ຝຣັ່ງແຕ່ງຕັ້ງ ຄີລຽນ ເອັມປັບເປ້ ໃສ່ປອກແຂນເປັນຫົວໜ້າທີມ ແຂ່ງ ຢູໂຣ ກຣີສມັນ ເປັນຮອງຫົວໜ້າ

ຄີລຽນ ເອັມປັບເປ້ ກອງໜ້າຂອງ ປາຣີ ແຊັງ-ແຊກແມັງ ໄດ້ຖືກແຕ່ງຕັ້ງໃຫ້ເປັນຫົວໜ້າທີມຄົນໃໝ່ຂອງທີມຊາດຝຣັ່ງ ຈາກການຢືນຢັນຂອງ ດີດິເຢ ເດຊັອງ ຄູຝຶກຂອງທີມ.

ຝຣັ່ງມີຄິວແຂ່ງຂັນຢູໂຣ 2024 ຮອບຄັດເລືອກກຸ່ມ B  ທີ່ບ້ານພົບກັບ ເນເທີແລນ ໃນວັນທີ 24 ມີນາ ແລະ ໄອແລນ ໃນວັນທີ 27 ມີນາ, ເຊິ່ງພວກເຂົາກໍໄດ້ມີການແຕ່ງຕັ້ງຫົວໜ້າທີມຄົນໃຫມ່ກ່ອນເຖິງເກມສຳຄັນ.

ດີດິເຢ ເດຊັອງ ປະກາດຢ່າງເປັນທາງການວ່າ ເອັມປັບເປ້ ຈະເປັນຫົວໜ້າທີມຄົນໃໝ່ໃນຊຸດນີ້, ໃນຂະນະທີ່ ອັອງຕວນ ກຣີສມັນ ເຂົ້າມາເປັນຮອງຫົວໜ້າທີມ.