ເຟສບຸກຍອມຮັບ “ຜິດພາດ” ຖືກດູດຂໍ້ມູນ ຜູ້ໃຊ້ 50 ລ້ານບັນຊີ

- Untitled design - ເຟສບຸກຍອມຮັບ “ຜິດພາດ” ຖືກດູດຂໍ້ມູນ ຜູ້ໃຊ້ 50 ລ້ານບັນຊີ

ມາຣ໌ກ ຊັກ​ເຄີ​ເບິຣ໌ກ ຍອມຮັບ “ຄວາມ​ຜິດ​ພາດ” ​ໃນ​ການ​ເກັບ​ຮັກສາ ​ແລະ ປ້ອງ​ກັນ​ການ​ຮົ່ວ​ໄຫລ​ຂອງ​ຂໍ້​ມູນ ຈົນ​ເກີດ​ກໍ​ລະ​ນີຮື​ຮາ ​ເມື່ອ​ບໍລິສັດ​ວິ​ເຄາະ​ຂໍ້​ມູນ​ໃນ​ອັງກິດ​ສາມາດ​ດຶງ​ຂໍ້​ມູນ​ຂອງ​ຜູ້​ໃຊ້​ເຟສບຸກ​ໃນ​ອາ​ເມ​ລິ​ກາ 50 ລ້ານ​ບັນຊີ ​ໄປ​ໃຊ້ຫາ​ສຽງ​ໃຫ້​ປະທານາທິບໍດີ ​ໂດ​ນັນ ທຣຳ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນ​ລອສ​ແອນ​ເຈ​ລິ​ສ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 21 ມີນາ​ວ່າ: ທ່ານ ມາຣ໌ກ ຊັດ​ເຄີ​ເບິຣ໌ກ ປະທານ​ຄະນະ​ເຈົ້າໜ້າ​ທີ່​ບໍລິຫານ (CEO) ຂອງ​ເຟສບຸກ ​ເຜີຍ​ແຜ່​ຖະ​ແຫລ​ງການ​ໃນ​ເພລສ່ວນ​ຕົວ ​ໃນ​ວັນ​ທີ 21 ມີນາ ມ​ີ​ເນື້ອ​ໃນ​ສຳຄັນ​ກ່ຽວ​ກັບ​ການ​ຍົກ​ລະດັບ​ມາດ​ຕະການ​ປ້ອງ​ກັນ​ການ​ຮົ່ວ​ໄຫລ​ຂອງ​ຂໍ້​ມູນ​ຂອງ​ຜູ້​ໃຊ້​ໄປ​ຍັງ​ນັກ​ພັດທະນາ​ທີ່ຢູ່​ນອກ​ເຄືອ​ຂ່າຍ ​ແລະ ​ແອບ​ພລິ​ເຄ​ເຊິ​ນບຸກຄົນ​ທີ​ສາມ ​ແລະ ການ​ເພີ່ມ​ແຖບ​ເຄື່ອງມື​ພິ​ເສດ​ເພື່ອ​ໃຫ້​ເຈົ້າຂອງ​ບັນຊີ​ສາມາດ​ຄວບ​ຄຸມ​ຄວາມ​ເປັນ​ສ່ວນ​ຕົວ​ຂອງ​ຂໍ້​ມູນ​ໄດ້​ຫລາຍ​ຂຶ້ນ.

ຂະນະ​ດຽວ​ກັນ, ຊັດ​ເຄີ​ເບິຣ໌ກ ຍອມຮັບ​ວ່າ: ຄວາມ​ຈິງ​ເຟສບຸກມີ​ມາດ​ຕະການ​ນີ້​ມາ​ແຕ່​ປີ 2014 ​ແຕ່​ຍັງ​ມີ “ຄວາມ​ຜິດພາດ” ​ເກີດ​ຂຶ້ນ ​ໂດຍ CEO ຂອງ​ເຟສບຸກກ່າວ​ແບບ​ກົງ​ໄປ​ກົງ​ມາ​ເປັ​ນ​ເທື່ອ​ທຳ​ອິດ​ກ່ຽວ​ກັບ “ການລະ​ເມີດ​ຄວາມ​ໄວ້​ວາງ​ໃຈ” ລະຫວ່າງ​ເຟສບຸກກັບ ອາ​ເລັກ ຊານ​ເດີ ​ໂຄ​ແກນ ຈາກ​ມະຫາວິທະຍາ​ໄລ​​ເຄມ​ບຣິດ ​ເຊິ່ງ​ເປັນ​ຜູ້​ພັດທະນາ​ແອບ​ພລິ​ເຄ​ເຊິ​ນທາງ​ຈິດ​ວິທະຍາ​ຊື່ “ດິສ ອິສ ຍົວ ​ໄລ​ຟ໌” ​ແລະ ບໍລິສັດ ​ເຄມບຣິດ ອະ​ນາລີ​ຕິ​ກາ (ຊີ​ເອ) ​ແຕ່​ບໍລິສັດ​ພັດ​ບໍ່​ສາມາດ​ແກ້​ໄຂ​ເລື່ອງ​ນີ້​ໄດ້​ຢ່າງ​ວ່ອງ​​ໄວ ​ແລະ ມີ​ປະສິດທິພາບ​ພຽງພໍ.

