ກອງ​ປະຊຸມ​ວຽກ​ງານ​ກວດກາ ປະຈຳ​ປີຂອງ​ກະຊວງ ຖວທ

- advert banner 728 90 728x90 - ກອງ​ປະຊຸມ​ວຽກ​ງານ​ກວດກາ ປະຈຳ​ປີຂອງ​ກະຊວງ ຖວທ

​ໃນ​ວັນ​ທີ 26 ມີນາ 2018 ທີ່​ຫໍ​ວັດທະນະທຳ​ແຫ່ງ​ຊາດ, ​ກອງ​ປະຊຸມສະຫລຸບ​ວຽກ​ງານ​ກວດກາ ປະຈຳ​ປີ 2017 ​ແລະ ທິດ​ທາງ​ແຜນການ ປີ 2018 ຂຶ້ນ ຂອງ​ກະຊວງ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ ​ໄດ້​ຈັດ​ຂຶ້ນ​ໃນ​ວັນ​ທີ 26 ມີນາ​ນີ້ ທີ່​ຫໍ​ວັດທະນະທຳ​ແຫ່ງ​ຊາດ ​ໂດຍ​ການເປັນທານ ຂອງ​ທ່ານ ບົວ​ເງິນ ຊາ​ພູ​ວົງ ຮອງ​ເລຂາ​ຄະນະ​ພັກກະຊວງ, ຮອງ​ລັດຖະມົນຕີ ກະຊວງ ຖວທ, ມີ​ຄະນະ​ພັກກະຊວງ, ​ເລຂາຄະນະ​ພັກ​ຮາກ​ຖານ ​ແລະ ອົງການ​ຈັດ​ຕັ້ງ​ມະຫາຊົນ​ອ້ອມ​ຂ້າງ​ກະຊວງ​ເຂົ້າ​ຮ່ວມ.

- lattana 1 - ກອງ​ປະຊຸມ​ວຽກ​ງານ​ກວດກາ ປະຈຳ​ປີຂອງ​ກະຊວງ ຖວທ

ກອງ​ປະຊຸມ​ໄດ້​ສະຫລຸບ​ຕີ​ລາຄາ​ການ​ເຄື່ອນ​ໄຫວ ​ແລະ ການຈັດ​ຕັ້ງ​ປະຕິບັດວຽກ​ງານກວດກາ​ໃນ​ຂະ​ແໜງ​ການ​ຂອງ​ຕົນ​ໃນ​ໜຶ່ງ​ປີຜ່ານມາ ​ແລະ ວາງທິດ​ທາງ​ແຜນການ ປະຈຳປີ 2018. ນອກຈາກ​ນີ້ ຜູ້​ເຂົ້າ​ຮ່ວມ​​ໄດ້​ຮັບ​ຟັງການ​ເຜີຍ​ແຜ່​ບົດ​ແນະນຳ​ເພີ່ມ​ເຕີມ ​ເລກທີ 04 ຂອງ​ຄະນະ​ກວດກາ​ສູນ​ກາງ​ພັກ ​ກ່ຽວ​ກັບ​ສິດ​ຕົກລົງ​ວິ​ໄນ​ຂັ້ນ​ກ່າວ​ເຕືອນ, ປ່ຽນ​ແປງ ຫລື ລົບ​ລ້າງຮູບ​ການ​ວິ​ໄນຂອງ​ຄະນະ​ກວດ ກາ​ພັກ​ຂັ້ນ​ເມືອງ ​ແລະ ທຽບ​ເທົ່າ​ຂຶ້ນ​ໄປ; ​ເຜີຍ​ແຜ່​ຂໍ້​ກຳນົດ​ເລກທີ 05 ວ່າ​ດ້ວຍ​ການ​ຕິດຕາມ, ກວດກາ ການຈັດ​ຕັ້ງປະຕິບັດ​ຜົນ​ການ​ກວດກາ; ບົດ​ແນະນຳ​​ເລກທີ 27 ຂອງ​ອົງການ​ກວດກາ​ລັດຖະບານ ກ່ຽວ​ກັບການ​ດຳ​ເນີນຄະດີ​ການ​ສໍ້​ລາດ​ບັງ​ຫລວງ; ບົດ​ແນະນຳ​​ເລກທີ 36 ຂອງ​ອົງການ​ກວດ​ກາ​ລັດຖະບານ ກ່ຽວ​ກັບການ​ກວດກາຕາມ​ຜົນ​ຂ​ອງການກວດ​ສອບ. ພ້ອມ​ດຽວ​ກັນ​ນີ້, ຍັງ​ໄດ້​ຮັບ​ຟັງ​ແຈ້ງ​ການກ່ຽວ​ກັບ​ການຈັດ​ຕັ້ງ​ປາຖະກະຖາວັນ​ຕ້ານ​ການ​ສໍ້​ລາດ​ບັງ​ຫລວງ​ສາກົນ ຄົບຮອບ 14 ປີ ວັນ​ທີ 9 ທັນວາ 2003-9 ທັນວາ 2017.

