ງານແນະນໍາຜະລິດຕະພັນສິນຄ້າຂອງແຂວງຢູນນານ ແລະ ພົບປະທຸລະກິດເພື່ອດຶງດູດການລົງທຶນ

- advert banner 728 90 728x90 - ງານແນະນໍາຜະລິດຕະພັນສິນຄ້າຂອງແຂວງຢູນນານ ແລະ ພົບປະທຸລະກິດເພື່ອດຶງດູດການລົງທຶນ

ຫ້ອງການຜູ້ຕາງໜ້າວິສາຫະກິດ ແຂວງຢູນນານ ປະຈໍາລາວ ຮ່ວມກັບ ຫ້ອງການຜູ້ຕາງໜ້າວິສາຫະກິດ ເມືອງຢູຊີ ປະຈໍາລາວ ໄດ້ເປີດງານແນະນໍາຜະລິດຕະພັນສິນຄ້າຂອງແຂວງຢູນນານ-ລາວ ແລະ ງານພົບປະທາງທຸລະກິດເພື່ອດຶງດູດການລົງທຶນ ຂຶ້ນໃນວັນທີ 19 ກັນຍານີ້, ທີ່ນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານທີ່ປຶກສາດ້ານເສດຖະກິດ ແລະ ການຄ້າຂອງສະຖານທູດຈີນ ປະຈໍາລາວ, ມີທ່ານ ຫົວໜ້າພະແນກພົວພັນຕ່າງປະເທດນະຄອນຫຼວງວຽງຈັນ, ຄະນະກໍາມະທິການຮ່ວມມືລາວຈີນ ແລະ ບັນດາວິສາຫະກິດຂອງລາວ ແລະ ຈີນເຂົ້າຮ່ວມ. ເພື່ອນໍາສະເໜີຜະລິດຕະພັນອາຫານອິນຊີ, ແຫຼ່ງພະລັງງານສີຂຽວເພື່ອສຸຂະພາບທີ່ດີໃນການດໍາລົງຊີວິດ ແລະ ແນະນໍາ 8 ຂະແໜງການຜະລິດຂະໜາດໃຫຍ່ຂອງແຂວງຢູນນານ.

- lattana 1 - ງານແນະນໍາຜະລິດຕະພັນສິນຄ້າຂອງແຂວງຢູນນານ ແລະ ພົບປະທຸລະກິດເພື່ອດຶງດູດການລົງທຶນ

- DSC 0920 - ງານແນະນໍາຜະລິດຕະພັນສິນຄ້າຂອງແຂວງຢູນນານ ແລະ ພົບປະທຸລະກິດເພື່ອດຶງດູດການລົງທຶນ

