ກອງປະຊຸມໂຕະມົນປະຈຳປີ 2017 ປິດລົງດ້ວຍຜົນສຳເລັດ
ກອງປະຊຸມໂຕະມົນ ປະຈຳປີ 2017 ໄດ້ອົດລົງຢ່າງເປັນທາງການໃນວັນທີ 23 ພະຈິກນີ້, ພາຍຫລັງດຳເນີນມາເປັນເວລາ 2 ວັນ, ທີ່ແຂວງຈຳປາສັກ, ພາຍໄຕ້ຫົວຂໍ້ “ເພີ່ມທະວີການເປັນຄູ່ຮ່ວມໃນການຈັດຕັ້ງ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 8, ເພື່ອບັນລຸເປົ້າໝາຍການຫຼຸດ ພົ້ນອອກຈາກສະຖານະພາບດ້ອຍພັດທະນາ, ໂດຍການເຂົ້າຮ່ວມຂອງທ່ານ ສົມດີ ດວງດີ ຮອງນາຍົກລັດຖະມົນຕີລັດຖະມົນຕີກະຊວງ ການເງິນ, ທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ, ທ່ານ ບຸນຖອງ ດີວິໄຊ ເຈົ້າແຂວງຈຳປາສັກ, ທ່ານນາງ ຄາຣີນາ ອີມໂມເນັນ ຜູ້ປະສານງານ ອົງການສະຫະປະຊາຊາດ ທັງເປັນຜູ້ຕາງໜ້າອົງການສະຫະປະຊາຊາດ ເພື່ອການພັດ ທະນາ, ມີບັນດາພາກສ່ວນກ່ຽວຂ້ອງເຂົ້າຮ່ວມຈຳນວນຫລາຍ.
ທ່ານລັດຖະມົນຕີກະຊວງແຜນການ ແລະ ການລົງທຶນ ກ່າວວ່າ: ກອງປະຊຸມຄັ້ງນີ້ ໄດ້ສຸມໃສ່ຄົ້ນຄ້ວາ, ປຶກສາຫາລື ແລະ ແລກປ່ຽນຄຳຄິດຄຳເຫັນໃນຫລາຍຫົວຂໍ້ພາຍໃຕ້ ບັນຍາກາດໄມຕີຈິດມິດຕະພາບກົງໄປກົງມາຕໍ່ຜົນສຳເລັດ ແລະ ສິ່ງທ້າທາຍໃນການຈັດ ຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 8, ເຊິ່ງສະຫຼຸບລວມ ມີ 4 ບັນຫາໃຫ່ຍຄື: 1.) ແມ່ນການຫຼຸດພົ້ນອອກຈາກສະຖານະພາບດ້ອຍພັດທະນາ ແລະ ການເຊື່ອມສານເປົ້າໝາຍການພັດທະນາແບບຍືນຍົງ, 2.) ການລົງທຶນທີ່ມີຄຸນນະພາບ ຂອງເອກະຊົນສຳລັບການພັດທະນາ, 3.) ການລົງທຶນໄສ່ການພັດທະນາສີມືແຮງງານ, ເຊິ່ງເປັນປັດໃຈສຳຄັນໃນການພັດທະນາ ແລະ 4.) ການເພີ່ມທະວີການຮ່ວມມືແບບໄຕ້-ໄຕ້ ແລະ ການຮ່ວມມື 3 ຫຼຽ່ມ “ກົນໄກການຈັດຕັ້ງປະຕິບັດ ແລະ ການຕິດຕາມເພື່ອ ການພັດທະນາທີ່ມີປະສິດທິຜົນ.
+ກອງປະຊຸມໂຕະມົນປະຈຳປີ 2017 ຈະຈັດຂຶ້ນລະຫວ່າງວັນທີ 22-23 ພະຈິກນີ້ ທີ່ແຂວງຈຳປາສັກ
