ລາວຫາລືວຽກງານກວດສອບ

- advert banner 728 90 728x90 - ລາວຫາລືວຽກງານກວດສອບ

ໃນທ້າຍອາທິດຜ່ານມານີ້, ອົງການກວດກາລັດຖະບານ ແລະ ອົງການກວດ ສອບແຫ່ງລັດໄດ້ຈັດກອງປະຊຸມປຶກສາຫາລືກ່ຽວກັບການປະສານງານຊຶ່ງກັນ ແລະ ກັນຂຶ້ນ, ໂດຍການເປັນປະທານຂອງທ່ານ ບຸນທອງ ຈິດມະນີ ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ, ຫົວໜ້າອົງການຕ້ານການສໍ້ລາດບັງຫລວງຂັ້ນສູນກາງ, ມີທ່ານນາງ ວຽງທອງ ສີພັນດອນ ປະທານອົງການກວດສອບແຫ່ງລັດ, ພ້ອມດ້ວຍພາກສ່ວນກ່ຽວຂ້ອງຕ່າງໆເຂົ້າຮ່ວມຢ່າງພ້ອມພຽງ. ເພື່ອສະຫລຸບ ແລະ ຕີລາຄາການຈັດຕັ້ງຜັນຂະຫຍາຍເນື້ອໃນບົດບັນທຶກການປະສານງານລະຫວ່າງສອງອົງການດັ່ງກ່າວ, ໂດຍສະເພາະຫາລືມາດຕະການແກ້ໄຂຜົນການກວດສອບຕາມມະຕິກອງປະຊຸມສະພາ ແຫ່ງຊາດສົກປີ 2013-2014 ແລະ 2014-2015 ເພື່ອຕ້ານປະກົດການຫຍໍ້ທໍ້ດ້ານການເງິນ-ງົບປະມານລັດ ກໍຄືເຮັດໃຫ້ການຄຸ້ມຄອງເສດຖະກິດມີຄວາມເຂັ້ມ ແຂງ ແລະ ໂປ່ງໃສກວ່າເກົ່າ.
ໃນໂອກາດນີ້, ທ່ານ ບຸນທອງ ຈິດມະນີ ໄດ້ໂອ້ລົມຊີ້ນໍາຕໍ່ກອງປະຊຸມ, ໂດຍເນັ້ນວ່າ: ໃນຕໍ່ໜ້າ, ສອງອົງການຕ້ອງໄດ້ເພີ່ມທະວີການຮ່ວມມື ແລະ ປະສານງານກັນໃຫ້ຫລາຍກວ່າເກົ່າໃນວຽກງານກວດກາ-ກວດສອບ, ຫາກພົບວ່າມີກົດໝາຍ ຫລື ນິຕິກຳໃດຍັງບໍ່ສອດຄ່ອງ, ບໍ່ແທດເໝາະ, ບໍ່ເອື້ອອຳນວຍໃຫ້ແກ່ຜົນປະໂຫຍດຂອງລັດ ແລະ ມີຈຸດສ່ຽງຈະພາໃຫ້ການຕີຄວາມໝາຍຜິດພາດ ແລະ ເກີດຊ່ອງຫວ່າງສວຍໃຊ້ໃນທາງບໍ່ຖືກຕ້ອງນັ້ນ, ແມ່ນໃຫ້ຮີບຮ້ອນສັງລວມບັນຫາແລ້ວນຳສະເໜີລັດຖະບານ, ສະພາແຫ່ງຊາດຄົ້ນຄວ້າພິຈາລະນາແກ້ໄຂໃຫ້ທັນເວລາ, ບັນຫາໃດທີ່ຫົວໜ່ວຍງົບປະມານໄດ້ແກ້ໄຂແລ້ວ ແລະ ບໍ່ທັນແກ້ໄຂ, ຍ້ອນສາເຫດໃດ, ເງື່ອນໄຂໃດພາໃຫ້ບໍ່ສາມາດປະຕິບັດໄດ້ແມ່ນໃຫ້ລາຍງານລັດຖະບານ ແລະ ສະພາແຫ່ງຊາດຢ່າງລະອຽດ ເພື່ອຫາວິທີປັບປຸງແກ້ໄຂໃຫ້ທັນການ.

- new3 - ລາວຫາລືວຽກງານກວດສອບ

+ການກວດກາ-ກວດສອບແມ່ນພາລະກິດກູ້ຊາດ

- lattana 1 - ລາວຫາລືວຽກງານກວດສອບ

+ຜົນກວດສອບໄດ້ແກ້ໄຂສະພາບຫຍໍ້ທໍ້ໃນຂົງເຂດງົບປະມານ-ການເງິນຫລຸດລົງ

error: Content is protected !!