ລາວໂທລະຄົມແຕ່ງຕັ້ງທີ່ປຶກສາທາງດ້ານການເງິນ ເພື່ອຈົດທະບຽນໃນຕະຫຼາດຫຼັກຊັບ

- advert banner 728 90 728x90 - ລາວໂທລະຄົມແຕ່ງຕັ້ງທີ່ປຶກສາທາງດ້ານການເງິນ ເພື່ອຈົດທະບຽນໃນຕະຫຼາດຫຼັກຊັບ

ໃນວັນທີ 30 ຕຸລານີ້, ລັດວິສາຫະກິດລາວໂທລະຄົມມະນາຄົມ, ບໍລິສັດຫຼັກຊັບລາວ-ຈີນ ຈໍາກັດ ແລະ ບໍລິສັດ ລາວລໍ້ ແອນ ຄອນເຊົາແທນຊີກຣຸບ ຈໍາກັດ, ໄດ້ຮ່ວມລົງນາມໃນສັນຍາວ່າດ້ວຍການແຕ່ງຕັ້ງທີ່ປຶກສາທາງດ້ານການເງິນ ແລະ ທີ່ປຶກສາທາງດ້ານກົດໝາຍ ເພື່ອກະກຽມວຽກງານການອອກຈໍາໜ່າຍຫຸ້ນສາມັນເພີ່ມທຶນຕໍ່ມວນຊົນຄັ້ງທໍາອິດ (IPO), ຂຶ້ນທີ່ນະຄອນຫຼວງວຽງຈັນລະຫວ່າງທ່ານ ຖາວອນ ສົມສະກຸນ ຜູ້ອໍານວຍການໃຫຍ່ລັດວິສາຫະກິດລາວໂທລະຄົມມະນາຄົມ, ທ່ານ ລິນ ລີ ຜູ້ອໍານວຍການໃຫຍ່ຫຼັກຊັບລາວ-ຈີນ ຈໍາກັດ ແລະ ທ່ານນາງ ສິລິໂສພາ ບຸດດາຄໍາ ຜູ້ອໍານວຍການໃຫຍ່ ບໍລິສັດ ລາວລໍ້ ແອນ ຄອນເຊົາແທນຊີ ກຣຸບ ຈໍາກັດ, ໂດຍການເຂົ້າຮ່ວມຂອງທ່ານ ທອງໃສ ຊານໄຊຍະ ຮອງລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ, ທັງເປັນຫົວໜ້າຄະນະກະກຽມຫັນລັດວິສາຫະກິດລາວໂທລະຄົມະນາຄົມເປັນມະຫາຊົນ ແລະ ຈົດທະບຽນໃນຕະຫຼາດຫຼັກຊັບ.

- lattana 1 - ລາວໂທລະຄົມແຕ່ງຕັ້ງທີ່ປຶກສາທາງດ້ານການເງິນ ເພື່ອຈົດທະບຽນໃນຕະຫຼາດຫຼັກຊັບ
- Wave100S AD to Website 2020 0 - ລາວໂທລະຄົມແຕ່ງຕັ້ງທີ່ປຶກສາທາງດ້ານການເງິນ ເພື່ອຈົດທະບຽນໃນຕະຫຼາດຫຼັກຊັບ

ການເຊັນສັນຍາວ່າດ້ວຍການແຕ່ງຕັ້ງທີ່ປຶກສາທາງດ້ານການເງິນ ແລະ ທີ່ປຶກສາທາງດ້ານກົດໝາຍລະຫວ່າງ 3 ບໍລິສັດດັັງກ່າວ ເພື່ອແນໃສ່ຫັນວິສາຫະກິດລາວໂທລະຄົມມະນາຄົມເປັນມະຫາຊົນ ແລະ ຈົດທະບຽນເຂົ້າໃນຕະຫຼາດຫຼັກຊັບລາວ ເພື່ອລະດົມທຶນມາຂະຫຍາຍ ແລະ ພັດທະນາພື້ນຖານໂຄງລ່າງຂອງລາວໂທລະຄົມໃຫ້ມີຄວາມທັນສະໄໝ ແລະ ເຕີບໃຫຍ່ຂະຫຍາຍຕົວຢ່າງຕໍ່ເນື່ອງ, ສາມາດຮອງຮັບ ແລະ ຕອບສະໜອງຄວາມຮຽກຮ້ອງຕ້ອງການຂອງການຂະຫຍາຍຕົວທາງດ້ານເສດຖະກິດ-ສັງຄົມ ທີ່ນັບມື້ສູງຂຶ້ນ, ທັງເອື້ອອໍານວຍຄວາມສະດວກໃຫ້ການຊົມໃຊ້ຂອງປະຊາຊົນ ກໍຄືນິຕິບຸກຄົນໃນລາວໃຫ້ທົ່ວເຖິງ ແລະ ດີຂຶ້ນເທື່ອລະກ້າວສາມາດເຊື່ອມຈອດກັບບັນດປະເທດໃກ້ຄຽງ, ທັງໝົດນີ້ກໍເພື່ອຮັບປະກັນໃຫ້ບັນລຸເປົ້າໝາຍທີ່ວ່າ: Laos Digital Life.

ພິທີເຊັນສັນຍາໃນຄັ້ງນີ້, ຈະເປັນການກະກຽມຄວາມພ້ອມດ້ານຕ່າງໆໃຫ້ລາວໂທລະຄົມໃນການບໍລິການມະຫາຊົນ, ພ້ອມຈະສ້າງໂອກາດ ແລະ ເງື່ອນໄຂທີ່ຫຼາກຫຼາຍໃຫ້ນັກລົງທຶນທັງພາຍໃນ ແລະ ຕ່າງປະເທດສາມາດຮ່ວມລົງທຶນຊື້-ຂາຍຫຸ້ນຂອງລາວໂທລະຄົມໃນຕະຫຼາດຫຼັກຊັບໄດ້ຢ່າງສະດວກສະບາຍ.

 

error: Content is protected !!