ຈົ່ງເອົາໃຈໃສ່ຮັກສາສຸຂະພາບໃນສະພາບ​ອາກາດ​ເຢັນ​ລົງ

- advert banner 728 90 728x90 - ຈົ່ງເອົາໃຈໃສ່ຮັກສາສຸຂະພາບໃນສະພາບ​ອາກາດ​ເຢັນ​ລົງ

ກົມ​ອຸຕຸນິຍົມ ​ແລະ ອຸທົກ​ກະສາ​ດ ​ໃຫ້​ຮູ້​ວ່າ: ນັບ​ແຕ່​ວັນ​ທີ 1-2 ພະຈິກ​ນີ້, ຄວາ​ມກົດ​ດັນ​ສູງ​ຂອງ​ອາກາ​ເຢັນ​ຍັງ​ຈະ​ສືບ​ຕໍ່​ປົກ​ຄຸມ​ຢູ່​ທົ່ວທຸກ​ພາກ​ຂອງ​ລາວ​ດ້ວຍ​ກຳລັງ​ປານ​ກາງ, ສົມທົບ​ກັບ​ກະ​ແສ​ລົມ​ຕາ​ເວັນ​ອອກ​ສ່ຽງ​ເໜືອ​ພັດ​ປົກ​ຄຸມ​ເປັນ​ສ່ວນ​ໃຫຍ່, ຊຶ່ງ​ຈະ​ເຮັດ​ໃຫ້​ອາກາດ​ເຢັນ​ຫາ​ໜາວ​ເຢັນ​ຢູ່​ແຂວງ​ພາກ​ເໜືອ​ດ້ານ​ຕ​າ​ເວັນ​ອອກ, ​ແຂວງ​ໄຊ​ສົມບູນ​​ ​ແລະ ພູ​ພຽງ​ບໍລະ​ເວນ, ພ້ອມ​ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ​ໃນ​ແຕ່​ລະ​ພາກ.

- new3 - ຈົ່ງເອົາໃຈໃສ່ຮັກສາສຸຂະພາບໃນສະພາບ​ອາກາດ​ເຢັນ​ລົງ

ພາກ​ເໜືອ​ດ້ານ​ຕາ​ເວັນ​ອອກ: ອາກາດ​​ເຢັນ, ພ້ອມ​ມີ​ໝອກ​ບາງ​ໃນ​ຕອນ​ເຊົ້າ ​ແລະ ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ​ແຂວງ​ຊຽງ​ຂວາງ; ພາກ​ເໜືອ​ດ້ານ​ຕາ​ເວັນ​ຕົກ: ອາກາດ​ຈະ​ເຢັນ​ລົງ ​ແລະ ມີ​ໝອກ​ບາງ​ປົກ​ຫຸ້ມ​ໃນ​ຕອນ​ເຊົ້າ; ພາກ​ກາງ: ອາກາດ​ຈະ​ເຢັນ, ພ້ອມ​ມີ​ໝອກ​ບາງ​ໃນ​ຕອນ​ເຊົ້າ ​ແລະ ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ​ທາງ​ດ້ານ​ຕ​າ​ເວັນ​ອອກ​ຂອງ​ພາກ; ສະ​ເພາະ​ແຂວງ​ໄຊ​ສົມບູນ: ອາກາດ​ຈະ​ໜາວ​ເຢັນ, ພ້ອມ​ມີ​ໝອກ​ໜາ​ໃນ​ຕອນ​ເຊົ້າ, ອຸນຫະພູມ​ຕ່ຳ​ສຸດ 9-11 ອົງສາ ​ແລະ ສູງ​ສຸດ 23-25 ອົງສາ; ພາກ​ໃຕ້: ອາກາດ​ຈະ​​ເຢັນ​ລົງ, ພ້ອມ​ມີ​ໝອກບາງ​ໃນ​ຕອນ​ເຊົ້າ ​ແລ​ະ ມີ​ລົມ​ພັດ​ແຮງ​ເປັນບາງ​ໂອກາດ​ຢູ່​ບາງ​ທ້ອງ​ຖິ່ນ​ໃນ​ຕອນ​ບ່າຍ​ຫາ​ຕອນ​ຄ່ຳ, ອຸນຫະພູມ​ຕ່ຳ​ສຸດ 19-21 ອົງສາ ​ແລະ ສູງ​ສຸດ 30-32 ອົງສາ; ນະຄອນຫລວງ​ວຽງຈັນ: ອາກາດ​ເຢັນ, ພ້ອມ​ມີ​ໝອກ​ບາງ​ໃນ​ຕອນ​ເຊົ້າ ​ແລະ ມີ​ລົມ​ພັດ​ແຮງ​ເປັນ​ບາງ​ໂອກາດ.

ດັ່ງນັ້ນ ຈຶ່ງຮຽກຮ້ອງມາຍັງປະຊາຊົນເຮົາ ນັບທັງຜູ້ຢູ່ໃນເມືອງ ແລະ ເຂດຊົນນະບົດຫ່າງໄກສອກຫຼີກ, ຈົ່ງເອົາໃຈໃສ່ຮັກສາສຸຂະພາບຂອງຕົນໃຫ້ດີ, ດ້ວຍການປະຕິບັດຫຼັກການອະນາໄມ 3 ສະອາດຢ່າງເຂັ້ມງວດຄື: ຢູ່ສະອາດ, ນຸ່ງຫົ່ມສະອາດ ແລະ ກິນດື່ມສະອາດ ເພື່ອພວກເຮົາຈະສາມາດສະກັດກັນພະຍາດທີ່ຈະມາຈາກການປ່ຽນແປງຂອງລະດູການໄດ້ໂດຍດີ.

error: Content is protected !!