ສາເຫດທີ່ເຮັດໃຫ້ທ່ານເມື່ອຍ, ທໍ້ ແລະ ໝົດແຮງ

- 032310 2017 - ສາເຫດທີ່ເຮັດໃຫ້ທ່ານເມື່ອຍ, ທໍ້ ແລະ ໝົດແຮງ
- AGL banner - ສາເຫດທີ່ເຮັດໃຫ້ທ່ານເມື່ອຍ, ທໍ້ ແລະ ໝົດແຮງ

ຕໍ່ໄປນີ້ແມ່ນໂຕການສ້າງຄວາມອິດເມື່ອຍອ່ອນເພຍທີ່ທ່ານອາດຄິດບໍ່ເຖິງ ພ້ອມກັບວິທີຮັບມືເພື່ອເອີ້ນຄວາມສົດຊື່ນຫ້າວຫັນ ກັບຄືນມາ.

  1. ໂຕການພະເຊີນໂຕເລືອກຫລາຍເກີນໄປ : ໃນແຕ່ລະມື້ທ່ານຕ້ອງພະເຊີນກັບໂຕເລືອກນັບຮ້ອຍ ເລີ່ມແຕ່ການຈະຊົງກາເຟຈັກຈອກໃນຕອນເຊົ້າ ໄປຈົນເຖິງເລືອກລາຍການໂທລະພາບໃນຕອນຄໍ່າ. ການຊັ່ງຊາຈິດໃຈກັບທຸກໆໂຕເລືອກທີ່ຜ່ານເຂົ້າມາຈະເຮັດໃຫ້ທ່ານອິດເມື່ອຍອ່ອນເພຍໄດ້ຄືກັນ ເຊິ່ງພົບວ່າຄົນທີ່ຕ້ອງຕັດສິນໃຈເລືອກຊື້ສິ່ງຂອງຈຳນວນຫລາຍຮູ້ສຶກອິດເມື່ອຍ ແລະ ສັບສົນໃນຄວາມຄິດຫລາຍກ່ວາຄົນທີ່ເບິ່ງຜ່ານໆ.

– ເຕັກນິກການເອີ້ນພະລັງງານ : ຫລີກເວັ້ນການຕັດສິນໃຈຢ່າງຖີ່ຖ້ວນໄປໝົດທຸກເລື່ອງ ໃຫ້ຂ້າມເລື່ອງນ້ອຍໆທີ່ບໍ່ສຳຄັນໄປ ແດ່ ເຊັ່ນ : ໃນການເລືອກອາຫານສຸຂະພາບ ແທນທີ່ຈະເລືອກຈາກລາຍການອາຫານທັງໝົດ ໃຫ້ຄັດເລືອກລາຍການທີ່ມີກາລໍຣີໜ້ອຍ 2 ລາຍການທຳອິດທີ່ທ່ານມັກທີ່ສຸດແລ້ວຕັດສິນໃຈເລືອກຈາກ 2 ໂຕເລືອກນີ້. ສຳລັບເລື່ອງສຳຄັນ ເຊັ່ນ : ການຊື້ເຮືອນ ຫລື ການເລືອກໂຮງຮຽນເພື່ອຮຽນຕໍ່ ໃຫ້ຈົດລາຍການຂໍ້ດີ ແລະ ຂໍ້ດ້ອຍຂອງແຕ່ລະໂຕເລືອກອອກມາ ແລ້ວຄ່ອຍໆໃຫ້ເວລາຕົນເອງໄດ້ຜ່ານຂະບວນການຄັດເລືອກຕັດສິນໃຈຢ່າງເຕັມທີ່ ແລ້ວສັນຊາດຕະຍານຈາກຈິດໃຕ້ສຳນຶກຈະຊີ້ນຳທາງທ່ານເອງ.

  1. ໂຕການດູດພະລັງງານຕິດຕໍ່ໄດ້ຕະຫລອດ 24 ຊົ່ວໂມງໃນ 7 ມື້ : ການຖືກນຳໂຕໄດ້ຕະຫລອດເວລາອາດເຮັດໃຫ້ທ່ານກ້າວໜ້າໃນອາຊີບ, ແຕ່ຄວາມຈິງແລ້ວ ເມື່ອກັບຮອດເຮືອນທ່ານຄວນມີເວລາສ່ວນໂຕແດ່ ເພາະພົບວ່າ : ຄົນທີ່ຕິດຕໍ່ເລື່ອງວຽກຜ່ານໂທລະສັບ ຫລື ອີເມວຢູ່ເຮືອນໃນໄລຍະມື້ພັກຜ່ອນ ຫລື ຫລັງເລີກວຽກແລ້ວ ຈະຮູ້ສຶກອິດເມື່ອຍອ່ອນເພຍ ແລະ ບໍ່ມີສະມາທິຈົດຈໍ່ກັບກິດຈະກຳຕໍ່ໜ້າຫລາຍກ່ວາຄົນທີ່ໄດ້ຢຸດພັກຜ່ອນຢ່າງແທ້ຈິງ. ການເຮັດໂຕໃຫ້ຕິດຕໍ່ໄດ້ 24 ຊົ່ວໂມງ ເຮັດໃຫ້ທ່ານຕ້ອງຢູ່ໃນສະພາບກຽມຄວາມພ້ອມຢູ່ສະເໝີ ເປັນສາເຫດໃຫ້ຮ່າງກາຍຜະລິດຮໍໂມນຄວາມເຄັ່ງຄຽດອອກມາ ຫາກເຄັ່ງຄຽດຕິດຕໍ່ກັນດົນໆ ເຮັດໃຫ້ລະບົບເຜົາຜານເຮັດວຽກຊ້າລົງ ລວມທັງລະບົບພູມຕ້ານທານຫລຸດຕໍ່າລົງນຳ.

