ທະນາຄານ ແຫ່ງ ສປປ ລາວ ຈັດສໍາມະນາ “ການຈັດຕັ້ງປະຕິບັດບາເຊວ 2 ແລະ ການບໍລິຫານຄວາມສ່ຽງ”

- advert banner 728 90 728x90 - ທະນາຄານ ແຫ່ງ ສປປ ລາວ ຈັດສໍາມະນາ “ການຈັດຕັ້ງປະຕິບັດບາເຊວ 2 ແລະ ການບໍລິຫານຄວາມສ່ຽງ”

ໃນວັນທີ 19-20 ກັນຍານີ້, ກົມຄຸ້ມຄອງທະນາຄານທຸລະກິດ ທະນາຄານແຫ່ງ ສປປ ລາວ ໄດ້ຈັດກອງປະຊຸມສໍາມະນາເພື່ອແລກປ່ຽນບົດຮຽນໃນຫົວຂໍ້: “ການຈັດຕັ້ງປະຕິບັດບາເຊວ 2 ແລະ ການບໍລິຫານຄວາມສ່ຽງ (Basel II Implementation and Risk Management Training)” ຂຶ້ນທີ່ໂຮງແຮມດອນຈັນພາເລດ ໂດຍການເປັນປະທານຂອງທ່ານ ສຸລິສັກ ທໍານຸວົງ ຮອງຫົວໜ້າກົມຄຸ້ມຄອງທະນາຄານທຸລະກິດ, ຄະນະຮັບຜິດຊອບການພັດທະນາການຄຸ້ມຄອງທະນາຄານທຸລະກິດຕາມມາດຕະຖານບາເຊວ (ຄບຊ) ແລະ ໃຫ້ກຽດບັນຍາຍໂດຍ ທ່ານ ເຈີລີ້ ເກິງ (Jerry Geng) ຮອງປະທານບໍລິສັດທີ່ປຶກສາທາງການເງິນ ສະມາຄົມການຮ່ວມມືທາງການເງິນອາຊີ (Asia Financial Cooperation Association Consulting – AFCA) ລວມມີຜູ້ເຂົ້າຮ່ວມທັງໝົດ 58 ທ່ານ.

ກອງປະຊຸມສຳມະນາໃນຄັ້ງນີ້ໄດ້ກວມເອົາບັນດາເນື້ອໃນທີ່ສຳຄັນຂອງມາດຕະຖານບາເຊວເຊັ່ນ: ການບໍລິຫານຄວາມສ່ຽງຕາມເສົາຄໍ້າທີ 1, ການຮັກສາຄວາມພຽງພໍຂອງທຶນຕາມຄວາມສ່ຽງສິນເຊື່ອ, ຕະຫລາດ ແລະ ການດຳເນີນງານ; ການບໍລິຫານຄວາມສ່ຽງຕາມເສົາຄໍ້າທີ 2 ແລະ ຂະບວນການປະເມີນຄວາມພຽງພໍຂອງທຶນພາຍໃນ (ICAAP) ແລະ ການເປີດເຜີຍຂໍ້ມູນຕາມເສົາຄໍ້າທີ 3.

- lattana 1 - ທະນາຄານ ແຫ່ງ ສປປ ລາວ ຈັດສໍາມະນາ “ການຈັດຕັ້ງປະຕິບັດບາເຊວ 2 ແລະ ການບໍລິຫານຄວາມສ່ຽງ”
- 1 1 - ທະນາຄານ ແຫ່ງ ສປປ ລາວ ຈັດສໍາມະນາ “ການຈັດຕັ້ງປະຕິບັດບາເຊວ 2 ແລະ ການບໍລິຫານຄວາມສ່ຽງ”

ໃນກອງປະຊຸມ, ທ່ານຮອງຫົວໜ້າກົມຄຸ້ມຄອງທະນາຄານທຸລະກິດ ມີຄຳເຫັນວ່າ: “ການຈັດສໍາມະນາຄັ້ງນີ້ແມ່ນເປັນຄັ້ງທໍາອິດທີ່ມີຜູ້ຊ່ຽວຊານສະເພາະດ້ານການຈັດຕັ້ງປະຕິບັດບາເຊວ ທີ່ມີປະສົບການຈາກຕ່າງປະເທດມາເປັນຜູ້ບັນຍາຍ ລົງເລິກທາງດ້ານເຕັກນິກ ແລະ ວິທີການປະເມີນຄວາມສ່ຽງໃນແຕ່ລະດ້ານ ເພື່ອຊ່ວຍໄຂຂໍ້ສົງໄສຫຼາຍດ້ານ ແລະ ເຮັດໃຫ້ການຈັດຕັ້ງປະຕິບັດບາເຊວ 2 ສາມາດຫຍັບເຂົ້າໃກ້ຄວາມເປັນຈິ່ງຂຶ້ນ, ພ້ອມໄດ້ສ້າງຄວາມເຂົ້າໃຈເພີ່ມຕື່ມກ່ຽວກັບຄວາມຮູ້ພື້ນຖານຂອງມາດຕະຖານບາເຊວ 2 ລວມໄປເຖິງວິທີການຈັດຕັ້ງປະຕິບັດບາເຊວຕາມວິທີກ້າວໜ້າ ແລະ ແບບສັບຊ້ອນຂຶ້ນກວ່າໄລຍະຜ່ານມາ”.

error: Content is protected !!