ເປົ້າໝາຍໃນອະນາຄົດຂອງເຟສບຸ໊ກແມ່ນການສື່ສານທາງໂທລະຈິດ

ເປົ້າໝາຍໃນອະນາຄົດຂອງເຟສບຸ໊ກແມ່ນການສື່ສານທາງໂທລະຈິດ - 030202 2018 - ເປົ້າໝາຍໃນອະນາຄົດຂອງເຟສບຸ໊ກແມ່ນການສື່ສານທາງໂທລະຈິດ
ເປົ້າໝາຍໃນອະນາຄົດຂອງເຟສບຸ໊ກແມ່ນການສື່ສານທາງໂທລະຈິດ - Untitled design - ເປົ້າໝາຍໃນອະນາຄົດຂອງເຟສບຸ໊ກແມ່ນການສື່ສານທາງໂທລະຈິດ

ທ່ານ ມາກ ຊັກເກີເບີກ ຜູ້ກໍ່ຕັ້ງ ເຟສບຸກ ເຊື່ອວ່າ : ໃນມື້ໜຶ່ງຂ້າງໜ້າມະນຸດຈະມີໂອກາດຖ່າຍທອດຄວາມຄິດ ສື່ສານທາງໂທລະຈິດເຖິງກັນໂດຍກົງ ໂດຍໃຊ້ເຕັກໂນໂລຊີເປັນໂຕເຊື່ອມ ແລະ ນີ້ກໍຄືທິດທາງຂອງເຟສບຸກໃນອະນາຄົດຂ້າງໜ້າ.

“ມັນຈະເປັນຄືກັບວ່າເວລາທ່ານກຳລັງຄິດເຖິງຫຍັງ ໝູ່ຂອງທ່ານກໍຈະຮັບຮູ້ເຖິງສິ່ງທີ່ທ່ານຄິດໃນທັນທີ ແລະ ນີ້ແມ່ນທ່ີສຸດ ຂອງເຕັກໂນໂລຊີການສື່ສານ” ທ່ານ ຊັກເກີເບີກ ເປີດເຜີຍເລື່ອງນີ້ລະຫ່ວາງການຕອບຄຳຖາມຈາກຜູ້ໃຊ້ ເຊິ່ງຖາມວ່າແຜນໄລຍະຍາວຂອງເຟສບຸກຈະເປັນແນວໃດ ?

ໄລຍະ 10 ປີທີ່ຜ່ານມາ ເຟສບຸກພັດທະນາບໍລິການເພື່ອຕອບສະໜອງການສື່ສານຂອງຜູ້ໃຊ້ໄດ້ຢ່າງຕໍ່ເນື່ອງ ເລີ່ມຕົ້ນຈາກບໍລິການໜ້າໂປຣໄຟລ໌ທຳມະດາ ຈົນໄປເຖິງການສະແດງຄວາມຄິດເຫັນເພີ່ມເຕີມໄດ້ ທັງການກົດໄລ້ Like, ແບ່ງກຸ່ມໝູ່ ຕະຫລອດຈົນບໍລິການອື່ນໆທີ່ເພີ່ມຂຶ້ນອີກຫລາຍ.

ໃນໄລຍະບໍ່ເທົ່າໃດປີທີ່ຜ່ານມາ ບໍລິການຂອງເຟສບຸກເລີ່ມຜັນຂະຫຍາຍຈາກການແຊຂໍ້ມູນສາທາລະນະ ເປັນເນັ້ນການສື່ສານສ່ວນບຸກຄົນຫລາຍຂຶ້ນ ນັ້ນເປັນທີ່ມາຂອງການເຂົ້າຊື້ກິດຈະການແອັບພລິເຄເຊິນຂໍ້ຄວາມສົນທະນາ ດັ່ງ ວັອດແອັບ  WhatsApp ໂດຍມູນຄ່າກ່ວາ 22.000 ລ້ານໂດລາສະຫະລັດ ເຊັ່ນດຽວກັນກັບການເຂົ້າຊື້ກິດຈະການ Oculus ຜູ້ຜະລິດອຸປະກອນສວມໃສ່ທີ່ໃຊ້ສະແດງພາບ 3 ມິຕິຄືຂອງແທ້ ເຊິ່ງເປັນການສົ່ງສັນຍານວ່າເຟສບຸກກຳລັງເດີນໜ້າເຂົ້າສູ່ບໍລິການຄືຂອງແທ້ ເພື່ອຍົກລະດັບການສື່ສານຜ່ານເຟສບຸກຂຶ້ນໄປອີກຂັ້ນ.

