ຢູເວນຕຸສ ສະເໜີທາງເລືອກໃຫ້ ປັອກບາ 3 ທາງ ຫລັງມີອາການບາດເຈັບຊຳ້ຊ້ອນ

ພອລ ປັອກບາ ກອງກາງຊາວຝຣັ່ງ ອາຍຸ 29 ປີ ອອກຈາກ ແມນເຊັສເຕີ ຢູໄນເຕັດ ແລະ ຍ້າຍກັບໄປຢູ່ ຢູເວນຕຸສ ເປັນຄັ້ງທີ 2 ໃນລະດູຮ້ອນທີ່ຜ່ານມາ. ດ້ວຍ​ການ​ຄາດ​ຫວັງວ່າເຂົາ​ຈະ​ກັບ​ສູ່​ຟອມ​ຮ້ອນ​ແຮງ​ອີກຄັ້ງ.

ປັອກບາ ໄດ້ລົງສະໜາມພຽງ 2 ນັດໃນລະດູການນີ້ ແລະ ລົງສະໜາມໃນຖານະຕົວສຳຮອງທັງໝົດ. ເຊິ່ງນອກຈາກການບາດເຈັບແລ້ວ ລາວຍັງມີບັນຫາທາງວິໄນທີ່ເຮັດໃຫ້ຖືກຫລຸດເປັນຕົວສຳຮອງ. ໃນເກມທີ່ບ້ານຢູເວນຕຸສ ຊະນະ ໄຟລບວກ 1-0 ໃນການແຂ່ງຂັນ ຢູໂຣປາ ລີກ ໃນອາ​ທິດ​ທີ່​ຜ່ານ​ມາ​.

ທັງນີ້ອີງຕາມໜັງສືພິມອິຕາລີ Gazzetta dello Sport, ຢູເວນຕຸສ ອາດຈະດໍາເນີນການບາງຢ່າງກ່ຽວກັບເລື່ອງນີ້. ພິຈາລະນາສັນຍາສະບັບໃຫມ່ຂອງ ປັອກບາ ໃນທ້າຍລະດູການ 2022/23, ເຊິ່ງທັງໝົດ 3 ທາງເລືອກທີ່ສະໂມສອນສາມາດຍື່ນໃຫ້ພິຈາລະນາ.

ທາງເລືອກທໍາອິດແມ່ນການເຈລະຈາສັນຍາຂອງ ປັອກບາ ຄືນໃໝ່. ໂດຍການຫລຸດຄ່າຈ້າງລົງ ເພື່ອສະແດງຄວາມຮັບຜິດຊອບ ຍ້ອນວ່າລາວໄດ້ມີສ່ວນຮ່ວມໃນທີມຫນ້ອຍເກີນໄປໃນລະດູການນີ້, ທາງເລືອກທີສອງຄືສະໂມສອນຈະບໍ່ປ່ຽນແປງຫຍັງ. ດ້ວຍຄວາມຫວັງໃນລະດູການຕໍ່ໄປຂອງ ປັອກບາ ຈະດີຂຶ້ນ ແລະ ທາງເລືອກສຸດທ້າຍແມ່ນການຍົກເລີກສັນຍາກັບ ປັອກບາ ໃນຊ່ວງພັກ​ແລ້ງ​ນີ້.