IMF ປັບເພີ່ມການຄາດໝາຍ ການຂະຫຍາຍຕົວທາງເສດຖະກິດຂອງໂລກ

- advert banner 728 90 728x90 - IMF ປັບເພີ່ມການຄາດໝາຍ ການຂະຫຍາຍຕົວທາງເສດຖະກິດຂອງໂລກ

ກອງ​ທຶນ​ການ​ເງິນ​ສາກ​ົນ ຫລື IMF ປັບ​ເພີ່ມ​ການ​ຄາດໝາຍ​ການ​ຂະຫຍາຍຕົວ​ທາງ​ເສດຖະກິດ​ໂລກ ​ໂດຍ​ລະບຸ​ວ່າ: ມີ​ທ່າ​ອ່ຽງວ່າ​ເສດຖະກິດ​ໂລກ​ຈະ​ຟື້ນຕົວ ​ແລະ ຍັງ​ສົດ​ໃສ​ໃນ​ປີໜ້າ.

- new3 - IMF ປັບເພີ່ມການຄາດໝາຍ ການຂະຫຍາຍຕົວທາງເສດຖະກິດຂອງໂລກ

IMF ກ່າວ​ໃນ​ລາຍ​ງານ​ວ່າ​ດ້ວຍ​ສະພາບ​ເສດຖະກິດ​ໂລກ​ວ່າ: ​ເສດຖະກິດ​ໂລກ​ຈະ​ຂະຫຍາຍຕົວ 3,6% ​ໃນ​ປີ​ນີ້ ​ແລະ 3,7% ​ໃນ​ປີໜ້າ ​ເຊິ່ງ​ເພີ່ມ​ຂຶ້ນ​ເລັກ​ໜ້ອຍ​ຈາກ​ທີ່​ເຄີຍ​ຄາດໝາຍ​ເອົາ​ໄວ້​ເມື່ອ 3 ​ເດືອນ​ກ່ອນ, ​ແຕ່​ຕົວ​ເລກ​ຈະ​ຫລາຍ​ກວ່າ ການ​ຂະຫຍາຍຕົວ​ທາງ​ເສດຖະກິດ​ຂອງ​ໂລກ​ໃນ​ປີຜ່ານມາ. ທ່ານ ມໍຣິ ອອບ​ເຟລ ຜູ້ອຳນວຍການ​ດ້ານ​ການ​ວິ​ໄຈ​ຂອງ IMF ກ່າວ​ວ່າ: ພາບ​ລວມທາງ​ເສດຖະກິດ​ຂອງ​ປີ​ນີ້​ຈະ​ແຕກ​ຕ່າງ​ຈາກ​ປີຜ່ານມາ ທີ່​ເສດຖະກິດ​ໂລກ​ຂະຫຍາຍຕົວ​ແບບ​ບໍ່​ໝັ້ນຄົງ ​ແລະ ຕະຫລາດ​ການ​ເງິນ​ກໍ​ປັ່ນ​ປ່ວນ. ​ເຖິງ​ຢ່າງ​ໃດ​ກໍ​ຕາມ, IMF ຮຽກຮ້ອງ​ໃຫ້​ລັດຖະບານ​ຂອງ​ປະ​ເທດ​ຕ່າງໆ​ໃຫ້​ເດີນ​ໜ້າ​ປະຕິ​ຮູບ​ຕໍ່​ໄປ ​ເພື່ອ​ໃຫ້ການ​ຫລຸດ​ຄວາມທຸກ​ຍາກດຳ​ເນີນ​ໄປ​ຢ່າງ​ຕໍ່​ເນື່ອງ. ທ່ານ ອອບ​ເຟລ ກ່າວ​ວ່າ: ລາຄາ​ນ້ຳມັນ​ທີ່​ອ່ອນ​ຕົວ​ລົງ ບວກ​ກັບ​ເຫດ​ຮຸນ​ແຮງ ​ແລະ ຄວາມ​ຂັດ​ແຍ່ງ​ຢູ່​ຕາ​ເວັນ​ອອກ​ກາງ ​ແລະ ອາ​ເມ​ລິ​ກາ​ລາ​ຕິນ ອາດ​ຈະ​ສົ່ງ​ຜົນ​ກະທົບ​ຕໍ່​ການ​ຂະຫຍາຍຕົວ​ທາງ​ເສດຖະກິດ​ໂລກ​ໄດ້.

- lattana 1 - IMF ປັບເພີ່ມການຄາດໝາຍ ການຂະຫຍາຍຕົວທາງເສດຖະກິດຂອງໂລກ
error: Content is protected !!