ພາບວິດີໂອ ນັກຮຽນຊາອຸ ຈີກໜັງສືຖີ້ມສະຫຼອງສອບເສັງ

- advert banner 728 90 728x90 - ພາບວິດີໂອ ນັກຮຽນຊາອຸ ຈີກໜັງສືຖີ້ມສະຫຼອງສອບເສັງ

ການທໍາລາຍໜັງສືພາຍຫຼັງສອບເສັງ​ແລ້ວຂອງນ້ອງ​ນັກຮຽນ ຫຼາຍຝ່າຍເບິ່ງວ່າສະທ້ອນລະບົບການສຶກສາທີ່ຄວນປະຕິຮູບໃໝ່.

- new3 - ພາບວິດີໂອ ນັກຮຽນຊາອຸ ຈີກໜັງສືຖີ້ມສະຫຼອງສອບເສັງ

ຄິບວີດີໂອຂອງບັນດານັກຮຽນຊາວອາຣັບບີ ຊາ​ອຸ​ດິດ ຈາກໂຮງຮຽນແຫ່ງໜຶ່ງຂອງເມືອງ Tabuk ທີ່ພ້ອມໃຈກັນຈີກໜັງສືແບບຮຽນຖິ້ມ ພາຍຫຼັງຜ່ານພົ້ນວັນສຸດທ້າຍຂອງປີການສຶກສາ ກໍາລັງກາຍເປັນບັນຫາ​ຖົກຖຽງທາງໂລກອອນລາຍ.

​ເຖິງ​ວ່າທໍານຽມການຈີກໜັງສືແບບຮຽນຈະເປັນເລື່ອງປົກກະຕິໃນບາງປະເທດ, ແຕ່ຢູ່​ອາຣັບບີ ຊາ​ອຸ​ດິດ ທີ່ເກີດຂຶ້ນສະທ້ອນ​ເຖິງຄວາມຫຼົ້ມເຫຼວຂອງລະບົບການສຶກສາພາຍໃນປະເທດ ແລະ ຮຽກຮ້ອງ​ໃຫ້​ມີການປະຕິຮູບ.

 

Mohammed Al-Ezzy ນັກຮຽນອາຍຸ 16 ປີ ເລົ່າໃຫ້ຟັງເຖິງສາເຫດທີ່ລາວ​ຈູດໜັງສືແບບຮຽນວິຊາເຄມີ ກັບສໍານັກຂ່າວ Arab News ວ່າ: “ຂ້ອຍມີປະສົບການທີ່ໂຫດຮ້າຍກັບມັນ ກ່ອນສອບເສັງຂ້ອຍອ່ານໜັງສືຢ່າງໜັກ ແລະໝັ້ນໃຈວ່າຕ້ອງໄດ້ລະດັບ​ດີ​ເລີດ, ແຕ່ເມື່ອເຂົ້າຫ້ອງສອບເສັງ ຂ້ອຍກໍພົບວ່າຂໍ້ສອບເສັງອອກໃນສິ່ງທີ່ຂ້ອຍບໍ່ໄດ້ອ່ານ ນັ້ນຈຶ່ງນໍາໄປສູ່ການເຜົາໜັງສືເຄມີຂອງຂ້ອຍ ເພາະຂ້ອຍບໍ່ຢາກຈະເຫັນມັນອີກ”

“ການຈີກໜັງສືພາຍຫຼັງສອບເສັງແລ້ວກັບໝູ່ມ່ວນດີ ເພາະເຮົາບໍ່ໄດ້ໃຊ້ມັນແລ້ວ” Mohammed Rami ເດັນນ້ອຍນັກຮຽນຊັ້ນລະດັບ 5 ກ່າວວ່າ: ຄວາມຄິດເຫັນຂອງເດັກນ້ອຍຜູ້ຍິງເອງ Sara Adel ອາຍຸ 13 ປີ ເລົ່າວ່າລາວຊັງວິຊາເລກຫລາຍ “​ໄລຍະເວລາທີ່ໄດ້ຈີກໜັງສືແບບຮຽນວິຊາເລກພາຍຫຼັງການສອບເສັງເປັນ​ໄລຍະເວລາທີ່ມີຄວາມສຸກຫຼາຍ ຂ້ອຍຮູ້ສຶກວ່າຊີວິດນີ້ຈະບໍ່ຕ້ອງຮຽນເລກອີກແລ້ວ”

 

- lattana 1 - ພາບວິດີໂອ ນັກຮຽນຊາອຸ ຈີກໜັງສືຖີ້ມສະຫຼອງສອບເສັງ

 

Mohammed Al-Ezzy ເຈົ້າໜ້າທີ່ໃຫ້ຄໍາປຶກສາດ້ານການສຶກສາ ກ່າວເຖິງພຶດຕິກໍາການທໍາລາຍໜັງສືແບບຮຽນພາຍຫຼັງ​ເສັງ​ຈົບວ່າ: ເປັນຄວາມ​ນິຍົມໃນເດັກນ້ອຍນັກຮຽນຊາອຸມາກວ່າສິບປີແລ້ວ ສິ່ງໜຶ່ງເປັນການສະແດງຄວາມກຽດຊັງຕໍ່ການຮຽນວິຊານັ້ນໆ ແລະ ອີກສ່ວນໜຶ່ງ ໜັງສືທີ່ຖືກທໍາລາຍນັ້ນ ພວກເຂົາເກັບໄວ້ກໍບໍ່ໄດ້ໃຊ້ຕໍ່​ໄປ.

error: Content is protected !!