ກອງປະຊຸມມະຫາວິທະຍາ​ໄລຝຣັ່ງ​ໂກ​ໂຟນີ​ໄຂ​ຂຶ້ນທີ່ບາງກອກປະ​ເທດ​ໄທ

- Untitled design - ກອງປະຊຸມມະຫາວິທະຍາ​ໄລຝຣັ່ງ​ໂກ​ໂຟນີ​ໄຂ​ຂຶ້ນທີ່ບາງກອກປະ​ເທດ​ໄທ

 

ກອງປະຊຸມບັນດາອະທິການບໍດີຂອງມະຫາວວິທະຍາໄລທີ່ເປັນສະມາຊິກຂອງອົງການມະຫາວິທະຍາໄລຝຣັ່ງໂກ​ໂຟນີ (AUF) ໃນຂົງເຂດອາຊີ-ປາຊີຟິກ ຄັ້ງທີ 12 (CONFRASIE) ໄດ້ຈັດຂຶ້ນໃນວັນທີ 4 ເມສານີ້ທີ່ນະຄອນຫລວງບາງກອກ, ຣາຊະ​ອານາຈັກ​ໄທ​ໃນ​ຫົວຂໍ້: ມະຫາວິທະຍາໄລໃນຂົງເຂດອາຊີ-ປາຊີຟິກໃນປັດຈຸບັນ ແລະ ໃນອານາຄບົດ, ​ໂດຍມີ​ຜູ້​ເຂົ້າ​ຮ່ວມ​ຈາກ​ບັນດາ​ສະ​ຖາ​ບັນ​ການ​ສຶກສາ​ຊັ້ນ​ສູງ ​ແລະ ການ​ຄົ້ນ​ຄ້ວາ ​ເຊັ່ນ: ກຳປູ​ເຈຍ, ສ.​ເກົາຫລີ, ຈີນ, ຍີ່ປຸ່ນ, ສປປ ລາວ, ມົງ​ໂກ​ລີ, ນູ​ແວນ-​ກາ​ເລ​ໂດ​ນີ, ຣາຊາ​ອະນາ​ຈັກ​ໄທ, ວາ​ນູອາ​ຕູ ​ແລະ ສສ ຫວຽດນາມ.

ກອງປະຊຸມຄັ້ງນີ້, ເປັນໂອກາດອັນດີໃຫ້ແກ່ບັນດາມະຫາວິທະຍາໄລຕ່າງໆ ​ເພື່ອແລກປ່ຽນບົດຮຽນກ່ຽວກັບນະໂຍບາຍດ້ານວິຊາການ ແລະ ວິທະຍາສາດ ກໍຄືບັນດາສິ່ງທ້າທາຍຕ່າງໆ ເປັນຕົ້ນ: ດ້ານຄຸນນະພາບຂອງຫລັກສູດການຮຽນ-ການສອນ ແລະ ການຄົ້ນຄວ້າ, ລວມທັງການສ້າງວຽກເຮັດງານທຳ ເພື່ອຮອງຮັບນັກສຶກສາທີ່ຮຽນຈົບ ແລະ ຄວາມຮັບຜິດຊອບຕໍ່ສັງຄົມຂອງບັນດາມະ ຫາວິທະຍາໄລ. ນອກນີ້ຍັງໄດ້ຈັດກອງປະຊຸມໂຕະມົນເພື່ອປຶກສາຫາລືບັນດາຫົວຂໍ້ທີ່ຫລາຍ​ສະ​ຖາ​ບັນ​ມີ​ຄວາມ​ເປັນ​ຫວ່ງ ແລະ ເປັນບູລິມະສິດພິເສດໃນວຽກງານປັດຈຸບັນໃນຂະແໜງການສຶກສາຊັ້ນສູງ ແລະ ການຄົ້ນຄ້ວາລະດັບພາກພື້ນທີ່ໄດ້ຖືກຍົກຂຶ້ນມາສະເໜີໃນທີ່ປະຊຸມເຊິ່ງປະກອບມີ: ການຝຶກອົບຮົບ, ການຄົ້ນຄ້ວາ ແລະ ສິ່ງທ້າທາຍໃນການລິເລີ່ມໂຄງການສາທິດ ທີ່ສຸມໃສ່ດ້ານຄຸນນະພາບ.

- Wave100S AD to Website 2020 0 - ກອງປະຊຸມມະຫາວິທະຍາ​ໄລຝຣັ່ງ​ໂກ​ໂຟນີ​ໄຂ​ຂຶ້ນທີ່ບາງກອກປະ​ເທດ​ໄທ

ກອງປະຊຸມ​ຍັງ​ໄດ້​ລົງ​ເລິກ​ດ້ານຄວາມຄິດສ້າງສັນໃນດ້ານນະວັດຕະກຳ ແລະ ການກໍ່ຕັ້ງຫົວໜ່ວຍທຸລະກິດລະຫວ່າງຂົງເຂດວັດທະນະທຳ, ການປະຕິບັດຕົວຈິງ ແລະ ການເສີມຂະຫຍາຍ, ການສ້າງໃຫ້ມະຫາວິທະຍາໄລເປັນຜູ້ນຳພາທາງດ້ານການພັດທະນາໃນລະດັບທ້ອງຖິ່ນ ແລະ ໃນລະດັບໂລກ ລວມທັງບັນດາຍຸດທະສາດຄູ່ຮ່ວມມື, ການບໍລິຫານໃນຂັ້ນມະຫາວິທະຍາໄລ ແລະ ແຜນຍຸດທະສາດການພັດທະນາໃນສະພາບແວດລ້ອມທີ່ມີການປ່ຽນແປງ, ການສ້າງວຽກເຮັດງານທຳ ແລະ ການກ້າວສູ່ໄວເຮັດວຽກຂອງບັນດານັກສຶກສາທີ່ຮຽນຈົບ, ເຊິ່ງເປັນການຕອບບັນ​ຫາທ້າທາຍດ້ານເສດຖະກິດ-ສັງຄົມ.

- WhatsApp Image 2020 05 27 at 5 - ກອງປະຊຸມມະຫາວິທະຍາ​ໄລຝຣັ່ງ​ໂກ​ໂຟນີ​ໄຂ​ຂຶ້ນທີ່ບາງກອກປະ​ເທດ​ໄທ
- WhatsApp Image 2020 05 27 at 5 - ກອງປະຊຸມມະຫາວິທະຍາ​ໄລຝຣັ່ງ​ໂກ​ໂຟນີ​ໄຂ​ຂຶ້ນທີ່ບາງກອກປະ​ເທດ​ໄທ
error: Alert: ເນື້ອຫາຂ່າວມີລິຂະສິດ !!