ກອງປະຊຸມໃຫຍ່ ຜູ້ແທນແນວລາວສ້າງຊາດ ທົ່ວປະເທດ ຄັ້ງທີ XI ເປີດຂຶ້ນຢ່າງເປັນທາງການ

- 260628170 614604283321609 9053870728562554170 n - ກອງປະຊຸມໃຫຍ່ ຜູ້ແທນແນວລາວສ້າງຊາດ ທົ່ວປະເທດ ຄັ້ງທີ XI ເປີດຂຶ້ນຢ່າງເປັນທາງການ
- AGL banner - ກອງປະຊຸມໃຫຍ່ ຜູ້ແທນແນວລາວສ້າງຊາດ ທົ່ວປະເທດ ຄັ້ງທີ XI ເປີດຂຶ້ນຢ່າງເປັນທາງການ

ກອງປະຊຸມໃຫຍ່ຜູ້ແທນແນວລາວສ້າງຊາດ ທົ່ວປະເທດ ຄັ້ງທີ XI ເປີດຂຶ້ນຢ່າງເປັນທາງການ ໃນວັນທີ 25 ພະຈິກ ນີ້ ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ (ໂດຍໄດ້ຈັດເປັນສອງຮູບແບບຄື: ຮູບແບບປົກກະຕິຢູ່ນະຄອຫຼວງວຽງຈັນ ແລະ ຮູບແບບທາງໄກຢູ່ບັນດາແຂວງທົ່ວປະເທດ) ເນື່ອງຈາກສະພາບການແຜ່ລະບາດຂອງພະຍາດໂຄວິດ-19, ໂດຍການເຂົ້າຮ່ວມມີພະເຖລານຸເຖລະ, ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ ປະທານປະເທດ ແຫ່ງ ສປປ ລາວ, ມີບັນດາການນຳພັກ-ລັດ, ອະດີດການນຳຂັ້ນສູງ ພ້ອມດ້ວຍຜູ້ແທນ ແລະ ແຂກທີ່ຖືກເຊີນທົ່ວປະເທດທັງໝົດ 581 ສະຫາຍ ຍິງ 110 ສະຫາຍ.

- 260661679 614604256654945 1459145417648512389 n 300x200 - ກອງປະຊຸມໃຫຍ່ ຜູ້ແທນແນວລາວສ້າງຊາດ ທົ່ວປະເທດ ຄັ້ງທີ XI ເປີດຂຶ້ນຢ່າງເປັນທາງການ

ໂອກາດນີ້, ທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ (ສນຊ) ໄດ້ລາຍງານວ່າ: ໃນໄລຍະ 1 ປີຜ່ານມາ ສນຊ ໄດ້ສຳເລັດການດຳເນີນກອງປະຊຸມໃຫຍ່ແນວລາວຂັ້ນແຂວງ ຕິດພັນກັບການຄົ້ນຄວ້າ, ປະກອບຄຳເຫັນໃສ່ຮ່າງບົດລາຍງານການເມືອງ, ຮ່າງແຜນພັດທະນາ ແລະ ຮ່າງກົດລະບຽບແນວລາວສ້າງຊາດ, ໄດ້ປະສານສົມທົບກັບອົງການຈັດຕັ້ງພັກ-ລັດ, ອົງການຈັດຕັ້ງມະຫາຊົນ ແລະ ອົງການປົກຄອງທ້ອງຖິ່ນ ປຸກລະດົມປະຊາຊົນລາວບັນດາເຜົ່າ ປະກອບສ່ວນການຈັດຕັ້ງປະຕິບັດຂະບວນການແຂ່ງຂັນຮັກຊາດ ແລະ ພັດທະນາ ຕິດພັນກັບການຊຸກຍູ້ການຜະລິດ, ການປູກຝັງ-ລ້ຽງສັດ, ສ້າງລາຍຮັບເພື່ອແກ້ໄຂຄວາມທຸກຍາກເທື່ອລະກ້າວ, ປຸກລະດົມທົ່ວສັງຄົມ ທັງພາຍໃນ ແລະ ຕ່າງປະເທດ ໃຫ້ການຊ່ວຍເຫຼືອຕ້ານພະຍາດໂຄວິດ-19, ຕ້ານໄພນ້ຳຖ້ວມ, ຕ້ານໄພແຫ້ງແລ້ງ, ໄພໜາວ ແລະ ອື່ນໆ. ອັນພົ້ນເດັ່ນ ແມ່ນໄດ້ສ້າງຂະບວນການແຂ່ງຂັນສ້າງຄອບຄົວ ແລະ ບ້ານສາມັກຄີປອງດອງ ແລະ ເມືອງສາມັກຄີປອງດອງ ຕິດພັນກັບການແກ້ໄຂຄວາມທຸກຍາກ ຂອງປະຊາຊົນລາວບັນດາເຜົ່າ ເຮັດໃຫ້ມີບັນຍາກາດ ແລະ ໃບໜ້າໃໝ່ໃນການປະຕິບັດວຽກງານແນວໂຮມຢູ່ຂັ້ນຮາກຖານ. ພ້ອມກັນນີ້, ໄດ້ປຸກລະດົມຈັດຕັ້ງການສະເຫຼີມສະຫຼອງວັນສຳຄັນຕ່າງໆຂອງພັກ, ຂອງຊາດ ເປັນຕົ້ນ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 65 ປີ, ວັນສ້າງຕັ້ງແນວລາວສ້າງຊາດ ຄົບຮອບ 70 ປີ, ວັນສະຖາປະນາ ສປປ ລາວ ຄົບຮອບ 45 ປີ, ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ, ຂະບວນການປຸກລະດົມປະຊາຊົນ ກະກຽມກອງປະຊຸມໃຫຍ່ຄັ້ງທີ XI ຂອງພັກ, ກະກຽມ ແລະ ດຳເນີນການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນແຂວງ ຊຸດທີ II ແລະ ອື່ນໆ.

- 260499667 614604299988274 8233819957904621005 n 300x200 - ກອງປະຊຸມໃຫຍ່ ຜູ້ແທນແນວລາວສ້າງຊາດ ທົ່ວປະເທດ ຄັ້ງທີ XI ເປີດຂຶ້ນຢ່າງເປັນທາງການ

 

- lattana banner 1 - ກອງປະຊຸມໃຫຍ່ ຜູ້ແທນແນວລາວສ້າງຊາດ ທົ່ວປະເທດ ຄັ້ງທີ XI ເປີດຂຶ້ນຢ່າງເປັນທາງການ
-    AD conten website - ກອງປະຊຸມໃຫຍ່ ຜູ້ແທນແນວລາວສ້າງຊາດ ທົ່ວປະເທດ ຄັ້ງທີ XI ເປີດຂຶ້ນຢ່າງເປັນທາງການ
- lattana banner - ກອງປະຊຸມໃຫຍ່ ຜູ້ແທນແນວລາວສ້າງຊາດ ທົ່ວປະເທດ ຄັ້ງທີ XI ເປີດຂຶ້ນຢ່າງເປັນທາງການ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!