ຊໍາຊຸງ ເຂົ້າພົບ ລັດຖະບານລາວ ເພື່ອແຈ້ງໃຫ້ຮູ້ກ່ຽວກັບທຸລະກິດຂອງຕົນ ແລະ ສະໜັບສະໜູນ ການສະເໜີ ເມືອງປູຊານ ໃນການເປັນເຈົ້າພາບງານ World Expo ປີ 2030.

ໃນການປະຊຸມຮ່ວມກັບພະນະທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ ແລະ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ທີ່ຫ້ອງການ ກະຊວງການຕ່າງປະເທດ ທີ່ນະຄອນຫຼວງວຽງຈັນ, ສປປ ລາວ, ໃນວັນທີ 29 ກໍລະກົດ, ບໍລິສັດຊໍາຊຸງໄດ້ແນະນຳກິດຈະກຳທາງທຸລະກິດ ພ້ອມກັບນະວັດຕະກຳຕ່າງໆ ແລະ ຄວາມພະຍາຍາມໃນການຕອບສະໜອງຄວາມຕ້ອງການຂອງຜູ້ບໍລິໂພກລາວອີງໃສ່ກຸ່ມຜະລິດຕະພັນທີ່ຫຼາກຫຼາຍ. ພ້ອມກັນນັ້ນ, ຍັງໄດ້ອະທິບາຍຂໍ້ດີຂອງເມືອງປູຊານໃນຖານະເມືອງເຈົ້າພາບໃນການຈັດງານ World Expo 2030 ອີກດ້ວຍ.
ທ່ານ ຊັງໂຮ ໂຈ, ປະທານ ແລະ ເຈົ້າໜ້າທີ່ບໍລິຫານຂອງບໍລິສັດຊໍາຊຸງສາຂາອາຊີຕາເວັນອອກສຽງໃຕ້ແລະ ໂອຊີອານີ ຍັງໄດ້ອະທິບາຍກ່ຽວກັບຕົວຢ່າງນະວັດຕະກຳທີ່ໂດດເດັ່ນຂອງຊໍາຊຸງ ແລະ ກິດຈະກຳຊ່ວຍເຫຼືອສັງຄົມໃນທົ່ວໂລກ, ນອກຈາກນີ້ ຊໍາຊຸງຍັງຢາກເປັນຍີ່ຫໍ້ທີ່ຜູ້ບໍລິໂພກລາວເລືອກນຳໃຊ້ຫຼາຍທີ່ສຸດ.