງ ລວມເຖິງແກນລຳຕົ້ນອ່ອນ ແລະ ໃບ. ນອກຈາກນີ້, ການດື່ມນ້ຳຂີງຍັງມີສັບ ພະຄຸນດີຕໍ່ມົດລູກ ເພາະຊ່ວຍປັບຄວາມດຸ່ນດ່ຽງຂອງອຸນຫະພູມໃນມົດລູກໄດ້ດີ ຈຶ່ງຊ່ວຍໃຫ້ມົດລູກແຂງແຮງ.

1. ມົດລູກເຢັນຈະເຮັດໃຫ້ຕຸ້ຍລົງພຸງ ຍ້ອນວ່າມົດລູກເຢັນຕ້ອງການອຸນຫະພູມສູງໆມາປົກປ້ອງ ສະນັ້ນ ເມື່ອແມ່ຍິງມີອາ ການມົດລູກເຢັນ ໄຂມັນກໍຈະມາສະສົມຢູ່ບໍລິເວນໜ້າທ້ອງ ເຮັດໃຫ້ຕຸ້ຍງ່າຍ.
2. ລີ້ນເປັນຝ້າຂາວ, ມີຮອຍແຂ້ວຈະແຈ້ງຢູ່ຂ້າງລີ້ນ ເປັນອາການບົ່ງບອກວ່າມົດລູກເຢັນ ຕ້ອງການໆດູແລ ບໍ່ດັ່ງນັ້ນ ຖ້າ ປ່ອຍໃຫ້ອາການໜັກຂຶ້ນ ຈະເຮັດໃຫ້ໃບໜ້າໂຊມ, ເບິ່ງເຖົ້າໄວ ຫລື ມີເມັນ-ມີຝ້າເກີດຂຶ້ນໄດ້.
3. ຜົມມັນ ສະແນວໃດກໍຍັງບໍ່ສະບາຍຫົວ ຫລາຍໆຄົນຄິດວ່າຕົນເອງເປັນຄົນຜົມມັນງ່າຍ, ແຕ່ຄວາມຈິງແລ້ວບໍ່ແມ່ນ ມັນ ເປັນອາການທີ່ບອກວ່າທາດຫຍິນ-ທາດຫຍາງບໍ່ດຸ່ນດ່ຽງໃນໝາກໄຂ່ຫລັງ, ພະລັງຫຍາງຈາກໝາກໄຂ່ຫລັງບໍ່ສາມາດ ສົ່ງໄປເຖິງມົດລູກໄດ້ ເຮັດໃຫ້ມົດລູກເຢັນ ແລະ ສິ່ງທີ່ເຮັດໃຫ້ເຫັນຈະແຈ້ງເຖິງພະລັງຫຍາງໃນໝາກໄຂ່ຫລັງກໍຄື ຜົມ.
4. ໃນຍາມໜາວ ຫລື ຫລັງຍາມໜາວຈະມີອາການຈະແຈ້ງ ເຊັ່ນ : ເຈັບທ້ອງນ້ອຍປວດປະຈຳເດືອນແຮງ, ປະຈຳເດືອນ ມາບໍ່ປົກກະຕິ, ມີເລືອດອອກເປັນຕ່ອນໆ ຫລື ເປັນກ້ອນ ແລະ ອື່ນໆ ເຊິ່ງຕ້ອງໄດ້ຮັບການດູແລ.

• 7 ຄຸນປະໂຫຍດອື່ນໆຂອງຂີງ :

1. ຂີງ ຊ່ວຍຫລຸດນ້ຳໜັກ.
2. ຂີງ ຊ່ວຍຫລຸດນ້ຳຕານໃນເລືອດ, ຕ້ານພະຍາດເບົາຫວານ.
3. ຂີງ ຊ່ວຍໃຫ້ປະສິດທິພາບຂອງສະໝອງດີຂຶ້ນ.
4. ຂີງ ມີລິດເປັນຢາແກ້ປວດ ຫລຸດອາການອັກເສບ.
5. ຂີງ ສາມາດຫລຸດອາການຈຸກແໜ້ນ.
6. ຂີງ ຊ່ວຍປິ່ນປົວອາການເຈັບຫົວໄມເກຣນ ຫລື ເຈັບຫົວເບື້ອງດຽວໄດ້.
7. ຂີງ ຊ່ວຍຫລຸດຄວາມຮຸນແຮງຈາກອາການຂອງພະຍາດພູມແພ້.

• ການກິນຂີງ ຫລື ດື່ມເຄື່ອງດື່ມທີ່ມີສ່ວນປະສົມຈາກຂີງເປັນປະຈຳ ສາມາດຊ່ວຍບຳລຸງຮ່າງກາຍຂອງທ່ານໄດ້ດີຫລາຍ. ແຕ່ແນວໃດກໍຕາມ ຄວນຢູ່ໃນປະລິມານທີ່ເໝາະສົມກັບຮ່າງກາຍ ແລະ ຄວນກິນອາຫານໃຫ້ຄົບ 5 ໝວດ ດີທີ່ສຸດ.