ຟີຟາ ເຜີຍ ນັກກິລາບານເຕະຣັດເຊຍ 33 ຄົນໃຊ້ສານກະຕຸ້ນຕ້ອງຫ້າມ

- worldcup 14 - ຟີຟາ ເຜີຍ ນັກກິລາບານເຕະຣັດເຊຍ 33 ຄົນໃຊ້ສານກະຕຸ້ນຕ້ອງຫ້າມ
- AGL banner - ຟີຟາ ເຜີຍ ນັກກິລາບານເຕະຣັດເຊຍ 33 ຄົນໃຊ້ສານກະຕຸ້ນຕ້ອງຫ້າມ

BBC ສື່​ອັງກິດ​ລາຍ​ງານ​ວ່າ: ນັກ​ກິລາ​ບານ​ເຕະຣັດ​ເຊຍ 33 ຄົນ ມີ​ສ່ວນ​ພົວພັນ​ກັບ​ການ​ໃຊ້​ສານ​ກະ​ຕຸ້ນ​ຕ້ອງ​ຫ້າມ, ຂະນະ​ທີ່​ສະຫະພັນ​ບານ​ເຕະ​ສາກົນ ຫລື ຟີ​ຟາ ຢືນຢັນ​ກຽມ​ສອບ​ສວນ​ເລື່ອງ​ນີ້​ຢ່າງ​ເຕັມທີ່ ​ແລະ ພ້ອມ​ລົງ​ໂທດ​ສະຖານ​ໜັກ​ຕໍ່​ຜູ້​ກະທຳ​ຜິດ.

ສະຫະພັນ​ບານ​ເຕະ​ສາກົນ ຫລື ຟີ​ຟາ ຮັບ​ລາຍ​ງານ​ຈາກ ກຣິຊາຣ໌ດ ​ແມ​ກຄລາ​ເຣນ ຄະນະ​ກຳມະການ​ສອບ​ສວນ​ອິດສະຫລະ​ຂອງ​ອົງການ​ຕໍ່ຕ້ານ​ການ​ໃຊ້​ສານ​ກະ​ຕຸ້ນ​ສາກ​ົນ ຫລື ວາ​ດ້າ ວ່າມີ​ນັກ​ກິລາຣັດ​ເຊຍ​ຫລາຍ​ກວ່າ 1.000 ຄົນ ຈາກ 30 ຊະນິດ​ກິລາ ມີ​ສ່ວນ​ພົວພັນ​ກັບ​ການ​ໃຊ້​ສານ​ກະ​ຕຸ້ນ​ຕ້ອງ​ຫ້າມ ​ໂດຍ​ຈາກ​ຈຳນວນ​ດັ່ງກ່າວ​ມີ​ນັກ​ກິລາ​ບານ​ເຕະ 33 ຄົນ. ທັງ​ນີ້ ຟີ​ຟາ​ຢືນຢັນ​ວ່າ​ໄດ້​ປະສານ​ງານ​ກັບ​ວາ​ດ້າ ​ເພື່ອ​ສືບສວນ​ເລື່ອງ​ນີ້​ຢ່າງ​ເຕັມທີ່. ທັງ​ນີ້ BBC ກ່າວ​ອີກ​ວ່າ: ມີ​ນັກ​ກິລາ​ຍິງ​ທີ່​ບໍ່​ເປີດ​ເຜີຍ​ຊະນິດ​ກິລາ ອາຍຸ​ຕໍ່າ​ກວ່າ 20 ປີ 2 ຄົນ ຖືກ​ລົງ​ໂທດ​ໂດຍ​ສະຫະພັນ​ກິລາຣັດ​ເຊຍ​ຮຽບຮ້ອຍ​ແລ້ວ, ສ່ວນ​ນັກ​ກິລາ​ບານ​ເຕະ, ຟີ​ຟາ​ຈະ​ລົງ​ໂທດ​ສະຖານ​ໜັກ ​ເພາະ​ການ​ໃຊ້​ສານ​ກະ​ຕຸ້ນ​ໃນ​ເກ​ມກິລາ​ເປັນ​ໂທດ​ທີ່​ບໍ່​ສາມາດ​ງົດ​ເວັ້ນ​ໄດ້.

​ເຖິງ​ຢ່າງ​ໃດ​ກໍ​ຕາມ, ວາ​ດ້າ​ໄດ້​ກວດ​ປັດ​ສະວະ ​ແລະ ຜົນ​ເລືອດ​ຂອງ​ນັກ​ເຕະ​ທີ​ມຊາດຣັດ​ເຊຍ ​ໃນ​ເກ​ມຟີ​ຟາ ຄອນ​ເຟດ​ເດິ​ເຣຊັ່ນ ຄັບ ​ໃນ​ກາງ​ປີຜ່ານມາ ​ແລະ ​ເຕະບານ​ໂລກ 2014 ຢູ່​ບຣາຊິນ ປາກົດ​ວ່າ​ບໍ່​ພົບ​ສານ​ກະ​ຕຸ້ນ​ຕ້ອງ​ຫ້າມ. ກ່ອນ​ໜ້າ​ນີ້ ​ແມັກຄລາ​ເຣນ ຈາກ​ວາ​ດ້າ ​ເຄີຍ​ຮວບ​ຮວມຫລັກ​ຖານ​ທີ່​ລັດຖະບານຣັດ​ເຊຍ ມີການ​ກ່ຽວ​ຂ້ອງ​ຮູ້​ເຫັນ ​ແລະ ປົກ​ປິດ​ການ​ໃຊ້​ສານ​ກະ​ຕຸ້ນ​ຕ້ອງ​ຫ້າມ ຂອງ​ນັກ​ກິລາ​ປະ​ເທດ​ຕົນ​ເອງ ທັງ​ໂອ​ລິ​ມປິກ​ລະດູ​ໜາວ​ຢູ່​ກາ​ນາ​ດາ​ປີ 2010 ​ແລະ ​ໃນ​ປີ 2012-2015 ມີ​ນັກ​ກິລາຣັດ​ເຊຍ​ບໍ່​ຜ່ານ​ການກວດ​ສານ​ກະ​ຕຸ້ນ​ສູງ​ເຖິງ 577 ຄັ້ງ.

- Wave100S AD to Website 2020 0 - ຟີຟາ ເຜີຍ ນັກກິລາບານເຕະຣັດເຊຍ 33 ຄົນໃຊ້ສານກະຕຸ້ນຕ້ອງຫ້າມ
- WhatsApp Image 2020 05 27 at 5 - ຟີຟາ ເຜີຍ ນັກກິລາບານເຕະຣັດເຊຍ 33 ຄົນໃຊ້ສານກະຕຸ້ນຕ້ອງຫ້າມ
- WhatsApp Image 2020 05 27 at 5 - ຟີຟາ ເຜີຍ ນັກກິລາບານເຕະຣັດເຊຍ 33 ຄົນໃຊ້ສານກະຕຸ້ນຕ້ອງຫ້າມ
- WhatsApp Image 2020 05 27 at 5 - ຟີຟາ ເຜີຍ ນັກກິລາບານເຕະຣັດເຊຍ 33 ຄົນໃຊ້ສານກະຕຸ້ນຕ້ອງຫ້າມ
- WhatsApp Image 2020 05 27 at 5 - ຟີຟາ ເຜີຍ ນັກກິລາບານເຕະຣັດເຊຍ 33 ຄົນໃຊ້ສານກະຕຸ້ນຕ້ອງຫ້າມ
error: Alert: Content is protected !!