ເປົ້າໝາຍໃນອະນາຄົດຂອງເຟສບຸ໊ກແມ່ນການສື່ສານທາງໂທລະຈິດ - Wave100S AD to Website 2020 0 - ເປົ້າໝາຍໃນອະນາຄົດຂອງເຟສບຸ໊ກແມ່ນການສື່ສານທາງໂທລະຈິດ

ຄວາມຈິງແລ້ວ ການສື່ສານຜ່ານທາງໂທລະຈິດ ຫລື ການຖ່າຍທອດຄວາມຄິດສົ່ງກົງເຖິງກັນ (Telepathy) ນັ້ນບໍ່ແມ່ນ ເລື່ອງໃໝ່ທີ່ຢູ່ຫ່າງໄກອີກຕໍ່ໄປ ມີນັກວິທະຍາສາດຫລາຍຂະແໜງກຳລັງຄິດຄົ້ນການໃຊ້ຄອມພິວເຕີຖ່າຍທອດຄວາມຄິດຂອງບຸກຄົນ ເພື່ອສົ່ງກົງເຖິງກັນ ໂດຍໃຊ້ສັກກະຍະພາບຂອງຄອມພິວເຕີໃນການແປງຄື້ນສະໝອງເປັນຂໍ້ມູນ. ຍົກໂຕຢ່າງ ມະຫາວິທະຍາໄລວໍຊິງຕັນ ໄດ້ເຄີຍເຮັດສຳເລັດມາແລ້ວ ໂດຍບຸກຄົນຕົ້ນທາງຄິດຈະເຄື່ອນເໜັງນິ້ວມື ແລະ ຄື້ນສະໝອງກໍຖືກສົ່ງຜ່ານອິນເຕີເນັດໄປຍັງບຸກຄົນປາຍທາງ ສົ່ງຜົນໃຫ້ບຸກຄົນປາຍທາງເຄື່ອນເໜັງນິ້ວມືເທິງແປ້ນພິມຄອມພິວເຕີໄປຕາມຄວາມຄິດຂອງບຸກຄົນຕົ້ນທາງ ໂດຍບຸກຄົນທັງສອງຝັ່ງຕ້ອງໃສ່ອຸປະກອນຄ້າຍຄືໝວກ ເພື່ອຊ່ວຍໃນການແປງຄື້ນສະໝອງ.

ເປົ້າໝາຍໃນອະນາຄົດຂອງເຟສບຸ໊ກແມ່ນການສື່ສານທາງໂທລະຈິດ - WhatsApp Image 2020 05 27 at 5 - ເປົ້າໝາຍໃນອະນາຄົດຂອງເຟສບຸ໊ກແມ່ນການສື່ສານທາງໂທລະຈິດ
ເປົ້າໝາຍໃນອະນາຄົດຂອງເຟສບຸ໊ກແມ່ນການສື່ສານທາງໂທລະຈິດ - WhatsApp Image 2020 05 27 at 5 - ເປົ້າໝາຍໃນອະນາຄົດຂອງເຟສບຸ໊ກແມ່ນການສື່ສານທາງໂທລະຈິດ
error: Alert: ເນື້ອຫາຂ່າວມີລິຂະສິດ !!