ມອບ-ຮັບໜ້າທີ່ຫົວໜ້າດ່ານພາສີສາກົນພູເກືອ ຜູ້ເກົ່າ ແລະ ຜູ້ໃໝ່

ພິທີມອບ-ຮັບໜ້າທີ່ຫົວໜ້າດ່ານພາສີສາກົນພູເກືອ ຜູ້ເກົ່າ ແລະ ຜູ້ໃໝ່ ລະຫວ່າງ ທ່ານ ຄຳໄບ ຈັນທະລັງສີ ຮັກສາການຫົວໜ້າດ່ານພາສີສາກົນພູເກືອຜູ້ເກົ່າ ແລະ ທ່ານ ສີມອນ ອຸທິຄຸນ ຫົວໜ້າດ່ານພາສີສາກົນພູເກືອ (ຜູ້ໃໝ່) ໄດ້ຈັດຂຶ້ນວັນທີ 5 ກັນຍາ 2024 ທີ່ສະໂມສອນດ່ານສາກົນພູເກືອ ແຂວງອັດຕະປື. ເຂົ້າຮ່ວມເປັນປະທານຂອງທ່ານ ສີອຸດົມ ອາລົມຈິດ ຫົວໜ້າຄະນະຄຸ້ມຄອງດ່ານສາກົນພູເກືອ ແລະ ທ່ານ ແສງເພັດ ສີສຸລາດ ຫົວໜ້າພາສີປະຈຳແຂວງອັດຕະປື. 

ໃນພິທີມອບ-ຮັບໜ້າທີ່ດັ່ງກ່າວກ່າວຄະນະປະທານໄດ້ເນັ້ນໃຫ້ຫົວໜ້າດ່ານພາສີສາກົນຜູ້ໃໝ່ຈົ່ງສືບຕໍ່ເອົາໃຈໃສ່ປະຕິບັດວຽກງານໃຫ້ເຂັ້ມງວດຮັດກຸມ, ເສີມຂະຫຍາຍຜົນງານດ້ານດີ ແລະ ແກ້ໄຂຈຸດອ່ອນ-ຂໍ້ຄົງຄ້າງ, ເພີ່ມທະວີຄວາມສາມັກຄີເປັນເອກະພາບໃຫ້ໜັກແໜ້ນ, ປະຕິບັດໜ້າທີ່ວຽກງານວິຊາສະເພາະຂອງຕົນໃຫ້ເຂັ້ມງວດ-ເຂັ້ມແຂງ, ທີ່ສຳຄັນສືບຕໍ່ເກັບລາຍຮັບເຂົ້າງົບປະມານໃຫ້ໄດ້ລື່ນແຜນການທີ່ວາງໄວ້ ແລະ ມີຜົນສໍາເລັດໃໝ່ໃຫຍ່ຫລວງກວ່າເກົ່າ.