ມຽນມາຈູດທຳລາຍ ອະໄວຍະວະສັດປ່າຜິດກົດໝາຍ

- advert banner 728 90 728x90 - ມຽນມາຈູດທຳລາຍ ອະໄວຍະວະສັດປ່າຜິດກົດໝາຍ

​ໃນ​ວັນ​ທີ 4 ຕຸລາ​ນີ້, ມຽນມາ​ຈູດ​ທຳລາຍອະ​ໄວ​ຍະ​ວະ​ສັດປ່າ​ຜິດ​ກົດໝາຍ​ທີ່ຢຶດ​ໄດ້​ຕາມ​ມາດ​ຕະການ​ກວາດ​ລ້າງ​ການ​ລັກລອບ​ຄ້າຂາຍ​ສັດປ່າ​ເປັນ​ຂອງ​ກາງ​ທີ່​ມີ​ມູນ​ຄ່າ​ໃນ​ຕະຫລາດ​ມືດ​ເຖິງ 1,3 ລ້ານ​ໂດ​ລາ​ສະຫະລັດ.

​ເຈົ້າໜ້າ​ທີ່​ມຽນມາ​ຈູດ​ກອງງາ​ຊ້າງ 277 ອັນ, ​ເຂົາ​ແອນ​ທິ​ໂລບ 1.544 ອັນ, ກະດູກ​ເສືອ 180 ອັນ ​ແລະ ອະ​ໄວ​ຍະ​ວະ​ສັດປ່າ​ອື່ນໆ ນ້ຳໜັກລວມຫລາຍ​ກວ່າ 1,4 ​ໂຕນ ຢູ່​ນະຄອນຫລວງ​ເນ​ປີ​ດໍ. ລັດຖະມົນຕີຊັບພະຍາກອນ​ທຳ​ມະ​ຊາດ ​ແລະ ອະນຸລັກ​ສິ່ງ​ແວດ​ລ້ອມ​ມຽນມາ ກ່າວ​ວ່າ: ການ​ອະນຸລັກ​ຊັບພະຍາກອນ​ທຳ​ມະ​ຊາດ​ຂອງ​ປະ​ເທດ​ເຊັ່ນ: ດິນ, ນ້ຳ, ປ່າ​ໄມ້, ພູ​ເຂົາ ​ແລະ ສັດປ່າ​ໃຫ້​ມີ​ຄວາມ​ຍືນ​ຍົງ​ເປັນ​ສິ່ງ​ສຳຄັນ ​ເພື່ອ​ຜົນ​ປະ​ໂຫຍ​ດຂອງ​ຄົນ​ຮຸ່ນ​ຫລັງ.

- 1 1 - ມຽນມາຈູດທຳລາຍ ອະໄວຍະວະສັດປ່າຜິດກົດໝາຍ
- lattana 1 - ມຽນມາຈູດທຳລາຍ ອະໄວຍະວະສັດປ່າຜິດກົດໝາຍ

ລາຍ​ງານ​ຂອງ​ມູນ​ນິທິ​ອະນຸລັກ​ຊ້າງ ​ແລະ ສິ່ງ​ແວດ​ລ້ອມ​ໃນ​ອາທິດ​ນີ້​ລະບຸ​ວ່າ: ມາດ​ຕະການ​ຫ້າມ​ຄ້າຂາຍ​ງາ​ຊ້າງ​ຂອງ​ຈີນ​ເມື່ອ​ມໍ່ໆ​ມາ​ນີ້​ບໍ່​ສາມາດ​ຢຸດ​ຢັ້ງການ​ຄ້າຂາຍ​ງາ​ຊ້າງ​ທີ່​ຂະຫຍາຍຕົວ​ຢ່າງ​ແຜ່​ຫລາຍ​ໃນ​ເມືອງ​ລາ ບໍລິ​ເວນ​ຊາຍ​ແດນ​ມຽນມາ-ຈີນ ​ເພາະ​ພົບ​ວ່າ​ໄລຍະ​ສາມ​ປີຜ່ານມາ ມີ​ການ​ນຳ​ງາ​ຊ້າງ​ໃໝ່​ມາ​ຂາຍ​ໃນ​ພື້ນທີ່​ນີ້​ເພີ່ມ​ຂຶ້ນ​ເຖິງ 60%.

error: Content is protected !!