ປະກາດແຕ່ງຕັ້ງຫົວໜ້າພາສີ-ຮອງຫົວໜ້າສ່ວຍສາອາກອນ ປະຈໍາແຂວງຫຼວງພະບາງ

ປະກາດແຕ່ງຕັ້ງຫົວໜ້າພາສີ-ຮອງຫົວໜ້າສ່ວຍສາອາກອນ ປະຈໍາແຂວງຫຼວງພະບາງ - 4da71fd3 f3bd 4b02 aa0a 100f48a1572a - ປະກາດແຕ່ງຕັ້ງຫົວໜ້າພາສີ-ຮອງຫົວໜ້າສ່ວຍສາອາກອນ ປະຈໍາແຂວງຫຼວງພະບາງ
ປະກາດແຕ່ງຕັ້ງຫົວໜ້າພາສີ-ຮອງຫົວໜ້າສ່ວຍສາອາກອນ ປະຈໍາແຂວງຫຼວງພະບາງ - kitchen vibe - ປະກາດແຕ່ງຕັ້ງຫົວໜ້າພາສີ-ຮອງຫົວໜ້າສ່ວຍສາອາກອນ ປະຈໍາແຂວງຫຼວງພະບາງ

ເພື່ອເຮັດໃຫ້ການຈັດຕັ້ງປະຕິບັດວຽກງານຂະແໜງການເງິນແຂວງຫຼວງພະບາງມີຄວາມເຂັ້ມແຂງຮອບດ້ານ ແລະ ປະຕິບັດຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່. ສະນັ້ນ, ໃນວັນທີ 7 ຕຸລາ 2021 ຜ່ານມານີ້, ທີ່ຫ້ອງປະຊຸມພະແນກການເງິນແຂວງ, ໄດ້ຈັດພິທີປະກາດການຈັດຕັ້ງຫົວໜ້າ-ຮອງຫົວນ້າພາສີປະຈໍາແຂວງ, ຮອງຫົວໜ້າສ່ວຍສາອາກອນ ປະຈຳຫຼວງພະບາງ, ໂດຍການເປັນປະທານຂອງທ່ານ ປອ ຄໍາຄ່ອງ ພົມມະປັນຍາ ຄະນະປະຈຳພັກແຂວງ, ຫົວໜ້າຄະນະຈັດຕັ້ງແຂວງ, ມີຫົວໜ້າ, ຮອງຫົວໜ້າ 3 ສາຍຕັ້ງ (ພາສີ, ສ່ວຍສາອາກອນ, ຄັງເງິນແຫ່ງຊາດປະຈຳແຂວງ) ວິທະຍາໄລການເງິນພາກເໜືອ ແລະ ພະແນກການທີ່ກ່ຽວຂ້ອງເຂົ້າຮ່ວມ.

ພິທີດັ່ງກ່າວ, ທ່ານ ປອ ຄຳຜຸຍ ຈັນທະວະດີ ຮອງຫົວໜ້າຄະນະຈັດຕັ້ງແຂວງຫຼວງພະບາງ ໄດ້ຂຶ້ນຜ່ານຂໍ້ຕົກລົງຂອງລັດຖະມົນຕີກະຊວງການເງິນ ວ່າດ້ວຍການຍົກຍ້າຍ ແລະ ແຕ່ງຕັ້ງຮອງຫົວໜ້າສ່ວຍສາອາກອນ,ຫົວໜ້າຮອງຫົວໜ້າພາສີປະຈຳແຂວງຫຼວງພະບາງ, ຫົວໜ້າ, ຮອງຫົວໜ້າດ່ານພາສີສາກົນສະໜາມບິນຫຼວງພະບາງ, ຊຶ່ງໄດ້ຕົກລົງແຕ່ງຕັ້ງ:ທ່ານ ໄຊຍະເດດ ແກ້ວອ່ອນສີ ຮອງຫົວໜ້າກອງຄຸ້ມຄອງພາສີ III, ຫົວໜ້າກອງກວດກາພາສີປະຈຳແຂວງ ເປັນຫົວໜ້າພາສີປະຈໍາແຂວງຫຼວງພະບາງ; ຍົກຍ້າຍ ແລະ ແຕ່ງຕັ້ງ: ທ່ານ ນາງ ແສງອໍາພອນ ເພັດລາສີ ຮອງຫົວໜ້າດ່ານພາສີສາກົນສະໜາມບິນຫຼວງພະບາງ ເປັນຮອງຫົວໜ້າພາສີປະຈໍາແຂວງຫຼວງພະບາງ; ແຕ່ງຕັ້ງ: ທ່ານ ໄກສອນ ອິດທິພອນ ເປັນຫົວໜ້າດ່ານພາສີສາກົນສະໜາມບິນຫຼວງພະບາງ; ຍົກຍ້າຍ ແລະ ແຕ່ງຕັ້ງ: ທ່ານ ບຸນສົມ ສີລິວັດທະນາ ພະນັກງານວິຊາການ ເປັນຮອງຫົວໜ້າດ່ານພາສີສາກົນສະໜາມບິນຫຼວງພະບາງ ແລະ ແຕ່ງຕັ້ງ: ທ່ານ ບຸນຖະໜອມ ລັດຕະນະພູໃບ ຮອງຫົວໜ້າຂະແໜງສຶບສວນ-ສອບສວນ ແລະ ປາບປາມການລັກລອບໜີພາສີ,ກອງຄຸ້ມຄອງພາສີ III ເປັນຫົວໜ້າຂະແໜງສັງລວມກວດກາ ແລະ ກວດສອບຄືນການແຈ້ງພາສີ.

