ອຢ ປະເທດໄທ ຢືນຢັນແປ້ງຝຸ່ນບໍ່ມີສານປົນເປື້ອນແຮ່ໃຍຫີນ ພາຍຫລັງເກັບຕົວຢ່າງສົ່ງກວດ

ພາຍຫລັງທີ່ມີຂ່າວວ່າກຳປູເຈຍປະກາດຫ້າມການນຳເຂົ່້້າ ແລະ ຈຳໜ່າຍແປ້ງເດັກນ້ອຍຈາກໄທຊົ່ວຄາວ ຫລັງພົບວ່າມີການປົນເປື້ອນແຮ່ໃຍຫີນໃນທ້າຍເດືອນສິງຫາທີ່ຜ່ານມາ, ລ່າສຸດວັນທີ 10 ກັນຍາ 2022 ນີ້ ທ່ານ ວິຣະໄຊ ນາລາໄຊ ຮອງເລຂາທິການຄະນະກົມການອາຫານ ແລະ ຢາ ປະເທດໄທ ໄດ້ກ່າວວ່າ: ຫລັງຈາກທີ່ຮູ້ຂ່າວກໍບໍ່ໄດ້ນິ່ງນອນໃຈ ຈຶ່ງດຳເນີນການເກັບຕົວຢ່າງຈາກສະຖານທີ່ຜະລິດ ແລະ ສະຖານທີ່ຈຳໜ່າຍ ເປັນຕົ້ນ: ເບບີ້ມາຍ ສະວິດຕີ້ ພິ້ງ ພລັສ ເບບີ້ ພາວເດີ, ເກສັນ ແປ້ງເຢັນ ກິ່ນມາດາມ, ຈອນສັນ ຄາດສິກ ເບບີ້ ພາວເດີ, ຈອນສັນ ບອລຊ່ຳ ເບບີ້ ພາວເດີ, ດີນີ່ ນິວບອນ ເບບີ້ ພາວເດີ, ດີນີ ຄິດາ ແຮັບປີ່ ປຣິ້ນເຊສ ພາວເດີ ແລະ ໂຄໂດໂມະ ເບບີ່ ພາວເດີ (ເອັກຕ່າ ມາຍ) ທັງໝົດນີ້ສົ່ງວິເຄາະຫາສານປົນເປື້ອນແຮ່ໃຍຫີນທີ່ສຳນັກງານພັດທະນາວິທະຍາສາດ ແລະ ເທັກໂນໂລຊີແຫ່ງປະເທດໄທ ທັນທີິ, ສຳລັບຜົນການວິເຄາະແມ່ນບໍ່ພົບສານປົນເປື້ອນແຮ່ໄຍຫີນ.