Youtube ກໍາລັງທົດສອບຟີເຈີໃໝ່ທີ່ມີຊື່ວ່າ miniplayer

ມີຜູ້ພົບວ່າ Youtube ກໍາລັງທົດສອບຟີເຈີໃໝ່ທີ່ມີຊື່ວ່າ miniplayer ສໍາລັບການໃຊ້ງານ Youtube ຜ່ານໜ້າເວັບໄຊ.

ໂດຍເມື່ອເຮົາ Scroll ໜ້າຈໍວິດີໂອລົງມາດ້ານລຸ່ມ ຈະປາກົດ “miniplayer-bar” ທີ່ຂະໜາດນ້ອຍຕຶງໄວ້ດ້ານເທິງ ພ້ອມສະແດງຂໍ້ມູນເບື້ອງຕົ້ນເຊັ່ນ: ຊື່ວີດີໂອ, ຊື່ Channel, ຈໍານວນ Like-Dislike, ຈໍານວນຜູ້ຊົມ ເປັນຕົ້ນ ໂດຍຈະປາກົດຢູ່ເປັນແຖບຢຶດໄວ້ທີ່ດ້ານເທິງຂອງຈໍພາບສະເໝີ ໃນຂະນະທີ່ວິດີໂອກໍຈະຍັງຄົງຫຼິ້ນໄປຕາມປົກກະຕິ ໂດຍສະແດງຜົນເປັນຈໍນ້ອຍໆ ທີ່ມຸມຊ້າຍດ້ານເທິງ.

            ນີ້ໜ້າຈະເປັນທາງເລືອກທີ່ໜ້າສົນໃຈສໍາລັບຜູ້ທີ່ຕ້ອງການອ່ານຄວາມຄິດເຫັນໃນຂະນະຮັບຊົມວິດີໂອໄປດ້ວຍ ເພາະຍັງສາມາດເບິ່ງວິດີໂອໄປພ້ອມໆກັນໄດ້ດ້ວຍ.

ແນວໃດກໍຕາມ ຍັງບໍ່ມີຄວາມຊັດເຈນວ່າ ຟັງຊັນນີ້ຈະຖືກເປີດໃຫ້ໃຊ້ຕໍ່ສາທາລະນະ ຫຼື ບໍ່ ຫຼື ຈະມາເປັນອີກໜຶ່ງຟີເຈີທາງເລືອກສໍາລັບໃຊ້ແທນໂໝດ Picture-in-picture mode ທີ່ເປັນການຫຍໍ້ Player ມາໄວ້ມຸມດ້ານລຸ່ມຂວາຂອງຈໍ ຊຶ່ງມີການທົດສອບໄປກ່ອນໜ້ານີ້ ແຕ່ກໍນັບວ່າເປັນການພັດທະນາປະສົບການການໃຊ້ງານທີ່ໜ້າສົນໃຈຫຼາຍ.