We Spoke to the Cambridge Analytica Whistleblower

- Wave100S AD to Website 2020 0 - ເຟສບຸກຍອມຮັບ “ຜິດພາດ” ຖືກດູດຂໍ້ມູນ ຜູ້ໃຊ້ 50 ລ້ານບັນຊີ

Christopher Wylie played a big role in building one of the most effective political weapons of the digital age, Cambridge Analytica. Now he’s trying to make amends. (via HBO)

Posted by VICE News Tonight on Tuesday, March 20, 2018

​ເຖິງ​ຢ່າງ​ໃດ​ກໍ​ຕາມ, ຊັດ​ເຄີ​ເບິຣ໌ກ ບໍ່​ໄດ້​ກ່າວ​ຂໍອະ​ໄພ​ໂດຍ​ກົງ​ຕໍ່​ການ​ທີ່ ຊີ​ເອ ນຳ​ຂໍ້​ມູນ​ຜູ້​ໃຊ້​ເຟສບຸກ​ໃນ​ອາ​ເມ​ລິ​ກາ​ທີ່​ອາດ​ສູງ​ເຖິງ 50 ລ້ານ​ບັນຊີ ​ໄປ​ໃຊ້​ໃນ​ກິດຈະກຳ​ອື່ນ​ທີ່​ນອກ​ເໜືອ​ຈາກ​ຂໍ້​ຕົກລົງ ​ແລະ ຍັງ​ບໍ່​ມີ​ການ​​ເປີດ​ເຜີຍ​ແນວທາງ​ຢ່າງ​ຈະ​ແຈ້ງ​ໃນ​ການ​ຫລຸດ “ສິດທິ​ພິ​ເສດ” ຂອງ​ບໍລິສັດ​ໂຄສະນາ ຫລື ບໍລິສັດ​ຄູ່​ສັນຍາ​ທາງ​ທຸລະ​ກິດ​ຂອງ​ເຟສບຸກ ​ໃນ​ການ​ເຂົ້າ​ເຖິງ​ຂໍ້​ມູນ​ຂອງ​ຜູ້​ໃຊ້ ​ເຊິ່ງບໍ່​ອາດ​ປະຕິ​ເສດ​ໄດ້​ວ່າ ຂະ​ບວນການ​ທີ່​ວ່າ​ນີ້​ກຳລັງ​ເປັນ​ຊ່ອງ​ທາງ​ສ້າງ​ລາຍ​ຮັບ​ມະຫາສານ​ໃຫ້​ເຄືອ​ຂ່າຍ​ສັງຄົມ​ອອນ​ລາຍ​ຂະໜາດ​ໃຫຍ່​ທີ່​ສຸດ​ຂອງ​ໂລກ, ​ເຖິງ​ວ່າ ຊັດ​ເຄີ​ເບິຣ໌ກ ຈະ​ໃຊ້​ຄຳ​ວ່າ “ຈຳກັດ​ສິດ” ​ແຕ່​ຍັງ​ບໍ່​ຈະ​ແຈ້ງ​ພຽງພໍ.

- WhatsApp Image 2020 05 27 at 5 - ເຟສບຸກຍອມຮັບ “ຜິດພາດ” ຖືກດູດຂໍ້ມູນ ຜູ້ໃຊ້ 50 ລ້ານບັນຊີ
- WhatsApp Image 2020 05 27 at 5 - ເຟສບຸກຍອມຮັບ “ຜິດພາດ” ຖືກດູດຂໍ້ມູນ ຜູ້ໃຊ້ 50 ລ້ານບັນຊີ
error: Alert: ເນື້ອຫາຂ່າວມີລິຂະສິດ !!