ດອດມຸນ ກຽມຍື່ນຂໍ້ສະເຫນີຄວ້າ ຫລຸຍ ຊົວເຣສ ເສີມຫນ້າ

ສະກາຍ ເຢຍລະມັນ ລາຍງານວ່າ ໂບຣຸສເຊຍ ດອດມຸນ ທີມດັງຈາກບຸນເດສລີກາ ກຽມແຜນຄວ້າ ຫລຸຍ ຊົວເຣສ ກອງຫນ້າທີມຊາດອຸຣຸໄກວ ມາເສີມກອງຫນ້າ.

ກ່ອນຫນ້ານີ້ ໂບຣຸສເຊຍ ດອດມຸນ ຫາກໍເສຍກອງຫນ້າຕົວເກັ່ງຢ່າງ ເອີຣິງ ຮາແລນ ທີ່ຍ້າຍໄປຫລິ້ນໃຫ້ກັບ ແມນເຊສເຕີ ຊິຕີ ທີມແຊ໊ມເກ່ົາພຣີເມຍລີກ ອັງກິດ ເຮັດໃຫ້ພວກເຂົາພວມຊອກຫາກອງຫນ້າໃຫມ່ເຂົ້າມາເສີມທີມເພີ່ມອີກ.

ສ່ວນທາງດ້ານ ຊົວເຣສ ຫາກໍກາຍເປັນນັກເຕະບໍ່ມີສັງກັດ ຫລັງຫມົດສັນຍາກັບ ແອດເລຕີໂກ ມາດຣິດ ໃນ ລາ ລີກາ ສະເປນ ເມື່ອເດືອນມິຖຸນາທີ່ຜ່ານມາ.

ກ່ອນຫນ້ານີ້ ມີກະແສຂ່າວວ່າ ຊົວເຣສ ອາດຈະຍ້າຍກັບໄປຫລິ້ນໃນທະວີບອາເມລິກາໃຕ້ ໂດຍມີຂ່າວເຊື່ອມໂຍງກັບ ຣີເວີເພລດ ແລະ ນາຊິໂອນາລ.