– ເຕັກນິກເອີ້ນພະລັງງານ : ຖ້າທ່ານບໍ່ສາມາດຕັດການຕິດຕໍ່ ນອກເໜືອຈາກເວລາເຮັດວຽກໄດ້ຢ່າງໜ້ອຍກໍຄວນກຳນົດໄລຍະເວລາປອດໂທລະສັບ ແລະ ອີເມວໄວ້ແດ່. ນອກຈາກນີ້, ສັນຍາກັບຕົນເອງວ່າຈະງົດກວດວຽກຈາກອີເມວ, ໄອໂຟນ ຫລື ແບລັກເບີຣີໃນມື້ພັກອາທິດລະ 1 ມື້ ຫລື ບໍ່ເທົ່າໃດຊົ່ວໂມງກໍຍັງດີ.

  1. ໂຕການດູດພະລັງງານເພື່ອຄົນມັກລະບາຍຄວາມທຸກ : ການຟັງໝູ່ລະບາຍຄວາມທຸກ ຫລື ຈົ່ມກ້ຽວໄປກ້ຽວມາຈາກບັນຫານັ້ນບັນຫານີ້ຢ່າງບໍ່ຮູ້ຈົບ ຈະເຮັດໃຫ້ທ່ານຕົກຢູ່ໃນວັງວົນຄວາມຄິດດ້ານລົບ ເຊິ່ງເຮັດໃຫ້ຮ່າງກາຍຜະລິດຮໍໂມນຄວາມເຄັ່ງຄຽດອອກມາຫລາຍເປັນພິເສດ.

– ເຕັກນິກເອີ້ນພະລັງງານ : ການຊ່ວຍໝູ່ບໍ່ໄດ້ໝາຍເຖິງການເປັນບ່ອນລະບາຍຄວາມທຸກພຽງຢ່າງດຽວ ດີທີ່ສຸດແມ່ນຄວນດຶງໝູ່ອອກມາຈາກຄວາມຮູ້ສຶກວ່າຕົນເອງຕົກເປັນເຫຍື່ອຂອງບັນຫາ ໂດຍການຖາມວ່າ : ຂ້ອຍເຂົ້າໃຈ ແລະ ເຫັນໃຈທີ່ເຈົ້າຕ້ອງຕົກຢູ່ໃນສະຖານະການແບບນີ້ ແລ້ວເຈົ້າຄິດຈະແກ້ໄຂບັນຫານີ້ແນວໃດ ?

ຖ້າຍັງບໍ່ໄດ້ຜົນ ລອງ ຂໍໂທດແທ້ໆຂ້ອຍກຳລັງຈະປະຊຸມໃນອີກ 10 ນາທີ ໃຫ້ຂ້ອຍຊ່ວຍຫຍັງເຈົ້າໄດ້ແດ່ ? ການຈຳກັດເວລາ ເຮັດໃຫ້ໝູ່ຂອງທ່ານຈັດລຽງລຳດັບຄວາມຄິດ ແລະ ປຶກສາແຕ່ເລື່ອງທີ່ຈຳເປັນແທ້ໆ ຫລື ບໍ່ກໍໂທລະສັບຫາບ່ອນລະບາຍລາຍອື່ນຕໍ່ໄປ.

