ປາວາ ຍິງສຸດງາມເຄິ່ງຫລັງ ຝຣັ່ງ ບຸກບຽກເອົາຊະນະ ໄອແລນ 1-0 ນຳຈ່າຝູງ ຢູໂຣ 2024
March 28, 2023 - 9:40 AM
ທັບນັກເຕະທີມຊາດຝຣັ່ງ ລົງສະໜາມເກັບໄຊຊະນະເປັນນັດທີ 2 ຂອງການແຂ່ງຂັນຮອບຄັດເລືອກ ຢູໂຣ 2024 ຫລັງເອົາຊະນະ ໄອແລນ 1-0 ເມື່ອຄືນວັນທີ 27 ມີນາຜ່ານມາ.
ເກມຢູ່ທີ່ສະຫນາມ ອາວິວາ ມີປະຕູເກີດຂຶ້ນໃນເຄິ່ງເວລາທີສອງນາທີ 50 ຝຣັ່ງ ໄດ້ປະຕູຂຶ້ນນໍາຈາກຈັງຫວະທີ່ ເບນຈາມິນ ປາວາ ໂດຍບານລອຍໄປສຽບຄານຢ່າງສວຍງາມ. ແລະ ເປັນພຽງປະຕູດຽວໃນເກມນີ້, ເຖິງວ່າໄອແລນຈະພະຍາຍາມທວງຄືນຫລາຍຄັ້ງແຕ່ກໍ່ບໍ່ສຳເລັດ.
ຜົນອອກມາເຮັດໃຫ້ “ກາໄກ່” ແຊ້ມຢູໂຣ 2 ສະໄໝ ຊະນະ 2 ນັດຕິດຕໍ່ກັນ ເກັບເພີ່ມເປັນ 6 ຄະແນນ ແລະ ເປັນອັນດັບໜຶ່ງຂອງກຸ່ມ ບີ ດ້ວຍສະຖິຕິທີ່ສວຍງາມ ຂະນະທີ່ ໄອແລນ ເສຍເກມທໍາອິດໄປຢ່າງໜ້າເສຍດາຍ.
