ຣັກບີ້ທິມຊາດລາວ ຍາດໄດ້ອັນດັບທີ 6 ຊີງແຊ້ມອາຊີ 2018 ທີ່ບຣູໄນ
ນັກກິລາຣັກບີ້ຍິງທີມຊາດລາວ ຍາດໄດ້ອັນດັບທີ 6 ຂອງແຂ່ງຂັນ Asia Rugby Women’s Sevens Trophy 2018 ທີ່ປະເທດບຣູໄນ ໃນວັນທີ 20-21 ຕຸລານີ້ ໂດຍມີ 10 ປະເທດເຂົ້າຮ່ວມຊີງໄຊຄື: ກວມ, ອິນໂດເນເຊຍ, ອິນເດຍ, ລາວ, ເນປານ, ມາເລເຊຍ, ປາກິດສະຖານ, ຟີລິບປິນ, ອຸດສະເບກິດສະຖານ ແລະ ບຣູໄນເຈົ້າພາບ.
ການແຂ່ງຂັນໃນຮອບແບ່ງກຸ່ມ ນັກກິລາຣັກບີ້ຍິງລາວເຮົາ ລົງແຂ່ງ 4 ນັດ ຊະນະ 3 ເສຍ 1 ມີຄະແນນເທົ່າກັບ ທີມຊາດມາເລເຊຍ ແລະ ກວມ ແຕ່ຄະແນນໄດ້ເສຍໜ້ອຍກວ່າສອງທີມນັ້ນ ຕ້ອງມາຊີງອັນດັບທີ 5 ຫລື ຂັນ Plate ກັບອີກ 4 ທິມຄື: ອິນໂດເນເຊຍ, ເນປານ ແລະ ອິນເດຍ ໂດຍທັບຣັກບີ້ຍິງລາວເຮົາ ສາມາດຊະນະ ເນປານ 22-0 ເຂົ້າຊີງອັນດັບ 5 ກັບ ອິນເດຍ ທີ່ຊະນະ ອິນໂດເນເຊຍ ມາ 30-0.
ການຊີງທີ 5 ລາວ ເສຍໃຫ້ ອິນເດຍ 31-10 ເຮັດໃຫ້ ທີມຊາດອິນເດຍ ຍາດໄດ້ອັນດັບທີ 5, ສ່ວນ ທີຊາດລາວ ຍາດໄດ້ອັນດັບທີ 6.
ສ່ວນອັນດັບທີ 1 ເປັນຂອງ ມາເລເຊຍ ຮອບຊີງຊະນະ ຟີລິບປິນ 10-7, ຊີງທີ 3 ກວມ ຊະນະ ອຸດສະເບກິດສະຖານ 31-12.
