ເຊລຊີ ຖະແຫລງຄວ້າ ມາກ ກູກູເຣຢາ ເສີມທີມຄ່າຕົວ 63 ລ້ານປອນ ເຊັນສັນຍາ 6 ປີ
ເຊລຊີ ຖະແຫລງເປີດຕົວ ມາກ ກູກູເຣຢາ ດາວເຕະທີມຊາດສະເປນ ເປັນຜູ້ຫລິ້ນໃຫມ່ຂອງທີມ ຫລັງຍ້າຍມາຈາກຄູ່ແຂ່ງ ຮ່ວມລີກຢ່າງໄບຣຕັນ ດ້ວຍຄ່າຕົວ 63 ລ້ານປອນ.
ສຳລັບລາຍລະອຽດເລື່ອງຕົວນັ້ນບໍ່ມີການເປີດເຜີຍອອກມາ ແຕ່ສື່ຕ່າງປະເທດລາຍງານວ່າໄບຣຕັນ ຕອບຮັບຂໍ້ຕົກລົງມູນ ຄ່າລວມ 63 ລ້ານປອນ ຂະນະທີ່ ກູກູເຣຢາ ເຊັນສັນຍາກັບເຊລຊີເປັນເວລາ 6 ປີ.
ດາວເຕະອາຍຸ 24 ປີ ກ່າວວ່າ : ‘‘ ຂ້ອຍມີຄວາມສຸກຫລາຍ ນີ້ເປັນໂອກາດສຳຄັນທີ່ຂ້ອຍໄດ້ມາຢູ່ກັບຫນຶ່ງ ສະໂມສອນທີ່ດີ ທີ່ສຸດໃນໂລກ ຂ້ອຍຕັ້ງໃຈຈະເຮັດວຽກຫນັກເພື່ອໃຫ້ຕົວເອງມີຄວາມສຸກກັບທີມທີມ ແລະ ຊ່ວຍທີມໄດ້ ’’.
ກູກູເຣຢາ ຍ້າຍຈາກເຄຕາເຟ ທີມໃນລີກສະເປນ ມາຢູ່ໄບຣຕັນເມື່ອລະດູການຜ່ານມາ ເຊິ່ງນັກເຕະລາຍນີ້ຖືກຈັບໄປຢືນຊ້າຍຫລັງ ແລະ ໄດ້ລົງຫລິ້ນເກມພຣີເມຍລີກໄປ 35 ນັດ ນອກຈາກນີ້ ລາວຍັງສາມາດຫລິ້ນປີກຊ້າຍນຳອີກ.
ສຳລັບ ກູກູເຣຢາ ເປັນນັກເຕະໃຫມ່ຄົນທີ 3 ຂອງເຊລຊີໃນລະດູການນີ້ຕໍ່ຈາກ ຣາຮິມ ສະເຕີຣິງ ກອງຫນ້າທີມຊາດອັງກິດ ແລະ ຄາລີດູ ຄູລີບາລີ ກອງຫລັງທີມຊາດເຊເນກັລ.
