ທ່ານ ມູກາເບ ຢືນຢັນບໍ່ລາອອກ ເຖິງວ່າຖືກກົດດັນຢ່າງໜັກ

- advert banner 728 90 728x90 - ທ່ານ ມູກາເບ ຢືນຢັນບໍ່ລາອອກ ເຖິງວ່າຖືກກົດດັນຢ່າງໜັກ

ຜູ້ນຳ​ຊິ​ມບຳ​ເວ​ຢືນຢັນ​ບໍ່​ຍອມ​ລາ​ອອກ​ຈາກ​ຕຳ​ແໜ່​ງ, ​ເຖິງ​ວ່າ​ຈະ​ຖືກ​ກົດ​ດັນ​ຈາກ​ກອງທັບ​ຢ່າງ​ໜັກ ​ແລະ ປະຊາຊົນ​ອອກ​ມາ​ເດີນ​ຂະ​ບວນຂັບ​ໄລ່​ກໍ​ຕາມ.

- new3 - ທ່ານ ມູກາເບ ຢືນຢັນບໍ່ລາອອກ ເຖິງວ່າຖືກກົດດັນຢ່າງໜັກ

- gwx98lw8 - ທ່ານ ມູກາເບ ຢືນຢັນບໍ່ລາອອກ ເຖິງວ່າຖືກກົດດັນຢ່າງໜັກ

ປະທານາທິບໍດີ ​ໂຣ​ເບີດ ມູກາ​ເບ ຂອງ​ຊິ​ມບຳ​ເວ ຖະ​ແຫລ​ງທາງ​ໂທລະພາບ ​ໃນ​ວັນ​ທີ 19 ພະຈິກ​ວ່າ: ຈະ​ຢູ່​ປະຕິບັດ​ໜ້າ​ທີ່​ຫົວໜ້າ​ພັກ​ຊາ​ນູ-ພີ​ເອຟ ​ແລະ ​ເປ​ັນປະທານ​ໃນ​ກອງ​ປະຊຸມ​ສະມັດຊາ​ພັກ​ໃນ​ເດືອນ​ໜ້າ​ນີ້, ​ເຖິງ​ວ່າ​ກ່ອນ​ໜ້າ​ນີ້ ພັກ​ຊາ​ນູ-ພີ​ເອຟ ຈະ​ລົງມະຕິ​ປົດ​ຕົນ​ອອກ​ຈາກ​ຕຳ​ແໜ່​ງຫົວໜ້າ​ພັກ ​ແລະ ​ໃຫ້​ເວລາ 24 ຊົ່ວ​ໂມງ​ໃນ​ການ​ລາ​ອອກ​ຈາກ​ຕຳ​ແໜ່​ງປະທານາທິບໍດີ ຫລື ບໍ່​ອາດ​ຖືກ​ພິຈາລະນາ​ຖອດ​ຖອນ​ອອກ​ຈາກ​ຕຳ​ແໜ່​ງ​ແລ້ວ​ກໍ​ຕາມ. ວິ​ກິດ​ການ​ທາງ​ການ​ເມືອງ​ຢູ່​ຊິ​ມບຳ​ເວ​ເກີດ​ຂຶ້ນພາຍຫລັງ​ທ່ານ ມູກາ​ເບ ​ໄດ້​ສັ່ງ​ປົດ​ຮອງປະທານາທິບໍດີ ​ເອັມ​ເມີ​ສັນ ​ເອັມນັນ​ກາກ​ວາ ອອກ​ຈາກ​ຕຳ​ແໜ່​ງ​ໃນ 2 ອາທິດ​ກ່ອນ ​ເຮັດ​ໃຫ້​ກອງທັບ​ບໍ່ພໍ​ໃຈ ​ເພາະ​ເຊື່ອ​ວ່າການ​ກະທຳ​ດັ່ງກ່າວ​ເປັນ​ການ​ປູ​ທາງ​​ເພື່ອ​ໃຫ້​ນາງ ​ເກຣ ​ເຊິ່ງ​ເປັນ​ພັນ​ລະ​ຍາ​ຂອງ​ທ່ານ ມູກາ​ເບ ​ເຂົ້າມາ​ຮັບ​ຕຳ​ແໜ່​ງປະທານາທິບໍດີ​ຕໍ່​ໄປ. ນອກ​ຈາກ​ນັ້ນ ​ໃນ​ວັນ​ທີ 19 ພະຈິກ, ພັກ​ຊາ​ນູ-ພີ​ເອຟ ຍັງ​ໄດ້​ແຕ່ງຕັ້ງ​ໃຫ້​ທ່ານ ​ເອັມນັນ​ກາກ​ວາ ​ເປັນ​ຫົວໜ້າ​ພັກ ​ແລະ ລົງ​ຊິງ​ໄຊ​ໃນ​ການ​ເລືອກ​ຕັ້ງທົ່ວ​ໄປ​ປີໜ້າ​ນຳ​ອີກ, ສ່ວນ​ນາງ ​ເກຣ ພັນ​ລະ​ຍາ​ທ່ານ ມູກາ​ເບ ນັ້ນຖືກ​ຂັບ​ໄລ່​ອອກ​ຈາກ​ພັກ​ພ້ອມ​ຄົນ​ອື່ນໆ​ອີກ​ຫລາຍ​ຄົນ. ທ່ານ ມູກາ​ເບ ຢືນຢັນ​ວ່າ: ​ໃນ​ກອງ​ປະຊຸມ​ສະມັດຊາ​ພັກ​ເດືອນ​ໜ້າ​ນີ້ ທ່ານ​ຈະ​ປະຕິບັດ​ໜ້າ​ທີ່​ປະທານ​ກອງ​ປະຊຸມ​ຕໍ່​ໄປ ພ້ອມ​ຍອມຮັບ​ວ່າ: ຮູ້​ເຖິງ​ສຽງ​ວິພາກ​ວິຈານ​ຕົນ​ເອງ​ຈາກ​ພັກ, ກອງທັບ ​ແລະ ປະຊາຊົນ, ​ແຕ່​ຕົນ​ຈະ​ບໍ່​ລາ​ອອກ​ຢ່າງ​ແນ່ນອນ. ຄຳ​ຖະ​ແຫລ​ງຂອງ​ປະທານາທິບໍດີ ມູກາ​ເບ ສ້າງ​ຄວາມ​ບໍ່ພໍ​ໃຈ​ໃຫ້​ແກ່​ກອງທັບ. ທ່ານ ຄຣິສ ມຸດ​ວາງ​ກວາ ​ແຫ່ງ​ສະມາຄົມ​ທະຫານ​ຜ່ານ​ເສິກ ​ເຊິ່ງມີອິດ​ທິພົນ​ຫລາຍ​ຢູ່​ຊິ​ມບຳ​ເວ ກ່າວ​ວ່າ: ທ່ານ ມູກາ​ເບ ບໍ່​ຍອມຮັບ​ຄວາມ​ຈິງ ​ແລະ ຕ້ອງ​ດຳ​ເນີນ​ຂະ​ບວນການ​ຖອດ​ຖອນ​ອອກ​ຈາກ​ຕຳ​ແໜ່​ງ ​ແລະ ຮຽກຮ້ອງ​ໃຫ້​ປະຊາຊົນ​ອອກ​ມາສະ​ແດງ​ພະລັງ​ຂັບ​ໄລ່​ກັນ​ອີກ.

error: Content is protected !!