ລັດຖະມົນຕີກະຊວງການເງິນຕົກລົງຍົກຍ້າຍ ແລະ ແຕ່ງຕັ້ງ: ທ່ານ ຄໍາມ່ວນ ຄໍາບຸນມີ ຮອງຫົວໜ້າພະແນກ ກົມສ່ວຍສາອາກອນ ເປັນຮອງຫົວໜ້າສ່ວຍສາອາກອນ ປະຈໍາແຂວງຫຼວງພະບາງ; ຍົກຍ້າຍ ແລະ ແຕ່ງຕັ້ງ: ທ່ານ ວົງໄຊ ວົງສາຄອນ ຫົວໜ້າຫ້ອງການ-ການເງິນເມືອງວຽງຄໍາ ເປັນຮອງຫົວໜ້າສ່ວຍສາອາກອນ ປະຈໍາແຂວງຫຼວງພະບາງ. ພ້ອມດຽວກັນນີ້, ຍັງໄດ້ຜ່ານຂໍ້ຕົກລົງຂອງທ່ານລັດຖະມົນຕີກະຊວງການເງິນວ່າດ້ວຍການຍົກຍ້າຍພະນັກງານລັດຖະກອນວິທະຍາໄລການເງິນພາກເໜືອ ມາສັງກັດຢູ່ສ່ວຍສາອາກອນ ປະຈໍາແຂວງຫຼວງພະບາງ, ຊຶ່ງໄດ້ຕົກລົງ ຍົກຍ້າຍ: ທ່ານ ນາງ ວັນນະພາ ຈັນທະພອນ ຫົວໜ້າຂະແໜງວິຊາການ ວິທະຍາໄລການເງິນພາກເໜືອ ມາເປັນຫົວໜ້າຂະແໜງສັງກັດຢູ່ສ່ວຍສາອາກອນ ປະຈໍາແຂວງຫຼວງພະບາງ; ຍົກຍ້າຍ: ທ່ານ ນາງ ສາຍຄອນ ສີອຸດົມພັນ ພະນັກງານວິຊາການ ວິທະຍາໄລການເງິນພາກເໜືອ ມາເປັນພະນັກງານວິຊາການສັງກັດຢູ່ສ່ວຍສາອາກອນ ປະຈໍາແຂວງຫຼວງພະບາງ.

ໂອກາດນີ້, ທ່ານ ປອ ຄໍາຄ່ອງ ພົມມະປັນຍາ ຫົວໜ້າຄະນະຈັດຕັ້ງແຂວງ ໄດ້ເປັນກຽດມອບຂໍ້ຕົກລົງຂອງລັດຖະມົນຕີໃຫ້ຜູ້ທີ່ຖຶກແຕ່ງຕັ້ງ ແລະ ໄດ້ມີຄຳເຫັນໂອ້ລົມໂດຍໄດ້ເນັ້ນໃຫ້ຜູ້ທີ່ຖຶກແຕ່ງຕັ້ງສືບຕໍ່ຮັກສາມູນເຊື້ອເສີມຂະຫຍາຍດ້ານດີ, ແກ້ໄຂວຽກງານດ້ານອ່ອນ, ຕິດພັນກັບການປັບປຸງ ແລະ ສືບຕໍ່ຈັດຕັ້ງປະບັດວຽກງານບັນດາອົງການຈັດຕັ້ງ ພັກ-ລັດມອບຫມາຍໃຫ້ມີປະສິດທິພາບຂຶ້ນກວ່າເກົ່າ.

ປະກາດແຕ່ງຕັ້ງຫົວໜ້າພາສີ-ຮອງຫົວໜ້າສ່ວຍສາອາກອນ ປະຈໍາແຂວງຫຼວງພະບາງ - 3 - ປະກາດແຕ່ງຕັ້ງຫົວໜ້າພາສີ-ຮອງຫົວໜ້າສ່ວຍສາອາກອນ ປະຈໍາແຂວງຫຼວງພະບາງ
ປະກາດແຕ່ງຕັ້ງຫົວໜ້າພາສີ-ຮອງຫົວໜ້າສ່ວຍສາອາກອນ ປະຈໍາແຂວງຫຼວງພະບາງ - 4 - ປະກາດແຕ່ງຕັ້ງຫົວໜ້າພາສີ-ຮອງຫົວໜ້າສ່ວຍສາອາກອນ ປະຈໍາແຂວງຫຼວງພະບາງ
ປະກາດແຕ່ງຕັ້ງຫົວໜ້າພາສີ-ຮອງຫົວໜ້າສ່ວຍສາອາກອນ ປະຈໍາແຂວງຫຼວງພະບາງ - 5 - ປະກາດແຕ່ງຕັ້ງຫົວໜ້າພາສີ-ຮອງຫົວໜ້າສ່ວຍສາອາກອນ ປະຈໍາແຂວງຫຼວງພະບາງ