ອົງການໄອຍະການປະຊາຊົນສູງສຸດ ຫາລືການສ້າງປື້ມຄູ່ມື ການດຳເນີນຄະດີອາຊະຍາກຳສັດປ່າ

ວັນທີ 30 ມັງກອນ 2025 ນີ້, ອົງການໄອຍະການປະຊາຊົນສູງສຸດ (ອອປສ) ຈັດກອງປະຊຸມ ປຶກສາຫາລືການສ້າງປື້ມຄູ່ມື ການດຳເນີນຄະດີອາຊະຍາກຳສັດປ່າ ໂດຍການເປັນປະທານຂອງ ທ່ານ ນາງ ພອນເພັດ ອຸ່ນແກ້ວ ຮອງຫົວໜ້າອົງການໄອຍະການປະຊາຊົນສູງສຸດ, ມີບັນດາຫົວໜ້າກົມ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ກອງປະຊຸມຄັ້ງນີ້, ໄດ້ສືບຕໍ່ຄົ້ນຄວ້າ ປຶກສາຫາລື ບັນດາຫົວຂໍ້ທີ່ສຳຄັນ ເປັນຕົ້ນ:

• ປຶກສາຫາລື ກ່ຽວກັບກົດໝາຍ ແລະ ລະບຽບການຕ່າງໆ ທີ່ກ່ຽວຂ້ອງກັບການຕ້ານອາຊະຍາກໍາສັດປ່າ ເພື່ອເປັນບ່ອນອີງໃນການຂຽນປຶ້ມຄູ່ມື ການດໍາເນີນຄະດີອາຊະຍາກໍາສັດປ່າ.
• ປຶກສາຫາລື ແລະ ທົບທວນ ກ່ຽວກັບຮ່າງສາລະບານປື້ມຄູ່ມື ການດໍາເນີນຄະດີອາຊະຍາກໍາປ່າໄມ້ ທີ່ໄດ້ປັບປຸງ ແລະ ແບ່ງກຸ່ມຄົ້ນຄວ້າຄືນແຕ່ລະຫົວຂໍ້ ໃຫ້ແກ່ຄະນະຮັບຜິດຊອບຂຽນປື້ມຄູ່ມື ເພື່ອຄົ້ນຄວ້າຂຽນເນື້ອໃນປະກອບເຂົ້າໃນປື້ມຄູ່ມືດັ່ງກ່າວ.
• ກໍານົດເນື້ອໃນ, ກຳນົດເວລາ, ການດຳເນີນການຂຽນ ແລະ ຄົ້ນຄວ້າເອກະສານທີ່ເປັນບ່ອນອີງ ໃນການຂຽນປື້ມຄູ່ມື ການດຳເນີນຄະດີອາຊະຍາກຳສັດປ່າ.