  1. ໂຕກາານດູດພະລັງງານຍ່າງຫລັງກົ່ງ ແລະ ນັ່ງຫຍໍ້ບ່າໄຫລ່ : ເມື່ອທ່ານນັ່ງຫລັງກົ່ງ ຫລື ຂົດງໍ ເອີກຂອງທ່ານຈະຫົດ ແລະ ປອດຈະຖືກບີບອັດ ເຮັດໃຫ້ຫາຍໃຈເອົາອາກາດເຂົ້າປອດໄດ້ໜ້ອຍກ່ວາປົກກະຕິ ສົ່ງຜົນໃຫ້ມີປະລິມານອົກຊີແຊນໄປລ້ຽງສະໝອງໜ້ອຍລົງ ແລະ ຮູ້ສຶກວິນຫົວ. ການນັ່ງ, ຢືນ ຫລື ຍ່າງຫລັງກົ່ງ ຍັງເຮັດໃຫ້ກ້າມຊີ້ນຫລັງເບື້ອງເທິງເກັງກ້ານຄໍ ແຕ່ລະຊັງຕີແມັດ ທີ່ທ່ານກົ້ມໄປທາງໜ້າຮ່າງກາຍຕ້ອງໃຊ້ຄວາມພະຍາຍາມເປັນ 2 ເທົ່າເພື່ອຄຳ້ຊູຫົວໄວ້.

– ເຕັກນິກການເອີ້ນພະລັງງານ : ທ່ານຄວນກວດເບິ່ງທ່າທາງການຍ່າງ, ການຢືນ ແລະ ການຍ່າງຂອງໂຕເອງທຸກໆ 2 – 3 ຊົ່ວໂມງ ໃຫ້ໝັ້ນໃຈວ່າບ່າໄຫລ່, ຫູ ແລະ ກະໂພກຢູ່ໃນແຖວຂະໜານກັນ (ກໍລະນີຢືນຫົວຊື່, ບ່າໄຫລ່ຊື່ ແລະ ບໍ່ຖິ້ມນຳ້ໜັກລົງກະ ໂພກເບື້ອງໃດເບື້ອງໜຶ່ງ) ເມື່ອເຮັດໄປດົນໆ ທ່າທາງທີ່ຖືກຕ້ອງລັກສະນະນີ້ຈະກາຍເປັນທ່າທາງທຳມະຊາດທີ່ບໍ່ຮູ້ສຶກຝືນອີກຕໍ່ໄປ.

  1. ໂຕການດູດພະລັງງານໄດ້ຮັບແມັກນີຊຽມບໍ່ພຽງພໍ : ຮ່າງກາຍຕ້ອງການແມັກນີຊຽມເພື່ອໃຊ້ໃນການປ່ຽນອາຫານເປັນພະ ລັງງານ ພົບວ່າ : ຄົນທີ່ຂາດແຮ່ທາດຊະນິດນີ້ ໂດຍສະເພາະແມ່ຍິງ ຮ່າງກາຍຈະຕ້ອງການອົກຊີແຊນໃນຂະນະທີ່ເຮັດກິດຈະກຳທີ່ ຕ້ອງອອກແຮງຫລາຍກ່ວາຄົນທີ່ໄດ້ຮັບແມັກນີຊຽມພຽງພໍ.

– ເຕັກນິກເອີ້ນພະລັງງານ : ກິນອາຫານທີ່ມີແມັກນີຊຽມອ່າວຫລາຍ ເຊັ່ນ : ແກ່ນໝາກອຶ, ຖົ່ວຂາວ, ຜັກຫົມ ແລະ ແຫ່ລງອາ ຫານອື່ນໆທ່ີມີແມັກນີຊຽມຫລາຍ.

  1. ໂຕການດູດພະລັງງານໂຕະເຮັດວຽກຮົກ : ໂຕະເຮັດວຽກທີ່ຮົກເຮື້ອເຮັດໃຫ້ຄົນທີ່ເຮັດວຽກຢູ່ຮູ້ສຶກບໍ່ດີແນ່ນອນ ຄວາມຮົກ ເຮື້ອຈະເຮັດໃຫ້ສະໝອງມີປະຕິກິລິຍາຕອບສະໜອງໄດ້ຊ້າລົງ ແລະ ຂາດສະມາທິ.

– ເຕັກນິກເອີ້ນພະລັງງານ : ຈັດໂຕະເຮັດວຽກໃຫ້ເປັນລະບຽບກຳຈັດເອກະສານເກົ່າທີ່ບໍ່ໃຊ້ ຫລື ເກັບໃສ່ແຟ້ມ ເຮັດໃຫ້ໂຕະສະອາດ ແລ້ວຫາສິ່ງຂອງທີ່ເຮັດໃຫ້ຈິດໃຈແຈ່ມໃສມາວາງໄວ້ແທນ ເຊັ່ນ : ເຕົ້າດອກໄມ້ ຫລື ກອບຮູບງາມໆ ເປັນຕົ້ນ.

-    AD conten website - ສາເຫດທີ່ເຮັດໃຫ້ທ່ານເມື່ອຍ, ທໍ້ ແລະ ໝົດແຮງ
- lattana banner 1 - ສາເຫດທີ່ເຮັດໃຫ້ທ່ານເມື່ອຍ, ທໍ້ ແລະ ໝົດແຮງ
- lattana banner - ສາເຫດທີ່ເຮັດໃຫ້ທ່ານເມື່ອຍ, ທໍ້ ແລະ ໝົດແຮງ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!