ເປົ້າໝາຍປ່າໄມ້ປົກຫຸ້ມ 70% ທີ່ເປັນຄວາມຫວັງ ແລະ ຈະເປັນຈິງ
ໂດຍ: ມຶກບໍ່ແຫ້ງ
ສປປ ລາວ ຖືວ່າຍັງມີຊັບພະຍາກອນປ່າໄມ້ອຸດົມສົມບູນ ແລະລັດຖະບານໄດ້ຕັ້ງເປົ້້າໝາຍສູ້ຊົນໃຫ້ໄດ້ 70 % ຂອງການປົກຫຸ້ມປ່າໄມ້ໃນປີ 2035 ຕາມທິດທາງຍຸດທະສາດປ່າໄມ້ສະບັບໃໝ່ ແຕ່ຄຽງຄູ່ກັນນັ້ນສະພາບຄວາມເປັນຈິງກໍຍັງລໍ້າບາກຢູ່.
ປ່າໄມ້ແມ່ນເປົ້າໝາຍການພັດທະນາຫຼາຍດ້ານຂອງ ລາວ ແລະ ເປັນແຫຼ່ງຊັບພະຍາກອນທຳມະຊາດທີ່ລໍ້າຄ່າ ບໍ່ສະເພາະແຕ່ແກ່ ສປປລາວ ແຕ່ຍັງແມ່ນຊັບສົມບັດລວມທີ່ມີຄ່າຂອງໂລກ. ປະຊາຊົາລາວ ໂດຍສະເພາະທ້ອງຖິນຊົນນະບົດ ຖືເອົາປ່າໄມ້ເປັນແຫຼ່ງອາຫານ ຈາກການເກັບເຄື່ອງປ່າຂອງດົງ, ການສ້າງລາຍຮັບ, ຢາປົວພະຍາດ, ສ້າງທີ່ພັກອາໄສ ແລະ ການສະໜອງນໍ້າຊ່ວຍສ້າງລະບົບນິເວດທີ່ອຸດົມສົມບູນ ແລະເປັນຜົນປະໂຫຍດຢ່າງມະຫາສານຕໍ່ການພັດທະນາດ້ານອື່ນໆ.
ແຕ່ມາຮອດປັດຈຸບັນປ່າໄມ້ ໂດຍສະເພາະປ່າສະຫງວນ ແມ່ນຖືກໄພຂົ່ມຂູ່ຢ່າງໜັກ ຈາກບັນດາໂຄງການສຳປະທານທີ່ດິນ ທີ່ບໍ່ມີການສຳຫຼວດກວດກາພື້ນທີ່ຄັກແນ່ ເຊິ່ງແທນທີ່ຈະແມ່ນເຂດຄຸ້ມຄອງນໍາໃຊ້ ພັດໄປຖືກປ່າແກ່ທີ່ມີຄຸນຄ່າທາງລະບົບນິເວດ, ການອະນຸມັດ ໂຄງການພັດທະນາອື່ນໆ ເຊັ່ນ: ການຂຸດຄົ້ນບໍ່ແຮ່ ເຊິ່ງຖືວ່າ ກາຍເປັນບັນຫາເຄັ່ງຮ້ອນໃນປັດຈຸບັນ ເພາະຫຼາຍໂຄງການທີ່ຖືກອະນຸມັດ ແມ່ນຂາດການຄຸ້ມຄອງ ແລະການຈັດຕັ້ງປະຕິບັດກໍຍັງຂາດຄວາມຮັບຜິດຊອບ ໂປ່ງໃສ ການລຸກລໍ້າ ແລະທຳລາຍປ່າໄມ້ໄປບໍ່ແມ່ນໜ້ອຍ.
ນອກນັ້ນ, ຍ້ອນການຊຸກຍູ້ການຜະລິດ ກະສິກຳເປັນສິນຄ້າ ເຊັ່ນ ການປູກມັນຕົ້ນ ທີ່ກຳລັງຂະຫຍາຍພື້ນທີ່ການຜະລິດເຂົ້າສູ່ເຂດປ່າແກ່, ປ່າສະຫງວນ ຍ້ອນປະຊາຊົນຈຳນວນໜຶ່ງຍັງບໍ່ທັນເຂົ້າໃຈ, ຂາດການຕິດຕາມຄຸ້ມຄອງ ຂອງພາກສ່ວນທີ່ກ່ຽວຂ້ອງ, ຂາດການຊຸກຍູ້ ແລະຈັດສັນທີ່ດິນທຳການຜະລິດຢ່າງສອດຄ່ອງ, ບາງເຂດ ແມ່ນອອກໃບນຳໃຊ້ທີ່ດິນ ໃນເຂດສະຫງວນ ເຊິ່ງເຮັດໃຫ້ ປ່າສະຫງວນຂອງລາວ ແຕ່ເໜືອຮອດໃຕ້
