ການສ້າງຊົນນະບົດໃໝ່ຄືແກ້ໄຂຄວາມທຸກຍາກຂອງປະຊາຊົນ

- Development - ການສ້າງຊົນນະບົດໃໝ່ຄືແກ້ໄຂຄວາມທຸກຍາກຂອງປະຊາຊົນ
- Untitled design - ການສ້າງຊົນນະບົດໃໝ່ຄືແກ້ໄຂຄວາມທຸກຍາກຂອງປະຊາຊົນ

ໃນໂອກາດໂອ້ລົມກອງປະຊຸມເຜີຍແຜ່ແນະນໍາການຜັນຂະຫຍາຍດໍາລັດ 348/ລບ ວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາ ຂອງ

ທ່ານນາຍົກລັດຖະມົນຕີ ທອງລຸນ ສີສຸລິດ ໃນວັນທີ 17 ກໍລະກົດນີ້, ໂດຍ ທ່ານໄດ້ຍົກໃຫ້ເຫັນວ່າມະຕິກອງປະຊຸມໃຫຍ່ຄັ້ງທີ X ຂອງພັກ ໄດ້ກໍານົດວ່າ: ການສ້າງຊົນນະບົດໃໝ່ ແມ່ນການແກ້ໄຂຄວາມທຸກຍາກຂອງປະຊາຊົນໃຫ້ໄດ້ຢ່າງທົ່ວເຖິງ, ຕັ້ງໜ້າສືບຕໍ່ປະຕິບັດມາດຕະການຍຸດທະສາດຫັນລົງກໍ່ສ້າງຮາກ

ຖານພັດທະນາຊົນນະບົດຮອບດ້ານຕາມທິດສ້າງຊົນນະບົດໃໝ່. ໃນນັ້ນຖືເອົາການສົ່ງເສີມການຜະລິດເປັນສິນຄ້າ ແລະ ບໍລິການສ້າງລາຍໄດ້ເຂົ້າຄອບຄົວ ເປັນໃຈກາງ, ເຊິ່ງຕ້ອງໄດ້ສຸມໃສ່ຈັດສັນທີ່ດິນເພື່ອເປັນບ່ອນທຳມາຫາກິນ ແລະ ທີ່ຕັ້ງພູມລຳເນົາຄົງທີ່ ແລະ ໝັ້ນຄົງ, ກ້າວໄປເຖິງຢຸດຕິການຖາງປ່າເຮັດໄຮ່ແບບເລື່ອນລອຍຢ່າງສິ້ນເຊີງ, ພັດທະນາພື້ນຖານໂຄງລ່າງຮັບໃຊ້ການຜະລິດ ແລະ ຊີວິດການເປັນຢູ່ຂອງປະຊາຊົນ, ຈັດຕັ້ງການຜະລິດ, ການຝຶກອົບຮົມຍົກລະດັບວິຊາຊີບ, ນຳໃຊ້ເຕັກນິກວິທະຍາການທີ່ກ້າວໜ້າ ເພື່ອຍົກສູງສະມັດຕະພາບການຜະລິດ ແລະ ຄຸນນະພາບຂອງຜົນຜະລິດ, ປັບປຸງຄຸນນະພາບ ຊີວິດຂອງຊາວຊົນນະບົດ ຕິດພັນກັບການເຂົ້າເຖິງການສຶກສາ, ການບໍລິການ ສາທາລະນະສຸກ ແລະ ປົກປັກຮັກສາສິ່ງແວດລ້ອມ ແລະ ເພື່ອໃຫ້ບັນລຸເປົ້າໝາຍດັ່ງກ່າວ, ຂະແໜງການກ່ຽວຂ້ອງຕ້ອງໄດ້ເອົາໃຈໃສ່ບັນຫາຕົ້ນຕໍຄື: (1) ມີແຜນຜັງ ແລະ ມີການປະຕິບັດຕາມແຜນຜັງທີ່ດີ, ບ້ານຊ່ອງສະອາດ, ຂຽວງາມ, ເປັນລະບົບລະບຽບ ແລະ ໜ້າຢູ່ໜ້າຊົມ. (2) ມີໂຄງລ່າງພື້ນຖານທາງດ້ານເສດຖະກິດ-ສັງຄົມທີ່ດີ ແລະ ທັນສະໄໝ, ມີບ່ອນພັກຜ່ອນຢ່ອນອາລົມ, ມີບ່ອນຫັດກາຍ-ຫລິ້ນກິລາ, ບ່ອນສະແດງສິລະປະວັນນະຄະດີ. (3) ມີເສດຖະກິດຂະຫຍາຍຕົວແບບຍືນຍົງ, ມີການຜະລິດເປັນສິນຄ້າ, ມີການບໍລິການ ແລະ ການຈັດຕັ້ງການຜະລິດທີ່ສອດຄ່ອງເໝາະສົມ, ຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງຊາວຊົນນະບົດດີຂຶ້ນຢ່າງຈະແຈ້ງ. (4) ວັດທະນະທຳອັນດີງາມທີ່ເປັນເອກະລັກຂອງທ້ອງຖິ່ນ ແລະ ຂອງຊາດ ໄດ້ຮັບການອະນຸລັກຮັກສາ ແລະ ເສີມຂະຫຍາຍ, ທຸກຄົນໃນເກນອາຍຸມີວຽກເຮັດງານທຳ ແລະ ມີລາຍຮັບໝັ້ນຄົງ, ມີສະຫວັດດີການສັງຄົມ ແລະ ມີສິ່ງແວດລ້ອມທີ່ດີ. (5) ການຈັດຕັ້ງລະບົບການເມືອງມີການເຄື່ອນໄຫວຕາມພາລະບົດບາດໜ້າທີ່ຂອງຕົນ, ໃນນັ້ນຮາກຖານພັກເປັນຮາກຖານປອດໃສ, ເຂັ້ມແຂງ ແລະ ໜັກແໜ້ນ, ອົງການປົກຄອງບ້ານປອດໃສເຂັ້ມແຂງ, ແນວໂຮມ, ໜ່ວຍນັກຮົບເກົ່າ, ບັນດາອົງການຈັດຕັ້ງຊາວໜຸ່ມ, ແມ່ຍິງເປັນເຈົ້າໃນຂະບວນການສ້າງບ້ານພັດທະນາ ກໍຄືສ້າງຊົນນະບົດໃໝ່ໃຫ້ໄດ້ຕາມມາດຕະຖານ. (6) ປະຊາຊົນມີວາມຕື່ນຕົວເປັນເຈົ້າປະຕິບັດວຽກງານປ້ອງກັນຊາດ, ປ້ອງກັນຄວາມສະຫງົບທົ່ວປວງຊົນ, ເປັນບ້ານປ້ອງກັນຊາດເຂັ້ມແຂງ ແລະ ເປັນບ້ານປ້ອງກັນຄວາມສະຫງົບດີ.

- Wave100S AD to Website 2020 0 - ການສ້າງຊົນນະບົດໃໝ່ຄືແກ້ໄຂຄວາມທຸກຍາກຂອງປະຊາຊົນ

 

- WhatsApp Image 2020 05 27 at 5 - ການສ້າງຊົນນະບົດໃໝ່ຄືແກ້ໄຂຄວາມທຸກຍາກຂອງປະຊາຊົນ
- WhatsApp Image 2020 05 27 at 5 - ການສ້າງຊົນນະບົດໃໝ່ຄືແກ້ໄຂຄວາມທຸກຍາກຂອງປະຊາຊົນ
error: Alert: ເນື້ອຫາຂ່າວມີລິຂະສິດ !!