ສິງກະໂປປະກາດຊື່ປະທານາທິບໍດີ ຜູ້ຍິງຄົນທຳອິດຂອງປະເທດແລ້ວ
ສິງກະໂປປະກາດຊື່ປະທານາທິບໍດີຄົນໃໝ່ແລ້ວໃນວັນທີ 13 ກັນຍານີ້ ເປັນປະທານາທິບໍດີຍິງຄົນທຳອິດຂອງປະເທດ ແລະ ເປັນຜູ້ສະມັກຄົນດຽວທີ່ມີຄຸນສົມບັດຜ່ານຕາມເກນການເລືອກຕັ້ງ.
ທ່ານນາງ ຮາລິມາ ຍາຄອບ ອະດີດປະທານສະພາຜູ້ແທນລາສະດອນ ອາຍຸ 63 ປີ ກ່າວຢູ່ສຳນັກງານຄະນະກຳມະການການເລືອກຕັ້ງວ່າ: ທ່ານບໍ່ແມ່ນປະທານາທິບໍດີທີ່ຖືກຈອງຕົວໄວ້, ເຖິງວ່າການເລືອກຕັ້ງຄັ້ງນີ້ກັນໄວ້ໃຫ້ຜູ້ສະໝັກຈາກທ້ອງຖິ່ນ, ແຕ່ທ່ານເປັນປະທານາທິບໍດີຂອງທຸກຄົນ. ສຳນັກງານຄະນະກຳມະການການເລືອກຕັ້ງສິງກະໂປປະກາດກ່ອນໜ້ານີ້ວ່າ: ຜູ້ສະໝັກອີກ 4 ທ່ານ ຄຸນສົມບັດບໍ່ຜ່ານ ເນື່ອງຈາກສອງທ່ານບໍ່ແມ່ນຊາວມາເລ (Malay), ຂະນະທີ່ອີກສອງທ່ານເປັນຊາວມາເລແຕ່ຄຸນສົມບັດບໍ່ໄດ້.
ສິງກະໂປຈັດການເລືອກຕັ້ງປະທານາທິບໍດີ 6 ປີ, ປີນີ້ກຳນົດໃຫ້ຜູ້ສະໝັກທີ່ເປັນຊາວມາເລເທົ່ານັ້ນ ຫວັງສ້າງຄວາມຮູ້ສຶກມີສ່ວນຮ່ວມຂອງທຸກກຸ່ມຊາດພັນ ຄືຈີນ, ມາເລ ແລະ ອິນເດຍ. ຜ່ານມາສິງກະໂປມີປະທານາທິບໍດີທີ່ເປັນຊາວມາເລພຽງຄົນດຽວ ຄືທ່ານ ຢູຊອບ ອິສຮັດ ດຳລົງຕຳແໜ່ງແຕ່ປີ 1965 ຈົນເຖິງມໍລະນະກຳໃນທ້າຍປີ 1970 ເປັນປະທານາທິບໍດີຄົນທຳອິດຫຼັງສິງກະໂປແຍກຕົວຈາກສະຫະພາບມາລາຍາໃນປີ 1965 ຮູບຂອງທ່ານປາກົດຢູ່ໃນເງິນໂດລາສິງກະໂປ.
