ທະນາຄານໂລກຍົກໃຫ້ຫວຽດນາມເປັນປະເທດເສດຖະກິດເຕີບໃຫຍ່ໄວທີ່ສຸດໃນອາຊີຕາເວັນອອກ-ປາຊີຟິກ
ທ່ານ ແອນເດຣຍ ຄອບໂປລາ ນັກເສດຖະສາດປະຈໍາປະເທດ ແລະ ຜູ້ນໍາໂຄງການດ້ານການເຕີບໃຫຍ່ທີ່ເທົ່າທຽມກັນ, ການເງິນ ແລະ ສະຖາບັນໃນຫວຽດນາມ ຂອງທະນາຄານໂລກ ກ່າວວ່າ: ຫວຽດນາມເປັນປະເທດທີ່ມີເສດຖະກິດເຕີບໃຫຍ່ໄວທີ່ສຸດແຫ່ງໜຶ່ງຂອງພາກພື້ນອາຊີຕາເວັນອອກ-ປາຊີຟິກ ໃນປີ 2024.
ເຖິງວ່າຈະຜະເຊີນຄວາມເຄັ່ງຕຶງທາງພູມສາດ ແລະ ການປ່ຽນແປງສະພາບອາກາດ ແລະ ໄພທໍາມະຊາດ ເສດຖະກິດຂອງຫວຽດນາມຍັງມີທ່າອ່ຽງການເຕີບໃຫຍ່ ແລະ ການພັດທະນາໃນໄລຍະຍາວ ແລະ ສາມາດບັນລຸອັດຕາເຕີບໃຫຍ່ໄວທີ່ສຸດໃນພາກພື້ນອາຊີຕາເວັນອອກ ຍ້ອນການສົ່ງອອກ ແລະ ອຸປະສົງໃນປະເທດທີ່ຟື້ນຕົວ.
ຂະນະທີ່ການລົງທຶນໃນທຶນມະນຸດໂດຍການເພີ່ມທັກສະໃຫ້ແຮງງານ ແລະ ໂຄງລ່າງພື້ນຖານດ້ານການຂົນສົ່ງ ແລະ ພະລັງງານ ຖືເປັນສິ່ງສໍາຄັນໃນການປັບປຸງຜົນຜະລິດ ແລະ ຄວາມສາມາດໃນການແຂ່ງຂັນຂອງພາກເອກະຊົນ.
ກ່ອນໜ້ານີ້, ທະນາຄານໂລກຄາດຄະເນວ່າ: ການເຕີບໃຫຍ່ຂອງລວມຍອດຜະລິດຕະພັນພາຍໃນ (GDP) ຂອງຫວຽດນາມຈະສູງເຖິງ 6.5% ໃນປີ 2025.
