ນັກໂທດ 1 ພັນກວ່າຄົນຢູ່ແຂວງຈໍາປາສັກ ໄດ້ສັກວັກຊີນປ້ອງກັນພະຍາດໂຄວິດ-19

ເມື່ອບໍ່ດົນມານີ້, ພະແນກເສນາຮັກ ປກສ ແຂວງຈຳປາສັກ ໄດ້ລົງສັກວັກຊີນປ້ອງກັນພະຍາດໂຄວິດ-19 ໃຫ້ນັກໂທດຢູ່ຄ້າຍຄຸມຂັງບັງລຽງພາກໃຕ້ ເມືອງປະທຸມພອນ ໂດຍມີພັທ ສີລາວົງ ອິນທະປະເສີດ ຫົວໜ້າຄ້າຍຄຸມຂັງບັງລຽງພາກໃຕ້, ພັທ ຄຳສະກອນ ດວງພະຈັນ ຮອງຫ້ອງພາລາທິການ ປກສ ແຂວງ, ພັຕ ນາງ ແຕ໋ນ ໄຊອາສາ ຮອງພະແນກເສນາຮັກ ພ້ອມດ້ວຍພະນັກງານວິຊາການ ເຂົ້າຮ່ວມ.

ການເຄື່ອນໄຫວສັກວັກຊີນປ້ອງກັນພະຍາດໂຄວິດ-19 ໃຫ້ນັກໂທດຢູ່ຄ້າຍຄຸມຂັງບັງລຽງພາກໃຕ້ ເປັນການປະຕິບັດຕາມແຜນການເຄື່ອນໄຫວຂອງກອງບັນຊາການ ປກສ ແຂວງຈຳປາສັກ ໂດຍໄດ້ສັກວັກຊີນແອັດຕຣາເຊນເນກ້າ ເຂັມທີ 4 ໃຫ້ນັກໂທດ 1.400 ຄົນ, ຍິງ 136 ຄົນ.