ທ່ານ ຮອງປະທານ ສູນກາງແນວລາວສ້າງຊາດ ເນັ້ນໃຫ້ໄຊຍະບູລີແກ້ໄຂບັນຫາຊີວິດການເປັນຢູ່ຂອງເຜົ່າຕອງເຫລືອງ

ວັນທີ 11 ເມສາ 2023 ນີ້ ທ່ານ ຄໍາໄຫຼ ສີປະເສີດ  ຮອງປະທານຜູ້ປະຈໍາການ ສູນກາງແນວລາວສ້າງຊາດ ໄດ້ລົງເຄື່ອນໄຫວ ຊຸກຍູ້ເກັບກຳສະພາບການພັດທະນາທາງດ້ານເສດຖະກິດ, ວັດທະນະທໍາ-ສັງຄົມ ຢູ່ແຂວງໄຊຍະບູລີ ໄດ້ລົງເບິ່ງ ພື້ນທີ່ຕົວຈິງບ່ອນທີ່ຢູ່ອາໄສຂອງ ຊົນເຜົ່າກຣີ ບ້ານໂພນທອງ ເມືອງພຽງ ແຂວງໄຊຍະບູລີ.

ພ້ອມດຽວກັນນັ້ນທ່ານໄດ້ ເນັ້ນໃຫ້ການນໍາແຂວງ, ອົງການປົກຄອງເມືອງ, ອົງການປົກຄອງບ້ານ  ເກັບກໍາລາຍຊື່ຂອງແຕ່ລະຄົນຢ່າງລະອຽດ ວາງແຜນໃນການແກ້ໄຂ, ໃຫ້ການຊ່ວຍເຫຼືອຊອກຫາທາງອອກໃຫ້ເຂົາເຈົ້າ ດ້ານທີ່ຢູ່ອາໄສແບບຖາວອນ, ການທໍາມາຫາກິນດ້ວຍການປູກຝັງ, ລ້ຽງສັດ, ເຮັດກະສິກຳເປັນຕົ້ນ ແລະ ລະດົມ ທຶນນໍາພາກສ່ວນຕ່າງໆ.