ນະຄອນຫລວງຈະສຸມໃສ່ຈັດສັນການສັນຈອນໃນຕົວເມືອງ

ໃນກອງປະຊຸມດຳເນີນຊີ ວິດການເມືອງຄະນະພັກຮາກ ຖານຫ້ອງຕຳຫລວດ ປກສ ນະ ຄອນຫລວງວຽງຈັນ ເມື່ອບໍ່ດົນນີ້, ໄດ້ມີມະຕິວ່າ: ໃນຕໍ່ໜ້ານີ້, ຈະສຸມ ໃສ່ແກ້ໄຂປາກົດການ ຫຍໍ້ທໍ້ທາງສັງຄົມໃຫ້ມີປະສິດທິພາບ ແລະ ປະສິດທິຜົນສູງ, ໂດຍສະເພາະ ການແກ້ໄຂສະພາບການສັນ ຈອນແອອັດ, ແກ໋ງກວນເມືອງ, ນັກເລງອັນຕະພານ ແລະ ປາກົດ ການບໍ່ດີອື່ນໆ, ໂດຍຈະຖືເອົາວຽກງານສຶກສາອົບຮົມສ້າງຈິດສໍາ ນຶກໃຫ້ປະຊາຊົນເປັນກົກ, ໄປຄຽງ ຄູ່ກັບການນໍາໃຊ້ມາດຕະການ ດ້ານລະບຽບກົດໝາຍຕໍ່ຜູ້ລະເມີດ.

+ ນະຄອນຫລວງ​ວຽງ​ຈັນ​ເມືອງ​ເອກ​ທີ່​ປະ​ທັບ​ໃຈ

+ ນະຄອນຫລວງວຽງຈັນເອົາໃຈໃສ່ແກ້ໄຂສະພາບຄົນຂໍທານ

ທ່ານພັນໂທ ສຸລິວັນ ລາດ ຊະວົງ ຮອງເລຂາຄະນະ ພັກ ຮາກຖານຫ້ອງຕຳຫລວດ ໃຫ້ຮູ້ ວ່າ: ເພື່ອແກ້ໄຂການ ສັນຈອນ ໃນຕົວເມືອງມີຄວາມຄ່ອງຕົວ ແລະ ຫລຸດຜ່ອນສະພາບ ຄວາມ ແອອັດຂອງຍວດຍານພາຫະນະໃນຕໍ່ໜ້ານີ, ຕຳຫລວດຈະລາ ຈອນພວກເຮົາຈະໄດ້ເພີ່ມທະ ວີໃນການປະຕິບັດໜ້າທີ່ໃຫ້ ຫລາຍກວ່າເກົ່າ, ຕ້ອງເຮັດໜ້າທີ່ ປະຈຳຈຸດ ແລະ ບັນດາແຍກທີ່ ສຳຄັນ ຕະຫລອດ 24 ຊົ່ວໂມງ ເພື່ອແກ້ ໄຂບັນຫາຕ່າງໆທີ່ ອາດ ເກີດຂຶ້ນໃຫ້ທັນເວລາ, ທັງຮັບ ປະກັນບໍ່ໃຫ້ເກີດສະພາບລົດຕິດ ແກ່ຍາວ ແລະ ກີດຂວາງການ ສັນຈອນທີ່ພາໃຫ້ບໍ່ມີ ຄວາມ ເປັນລະບຽບຮຽບຮ້ອຍໃນຕົວ ເມືອງ, ພ້ອມທັງສຸມໃສ່ສະກັດ ກັ້ນອຸປະຕິເຫດບົນທ້ອງຖະໜົນໃຫ້ຫລຸດລົງ, ອັນສໍາຄັນແມ່ນ ຈະຕ້ອງເອົາໃຈໃສ່ວຽກງານ ໂຄສະນາ ເຜີຍແຜ່ລະບຽບການ ສັນຈອນ ໃຫ້ທົ່ວເຖິງທຸກສຳນັກ ງານ, ອົງການຈັດຕັ້ງພັກ-ລັດ, ໂຮງ ຮຽນ, ໂຮງຈັກ-ໂຮງງານ, ຊຸມຊົນ, ຕະຫລາດ ແລະ ບ້ານ ໃຫ້ ແຂງແຮງກວ່າເກົ່າ ແລະ ໃນໄລຍະ 1 ປີຜ່ານມານີ້, ເຈົ້າ ໜ້າທີ່ຈະລາຈອນກໍໄດ້ອອກ ແຮງລົງ ເຄື່ອນໄຫວ ກວດແທກ ຄວາມໄວ ແລະ ທາດເຫລົ້າຂອງ ນັກຂັບ ຂີ່ຫລາຍກວ່າ 60 ຄັ້ງ, ລົງແກ້ໄຂ ສະພາບຄວາມ ບໍ່ເປັນ ລະບຽບຕາມເສັ້ນທາງ ຕ່າງໆ ໄດ້ຫລາຍກວ່າ 250 ເທື່ອ, ລົງ ໂຄສະນາຕາມເສັ້ນທາງ, ສຳນັກ ງານ, ອົງການຕ່າງໆຫລາຍກວ່າ 540 ຄັ້ງ, ຊຶ່ງມີຜູ້ເຂົ້າຮ່ວມ ຮັບ ຟັງຫລາຍກວ່າ 15 ພັນຄົນ. ນອກນີ້, ຍັງໄດ້ສຶກສາອົບຮົມກຸ່ມ ແກ້ງກວນເມືອງ, ຜູ້ລະເມີດລະ ບຽບ ຈະລາຈອນຫລາຍຄັ້ງ. ສ່ວນສະພາບອຸປະຕິເຫດບົນ ທ້ອງຖະໜົນເກີດຂຶ້ນຫລາຍກວ່າ 1.510 ຄັ້ງ, ມີຜູ້ເສຍຊີວິດ 266 ຄົນ, ສັງເກດເຫັນວ່າສະພາບ ອຸປະຕິເຫດຍັງເກີດຂຶ້ນຫລາຍ ເຊິ່ງເປັນວຽກຕົ້ນຕໍໜຶ່ງທີ່ກຳລັງ ເຈົ້າໜ້າທີ່ຈະຕ້ອງໄດ້ອອກແຮງແກ້ໄຂ.

error: Alert: Content is protected !!