ສັບພະຄຸນຂອງບົວລະພາຊ່ວຍແກ້ອາການທ້ອງອືດ ແລະ ຊ່ວຍອາການຄາຍຄຽດໄດ້
ບົວລະພານອກຈາກຈະມີກິ່ນຫອມແລ້ວຍັງມີຄຸນປະໂຫຍດຕໍ່ສຸຂະພາບຊ່ວຍໃຫ້ຂັບລົມ ແລະ ຊ່ວຍໃຫ້ຈະເລີນອາຫານ ແລະ ຍັງມີສັບພະຄຸນອື່ນໆອີກ
ຄຸນປະໂຫຍດທາງຢາຂອງບົວລະພາທີ່ໜ້າສົນໃຈ
ນອກຈາກບົວລະພາຈະມີກິ່ນຫອມ ຊ່ວຍໃຫ້ອາຫານເປັນຕາກິນແລ້ວ ຍັງມີຄຸນປະໂຫຍດທາງຢາດັ່ງລຸ່ມນີ້
- ແກ້ອາການເຈັບແຂ້ວ
ນ້ຳມັນຫອມລະເຫີຍຈາກໃບບົວລະພາມີສ່ວນຊ່ວຍຫລຸດອາການແກ້ປວດ ແລະ ແກ້ອັກເສບ ໂດຍໃຫ້ຄັ້ນນ້ຳຈາກໃບແລ້ວເອົາສຳລີກ້ອນນ້ອຍໆຈຸ່ມນ້ຳຄັ້ນຈາກໃບແລ້ວອັດໃສ່ໂພ້ງແຂ້ວທີ່ປວດ
- ຊ່ວຍໃຫ້ຈະເລີນອາຫານ
ກິ່ນຫອມຈາກນ້ຳມັນຫອມລະເຫີຍໃນໃບບົວລະພາມີສັບພະຄຸນຊ່ວຍຂັບລົມເຮັດໃຫ້ຈະເລີນອາຫານ
- ແກ້ປວດຫົວ ແກ້ຫວັດ
ນ້ຳມັນຫອມລະເຫີຍໃນໃບບົວລະພາຍັງແກ້ອາການປວດຫົວ ແລະ ແກ້ຫວັດໄດ້ດີ ໂດຍໃຊ້ຍອດອ່ອນຕົ້ມໃສ່ນ້ຳດື່ມເປັນຊາ ຫລື ກິ່ນຜັກສົດ
- ແກ້ໄອ
ຄັ້ນນ້ຳຈາກໃບບົວລະພາປະມານ 2-4 ກຣາມ ແລ້ວນຳນ້ຳບົວລະພາປະສົມກັບນ້ຳເຜິ້ງເລັກນ້ອຍ ດື່ມແກ້ໄອ ແລະ ຫລອດລົມອັກເສບໄດ້ ຫລື ຈະໃຊ້ໃບບົວລະພາຮ່ວມກັບຂີງກໍໄດ້
- ຊ່ວຍຍ່ອຍອາຫານແກ້ທ້ອງອືດ
ບົວລະພາຊ່ວຍຂັບລົມໃນລຳໄສ້ ແກ້ອາການທ້ອງອືດ, ປຸ້ນທ້ອງ, ປວດຮາກ ໂດຍນຳເອົາໃບບົວລະພາລ້າງນ້ຳໃຫ້ສະອາດ 20 ໃບ ແລ້ວຊົງໃສ່ນ້ຳຮ້ອນຈິບເປັນຊາ
- ແກ້ອາການທ້ອງບິດ ຊ່ວຍລະບາຍ
ແກ່ນຂອງບົວລະພາມີນ້ຳເມືອກທີ່ຊ່ວຍຫລໍ່ລື່ນລຳໄສ້ ຊ່ວຍເພີ່ມປະລິມານກາກໃຍອາຫານເຮັດໃຫ້ຂັບຖ່າຍໄດ້ງ່າຍຂຶ້ນ ໂດຍການໃຊ້ແກ່ນບົວລະພາແຊ່ນ້ຳ ກິນແກ້ອາການທ້ອງບິດຊ່ວຍໃຫ້ລະບາຍ
- ຊ່ວຍໃຫ້ຄວາມຮູ້ສຶກສະຫງົບ
ນ້ຳມັນບົວລະພາມີກິ່ນຫອມຫວານ ມີຄຸນສົມບັດຊ່ວຍໃຫ້ເກີດຄວາມຮູ້ສຶກສະຫງົບເມື່ອສູດດົມ ຊ່ວຍໃຫ້ມີສະມາທິ ແລະ ຫລົບອາການຊຶມເສົ້າ
- ບົວລະພາສາມາດໄລ່ຍຸງໄດ້
ຍຸງຈັດຢູ່ໃນປະເພດເປັນໂຕນຳເຊື້ອພະຍາດອັນຕະລາຍເຊັ່ນ: ໄຂ້ເລືອດອອກ ແລະ ຍັງເຮັດໃຫ້ເກີດອາການຄັນເມື່ອຖືກຍຸງກັດ ແຕ່ຖ້າຫາກຜູ້ໃດຢາກໄລ່ຍຸງ ກິ່ນ ແລະ ນ້ຳມັນທີ່ຢູ່ໃນໃບບົວລະພາສາມາດຊ່ວຍໄລ່ຍຸງໄດ້
- ຂ້າເຊື້ອສິວ
ສານສະກັດເອທານວນຂອງໃບບົວລະພາມີສານຢັບຢັ້ງການຈະເລີນເຕີບໂຕຂອງເຊື້ອແບັດທີເຣຍທີ່ເປັນສາເຫດຂອງການເກີດສິວໄດ້ດີທີ່ສຸດ
