ມີຫຼາຍປະເທດສົນໃຈນໍາໃຊ້ສັນຍານດາວທຽມລາວ

- advert banner 728 90 728x90 - ມີຫຼາຍປະເທດສົນໃຈນໍາໃຊ້ສັນຍານດາວທຽມລາວ

- Lao sattellite - ມີຫຼາຍປະເທດສົນໃຈນໍາໃຊ້ສັນຍານດາວທຽມລາວ

- new3 - ມີຫຼາຍປະເທດສົນໃຈນໍາໃຊ້ສັນຍານດາວທຽມລາວ

ຕາມການລາຍງານຂອງທ່ານ ຕິງ ຢົງ ປິງ ຜູ້ອໍານວຍການໃຫຍ່ ບໍລິສັດ ດາວທຽມລາວອາຊີ-ປາຊີຟິກ ຈໍາກັດ ວ່າ: ໂທລະພາບຜ່ານລະບົບດາວທຽມຂອງພວກເຮົາໃນປັດຈຸບັນ ມີຫຼາຍຊ່ອງຄື: ຊ່ອງລາວ, ຈີນ, ຫວຽດນາມ ແລະ ໄທ ລວມມີ 130 ລາຍການ ຖືວ່າຢູ່ເຂດຄວບຄຸມໃນການໃຫ້ບໍລິການຂອງລະບົບດາວທຽມລາວ ແລະ ໃນຂະນະນີ້ກໍມີການບໍລິການຂອງລະບົບດາວທຽມ ໄທ, ມາເລເຊຍ, ຫວຽດນາມ ແລະ ຈີນອີກຈໍານວນໜຶ່ງ ກໍສາມາດຄວບຄຸມພື້ນທີ ແລະ ມີໃຫ້ບໍລິການ.

ດາວທຽມລາວ ໄດ້ສົ່ງຂຶ້ນສູ່ຈຸດທີ່ຕັ້ງຮ່ວງອະວະກາດ ເມື່ອເດືອນ ພະຈິກ 2015 ແລະ ກໍເປັນດາວທຽມໜ່ວຍທີ 3 ຢູ່ໃນອາຊີຕາເວັນອອກສຽງໃຕ້, ດາວທຽມດັ່ງກ່າວມີຕົ້ນທຶນ 258 ລ້ານໂດລາສະຫະລັດ ແລະ ມີອາຍຸການໃຊ້ງານ 15 ປີ. ການທີ່ລາວເຮົາໄດ້ສົ່ງດາວທຽມຂຶ້ນໄປ ໄດ້ສ້າງໂອກາດທີ່ດີໃນການສ້າງສາພັດທະນາ ຈາກປະເທດທີ່ບໍ່ມີທາງອອກສູ່ທະເລ ເຮັດໃຫ້ການສື່ສານຄ້ອນຂ້າງຫຍຸ້ງຍາກໃນການເຊື່ອມຕໍ່ກັບປະເທດອື່ນໆ, ແຕ່ພາຍຫຼັງທີ່ລາວມີດາວທຽມເປັນຂອງຕົວເອງແລ້ວ ກໍເຮັດໃຫ້ການສື່ສານຂອງພວກເຮົາມີຄວາມສະດວກສະບາຍຂຶ້ນ ແລະ ຈະເຮັດໃຫ້ໂຄງການດາວທຽມຂອງພວກເຮົາມີໂອກາດຮັບໃຊ້ໃນໂຄງການຕ່າງໆ, ເນື່ອງຈາກວ່າລາວມີການພັດທະນາທາງດ້ານເຕັກໂນໂລຊີໄວ ແລະ ຄວາມຕ້ອງການໃນການໃຊ້ການສື່ສານແບບທາງໄກລະຫວ່າງປະເທດມີຫຼາຍຂຶ້ນ ແລະ ບັນຫາເຫຼົ່ານີ້ ເປັນເງື່ອນໄຂອໍານວຍຄວາມສະດວກໃນການໃຫ້ບໍລິການດ້ານດາວທຽມຂອງພວກເຮົາຄື: ດາວທຽມລາວແຊັດຈະສາມາດຕອບສະໜອງໄດ້ການສື່ສານດັ່ງກ່າວ ນັບທັງລະບົບ HD ອັນເປັນທ່າແຮງໜຶ່ງ ເພື່ອ ສາມາດນໍາເອົາລາຍການໂທລະພາບຂອງປະເທດໃກ້ຄຽງເຊັ່ນ: ໄທ, ຈີນ ແລະ ຫວຽດນາມ ເຂົ້າມາເຜີຍແຜ່ໃນລາວໄດ້ຢ່າງສະດວກສະບາຍ.

ຜູ້ອໍານວຍການໃຫຍ່ໃຫ້ຮູ້ອີກວ່າ: ສິ່ງທ້າທາຍໃນຕອນນີ້ ເນື່ອງຈາກວ່າບໍລິສັດເຮົາເປັນບໍລິສັດທີ່ສ້າງໃໝ່ ດ້ານບຸກຄະລາກອນ ແລະ ເຕັກນິກກໍຍັງບໍ່ເກັ່ງເທົ່າທີ່ຄວນ ແລະ ຕ້ອງແຂ່ງຂັນກັບດາວທຽມຂອງປະເທດໃກ້ກຽງທີ່ເຂົ້າມາລາວກ່ອນໜ້ານີ້ ແຕ່ພວກເຮົາເຊື່ອໝັ້ນວ່າ ພາຍໃຕ້ການຮ່ວມມືຂອງສອງລັດຖະບານລາວ-ຈີນ ແລະ ການຊີ້ນໍາຂອງກະຊວງປ້ອງກັນຄວາມສະຫງົບ ເຊື່ອວ່າຈະດໍາເນີນທຸລະກິດດາວທຽມລາວນີ້ເປັນສ່ວນໜຶ່ງໃນການພັດທະນເສດຖະກິດ-ສັງຄົມຂອງລາວໃຫ້ໄດ້ ແລະ ປັດຈຸບັນທາງບໍລິສັດຈະເລັ່ງແກ້ໄຂ 2 ຈຸດຄື: ດ້ານວຽກງານທາງພັກ-ລັດ ໃຫ້ອອກນິຕິກໍາຄຸ້ມຄອງບັນດາກ໋ອງຮັບສັນຍານຂອງອື່ນໆທີ່ບໍ່ຖືກຕ້ອງຕາມກົດໝາຍ, ໃຫ້ຖືຕ້ອງຕາມກົດໝາຍ ເພື່ອມີພື້ນຖານການແຂ່ງຂັນ ແລະ ມີມາດຕະການອັນດຽວກັນ ດ້ານຄຸນນະພາບ ແລະ ເນື້ອໃນຂອງລາຍການ ເພື່ອສາມາດດຶງດູດຄວາມສົນໃຈຂອງລູກຄ້າເຂົ້າມາໃຊ້ບໍລິການດາວທຽມລາວຫຼາຍຂຶ້ນ.

error: Content is protected !!