ມາແຮງແຊງທາງໂຄ້ງ, ທຽບຄ່າເມື່ອຍ 6 ຜູ້ຈັດການທີມໃຫຍ່, ພອດເຕີ ແຊງ 2 ຜູ້ຈັດການດັງ
ເອີ້ນໄດ້ວ່າ ມາແຮງແຊງທາງໂຄ້ງກໍວ່າໄດ້ ສຳລັບການທຽບຄ່າເມື່ອຍ 6 ຜູ້ຈັດການທີມໃຫຍ່ ໂດຍທີ່ ເກຣແຮມ ພອດເຕີ ແຊງ 2 ຜູ້ຈັດການຊື່ດັງຕົກຂອບໄປເລີຍ.
ເກຣແຮມ ພອດເຕີ ຜູ້ຈັດການທີມຊາວອັງກິດ ທີ່ຂຶ້ນຄ່າເມື່ອຈາກທີມເກ່ົາ ໄບຣຕັນ ແອນ ໂຮຟ ອັນບຽນ 2 ລ້ານປອນ ເພີ່ມຂຶ້ນມາເປັນໄດ້ຮັບຄ່າເມື່ອຍ 12 ລ້ານປອນຕໍ່ປີ ຈາກການຍ້າຍມາຄຸມທີມ ເຊລຊີ.
ທັງນີ້ ຈາກຄ່າເມື່ອຍດັ່ງກ່າວຫາກທຽບກັບ 6 ທີມໃຫຍ່ນຳກັນແລ້ວ ເຮັດໃຫ້ ເກຣແຮມ ພອດເຕີ ບຽດເອົາຊະນະ 2 ຜູ້ຈັດການ ທີມດັງຢ່າງ ເອຣິກ ເທນ ຮາກ ຜູ້ຈັດການທີມຊາວເນເທີແລນຂອງ ແມນເຊສເຕີ ຢູໄນເຕັດ ທີ່ຮັບຢູ່ 9 ລ້ານປອນຕໍ່ປີ ແລະ ມິເກລ ອາເຕຕາ ຜູ້ຈັດການທີມຊາວສະເປນ ຈາກ ອາເຊນອລ ທີ່ໄດ້ຮັບ 8,5 ລ້ານປອນຕໍ່ປີ.
ຂະນະທີ່ ເປບ ກວາດີໂອລາ ຜູ້ຈັດການທີມຊາວສະເປນ ຂອງແມນເຊສເຕີ ຊິຕີ ຄອງທີໜຶ່ງດ້ວຍຄ່າເມື່ອຍແພງທີ່ສຸດທີ່ 19 ລ້ານປອນຕໍ່ປີ ໂດຍທີ່ ເຈີເກັນ ຄລອບ ຂອງລີເວີພູລ ຕາມມາເປັນອັນດັບ 2 ດ້ວຍຄ່າເມື່ອຍ 16 ລ້ານປອນຕໍ່ປີ ແລະ ອັນໂຕນີໂອ ຄອນເຕ ຂອງສະເປີ ມາເປັນອັນດັບ 3 ຄ່າຈ້າງ 15 ລ້ານປອນຕໍ່ປີ.