ໃນໂອກາດນີ້, ທ່ານ​ ນາງ ສຸພາ​ລັກ ທິລະ​ວົງ ປະທານ​ກວດກາ​ພັກ​ ກະຊວງ ຖວທ ​​ກ່າວ​ວ່າ: ​ໃນ​ໄລຍະ​ໜຶ່ງ​ປີຜ່ານມາ ຄະນະ​ພັກ​, ຄະນະ​ກວດກາ​ແຕ່ລະ​ຂັ້ນ ​ໄດ້​ເອົາ​ໃຈ​ໃສ່​ເຄື່ອນ​ໄຫວ​ຕິດຕາມ, ກວດກາຕາມ​ພາລະ​ບົດບາດ, ຂອບ​ເຂດ​ສິດ​ໜ້າ​ທີ່​ຂອງ​ຕົນ​ຮັບຜິດຊອບ ​ໂດຍ​ສະ​ເພາະ​​ໄດ້​ສຸມ​ໃສ່ຕິດ ຕາມ, ກວດກາ​ວຽກ​ງານ​ພັກ, ວຽກ​ງານ​ລັດ ​ແລະ ສຸມ​ໃສ່​ແກ້​ໄຂ​ບັນຫາ​ສະ​ເພາະ​ຈຳນວນ​ໜຶ່ງ ​ເປັນ​ຕົ້ນ​ແມ່ນການ​ປັບປຸງ​ການຈັດ​ຕັ້ງ​ກໍ່ສ້າງ​ພັກ, ​ແລະ ການ​ຕິດຕາມ​ກວດກາ​ລັດ, ການ​ຕ້ານ​ ​ແລະ ສະກັດ​ກັ້ນການ​ສໍ້​ລາດ​ບັງຫລວງ ຊຶ່ງ​ໄດ້​ຕິດຕາມ​ກວດກາການ​ລົງທຶນ, ການ​ກໍ່ສ້າງ​ພື້ນຖານ​ໂຄງ​ລ່າງ​ດ້ວຍ​ທຶນ​ຂອງ​ລັດ ມີທັງ​ໝົດ 28 ​ໂຄງການ, ຕິດຕາມ​ກວດກາ ​ແລະ​ ​ເກັບ​ກຳ​ຂໍ້​ມູນ​ປາກົດ​ການ​ຫໍ້​ທໍ້​ໃນ​ຂະ​ແໜງ​ການ ຖວທ ສົກ​ງົບປະມານ 2017 ​ໄດ້ 7 ​ແຂວງ ​ແລະ ນະຄອນຫລວງ.

ທ່ານ​ ນາງ ສຸພາ​ລັກ ​ກ່າວ​ຕື່ມ​ວ່າ: ​ໃນ​ປີ 2017 ຜ່ານ​ມາ ຍັງ​ມີ​ຂໍ້​ຄົງ​ຄ້າງ​ຈຳນວນ​ໜຶ່ງທີ່​ຈະ​ຕ້ອງ​ໄດ້​ຮັບ​ການ​ປັບປຸງ ​ແລະ ​ແກ້​ໄຂ ເປັນ​ຕົ້ນ​ແມ່ນການຈັດ​ຕັ້ງ​ເຜີຍ​ແຜ່​ນິຕິ​ກຳ​ຕ່າງໆ​ ກ່ຽວ​ກັບວຽກ​ງານ​ກວດ​ກາ​ຍັງ​ບໍ່​ທັນ​ກວ້າງຂວາງ, ​ເລິກ​ເຊິ່ງ ​ແລະ ການ​ຈັດ​ຕັ້ງ​ປະຕິບັດ​ຍັງ​ບໍ່​ທັນ​ເຂັ້ມ​ງວດ, ກົງຈັກ​ການຈັດ​ຕັ້ງ ​ແລະ ພາລະ​ບົດບາດຂອງ​ຂະ​ແໜງ​ກວດກາ​ຢູ່​ຂັ້ນ​ຕ່າງໆ​ ຍັງ​ບໍ່​ທັນ​ໄດ້​ຮັບ​ການ​ປັບປຸງ​ເປັນ​ລະບົບ, ລະ​ດັບ​ຄວາມ​ຮູ້​ຄວາມ​ສາມາດ ​ແລະ ປະສົບ​ການ​ຕົວ​ຈິງ​ຍັງ​ຈຳກັດ, ງົບປະມານ, ພາຫະນະ, ອຸປະກອນ​ຮັບ​ໃຊ້ຍັງ​ບໍ່​ຕອບ​ສະໜອງ​ໄດ້ຕາມ​ຄວາມ​ຮຽກຮ້ອງ​ຕ້ອງການ​ຂອງ​ວຽກ​ງານ​ກວດກາ​ໃນ​ໄລຍະ​ໃໝ່.