ໃນໂອກາດນີ້, ທ່ານ ພູ ຢາງ ຮອງຫົວໜ້າຫ້ອງການຜູ້ຕາງໜ້າວິສາຫະກິດແຂວງຢູນນານ ປະຈໍາລາວ ໃຫ້ຮູ້ວ່າ: ໃນ 6 ເດືອນຕົ້ນປີນີ້, ລວມຍອດຜະລິດຕະພັນພາຍໃນຂອງແຂວງຢູນນານບັນລຸເຖິງ 700 ກວ່າ ຕື້ຢວນ, ທຽບກັບໄລຍະດຽວກັນຂອງປີຜ່ານມາເພີ່ມຂຶ້ນ 9,2%, ເປັນອັນດັບ 3 ໃນທົ່ວປະເທດ, ໃນໄລຍະດຽວກັນຂະແໜງອຸດສາຫະກໍາເພີ່ມຂຶ້ນ 12,5%.ການລົງທຶນເຂົ້າໃນຊັບສິນຄົງແມ່ນທີ່ເພີ່ມຂຶ້ນ 11% ເມື່ອທຽບໃນໄລຍະດຽວກັນ ຂະແໜງການຄ້າການນໍາເຂົ້າ-ສົ່ງອອກໃນທົ່ວແຂວງເພີ່ມຂຶ້ນ 56% ເມື່ອທຽບໃສ່ໄລຍະດຽວກັນຂອງປີຜ່ານມາ, ຈັດອັນດັບອັດຕາການເພີ່ມຂຶ້ນໃນທົ່ວປະເທດແມ່ນເປັນອັນດັບໜຶ່ງ ແລະ ເພື່ອເປັນການລົງເລິກການປະຕິບັດຍຸດທະສາດການກໍານົດພາລະບົດບາດຂອງແຂວງຢູນນານ, ໂດຍຖືເອົາການກໍ່ສ້າງແຂວງຢູນນານໃຫ້ເປັນສູນກາງທີ່ສົ່ງຜົນກະທົບຕໍ່ເຂດພາກພື້ນອາຊີໃຕ້ ແລະ ອາຊີຕາເວັນອອກສຽງໃຕ້ ໂດຍແຂວງຢູນນານຈະຖືເອົາ 8 ຂະແໜງການຜະລິດເປັນຈຸດສຸມໃນການພັດທະນາ, ສຸມທຸກກໍາລັງເພື່ອສ້າງໃຫ້ເປັນ “ແຫຼ່ງພະລັງງານສີຂຽວ”, “ພະລິດຕະພັນອາຫານອິນຊີ” ແລະ “ເປັນສະຖານທີ່ດໍາລົງຊີວິດທີ່ມີພະລານາໄມສົມບູນ” ສາມຢ່າງທີ່ມີຊື່ສຽງລະດັບໂລກ. ໃນເວລາດຽວກັນກໍຈະໄດ້ມີການນໍາໃຊ້ມາດຕະການສ້າງສະພາບແວດລ້ອມທີ່ເອື້ອອໍານວຍໃຫ້ແກ່ການລົງທຶນ ແລະ ການດໍາເນີນທຸລະກິດການຄ້າໃຫ້ແກ່ທຸກໆທ່ານ.

ໃນງານດັ່ງກ່າວ, ໄດ້ມີບັນດາວິສາຫະກິດ ແລະ ຜູ້ປະກອບການເຂົ້າຮ່ວມວາງສະແດງສິນຄ້າຫຼາຍກວ່າ 100 ພາກສ່ວນ, ໃນນັ້ນ, ມີບັນດາວິສາຫະກິດລາວຫຼາຍກວ່າ 20 ພາກສ່ວນ ແລະ ສິນຄ້າຫຼັງໃນງານ ແມ່ນຜະລິດຕະພັນອາຫານອິນຊີແຫຼ່ງພະລັງງານສີຂຽນ ເຊັ່ນ: ດອກໄມ້, ອາຫານທີ່ປຸງແຕ່ງຈາກໝາກໄມ້ແຫ້ງ ແລະ ຜະລິດຕະພັນອື່ນໆທີ່ແມ່ນຜະລິດຕະພັນອິນຊີ. ນອກນີ້, ຍັງມີຜະລິດຕະພັນຂອງລາວຈໍານວນໜຶ່ງເຊັ່ນ: ເຄື່ອງຫັດຖະກໍາ, ອາຫານ ແລະ ຊາ ຮ່ວມວາງສະແດງນໍາດ້ວຍ.

- Tiger Head 728x90 - ງານແນະນໍາຜະລິດຕະພັນສິນຄ້າຂອງແຂວງຢູນນານ ແລະ ພົບປະທຸລະກິດເພື່ອດຶງດູດການລົງທຶນ
- 1 1 - ງານແນະນໍາຜະລິດຕະພັນສິນຄ້າຂອງແຂວງຢູນນານ ແລະ ພົບປະທຸລະກິດເພື່ອດຶງດູດການລົງທຶນ

- DSC 0953 - ງານແນະນໍາຜະລິດຕະພັນສິນຄ້າຂອງແຂວງຢູນນານ ແລະ ພົບປະທຸລະກິດເພື່ອດຶງດູດການລົງທຶນ