ທາງການມຽນມາ ຈັບກຸມຜູ້ຄ້າຂາຍ ຢາເສບຕິດ ພ້ອມຢຶດຢາຫລາຍຊະນິດ ໄດ້ເປັນຈໍານວນຫລາຍ

ວັນທີ 26 ກັນຍາ, ສໍານັກຂ່າວຊິນຮົວລາຍງານວ່າ: ຕໍາຫລວດປາບປາມຢາເສບຕິດຂອງມຽນມາກວດຄົ້ນລົດບັນທຸກຄັນໜຶ່ງ ຢູ່ເມືອງທ່າຂີ້ເຫລັກ ໃນວັນທີ 20 ກັນຍາ 2023, ຢຶດຢາໄອສ໌ 254 ກິໂລ ແລະ ເຄຕາມີນ 2 ກິໂລ ມູນຄ່າທັງໝົດ 2.049 ລ້ານຈ໊າດ (ສະກຸນເງິນມຽນມາ)
ທັງນີ້, ເຈົ້າໜ້າທີ່ໄດ້ຈັບຜູ້ຖືກສົງໄສ 1 ຄົນ ມາສອບສວນ ຜູ້ກ່ຽວໃຫ້ການໃນເບື້ອງຕົ້ນວ່າ: ລົດບັນທຸກມີຕົ້ນທາງມາຈາກເມືອງຊຽງຕຸງ ໃນລັດສານ ແລະ ກ່ອນໜ້ານັ້ນ, ຕໍາຫລວດປາບປາມຢາເສບຕິດຂອງມຽນມາປະຕິບັດການກວດຄົ້ນເຮືອນຫລັງໜຶ່ງ ຢູ່ເມືອງນໍ້າຄໍາ ໃນລັດສານ ຢຶດຢາກະຕຸ້ນປະສາດ 534.000 ເມັດ ມູນຄ່າຫລາຍກວ່າ 267 ລ້ານຈ໊າດ. (ສະກຸນເງິນມຽນມາ)

ນອກຈາກນັ້ນ, ເຈົ້າໜ້າທີ່ຍັງໄດ້ຈັບກຸມຜູ້ຖືກສົງໄສ 1 ຄົນ ຢູ່ເມືອງ ມິດຈີນາ ລັດກະສິ່ນ ທາງພາກ ເໜືອຂອງປະເທດ ພ້ອມຂອງກາງເປັນຢາກະຕຸ້ນປະສາດ 1.900 ເມັດ ແລະ ເຮໂຣອິນ 297 ກຣາມ.

ອ້າງອີງຈາກ: https://www.xinhuathai.com/inter/387187_20230925