ຊີດານ ຍັງສົນໃຈຄຸມ ເຊລຊີ ເຖິງວ່າຖືກ ຟີຟາ ລົງໂທດຫ້າມຊື້ນັກເຕະ

ຊີດານ ຍັງສົນໃຈຄຸມ ເຊລຊີ ເຖິງວ່າຖືກ ຟີຟາ ລົງໂທດຫ້າມຊື້ນັກເຕະ - news201902230927446 - ຊີດານ ຍັງສົນໃຈຄຸມ ເຊລຊີ ເຖິງວ່າຖືກ ຟີຟາ ລົງໂທດຫ້າມຊື້ນັກເຕະ
ຊີດານ ຍັງສົນໃຈຄຸມ ເຊລຊີ ເຖິງວ່າຖືກ ຟີຟາ ລົງໂທດຫ້າມຊື້ນັກເຕະ - Untitled design - ຊີດານ ຍັງສົນໃຈຄຸມ ເຊລຊີ ເຖິງວ່າຖືກ ຟີຟາ ລົງໂທດຫ້າມຊື້ນັກເຕະ

      ​ເດິ ຊັນ ສື່ຂອງ​ອັງກິດ ລະບຸ​ວ່າ: ຊີ​ເນ​ດິນ ຊີ​ດານ ຍັງ​ສົນ​ໃຈ​ມາ​ຄຸມ​ທີ​ມ ​ເຊ​ລຊີ ຢູ່ ຕໍ່​ໃຫ້​ທີ​ມດັງ​ກ່າວ​ຈະ​ຫາ​ກໍ​ຖືກ​ສັ່ງ​ຫ້າມ​ຊື້ນັກ​ເຕະ​ໃນ​ຕະຫລາດ 2 ຊ່ວງ ​ເພາະ​ການ​ອຸທອນ​ຈະ​ເຮັດ​ໃຫ້ ​ເຊ​ລຊີ ຍັງ​ເສີມ​ທັບ​ໃນ​ຊ່ວງ​ພັກ​ຮ້ອນ​ນີ້​ໄດ້ ​ແລະ ຊີ​ດານ ຈະ​ຍັງ​ໄດ້​ງົບ​ຊື້ນັກ​ເຕະ​ເຖິງ 200 ລ້ານ​ປອນ.

      ຊີ​ເນ​ດິນ ຊີ​ດານ ຕຳ​ນານ​ເພລ​ເມກ​ເກີ​ຊາວ​ຝຣັ່ງ ຈະ​ຍັງ​ຄົງ​ສົນ​ໃຈ​ຮັບ​ງານ​ຜູ້​ຈັດການ​ທີ​ມ ​ເຊ​ລຊີ ສະ​ໂມ​ສອນ​ຍັກ​ໃຫຍ່​ແຫ່ງ​ເວທີ ພຣີ​ເມຍ​ລີກ ອັງກິດ ຢູ່, ​ເຖິງ​ວ່າ ​ເຊ​ລຊີ ຈະ​ຖືກ​ສະຫະພັນ​ບານ​ເຕະ​ນາໆ​ຊາດ (ຟີ​ຟາ) ສັ່ງ​ຫ້າມ​ຊື້ນັກ​ເຕະ​ໃນ​ຕະຫລາດ 2 ຊ່ວງ​ຕໍ່​ຈາກ​ນີ້​ກໍ​ຕາມ.

      ຊີ​ດານ ຕົກ​ເປັນ​ຂ່າວ​ກັບ ​ເຊ​ລຊີ ຢ່າງ​ໜັກ​ໃນ​ຫລາຍ​ມື້ຜ່ານ​ມາ ຫລັງ​ຈາກ ​ເມົາຣິຊິ​ໂອ ຊາຣຣີ ຜູ້​ຈັດການ​ທີ​ມຄົນ​ປັດຈຸບັນ​ຂອງ​ຍອດ​ທີ​ມ​ແຫ່ງ​ຖິ່ນ ສະ​ແຕມ​ຟອດ ບຣິດ ກຳລັງ​ສ້າງ​ຜົນງານ​ໄດ້​ໜ້າ​ຜິດ​ຫວັງ​ໃນ​ຊ່ວງ​ນີ້ ​ຈົນ​ເຮັດ​​ໃຫ້​ມີ​ຂ່າວ​ລື​ວ່າ​ລາວ​ອາດ​ຈະ​ຖືກ​ປົດ​ອອກ​ຈາກ​ຕຳ​ແໜ່​ງ ​ໂດຍ ຢູ​ເວນ​ຕຸ​ສ ​ເປັນ​ອີກ​ທີ​ມທີ່​ມີ​ຂ່າວ​ກັບ​ອະດີດ​ຜູ້​ຈັດການ​ທີ​ມ ຣີລ ມາດຣິດ.

      ທັງ​ນີ້ ​ເຊ​ລຊີ ຫາ​ກໍ​ພົບ​ຂ່າວ​ຮ້າຍ​ ຫລັງ​ຈາກ ຟີ​ຟາ ຕັດສິນ​ວ່າ​ພວກ​ເຂົາ​ເຮັດ​ຜິດ​ກົດ​ໃນ​ດ້ານ​ການ​ດຶງ​ນັກ​ເຕະ​ອາຍຸ​ຕໍ່າ​ກວ່າ​ເກນ​ໄປ​ຮ່ວມ​ທັບ​ເຖິງ 29 ຄົນ ​ເຊິ່ງ​ເຮັດ​ໃຫ້ ​ເຊ​ລຊີ ຖືກ​ໂທດ​ຫ້າມ​ຊື້ນັກ​ເຕະ​ໃນ​ຕະຫລາດ 2 ຊ່ວງ ​ໂດນ​ຈະ​ມີ​ຜົນ​ໃນ​ຊ່ວງ​ພັກ​ຮ້ອນ​ນີ້ ກັບ​ຊ່ວງ​ເດືອນ​ມັງກອນ ປີໜ້າ.

ຊີດານ ຍັງສົນໃຈຄຸມ ເຊລຊີ ເຖິງວ່າຖືກ ຟີຟາ ລົງໂທດຫ້າມຊື້ນັກເຕະ - Wave100S AD to Website 2020 0 - ຊີດານ ຍັງສົນໃຈຄຸມ ເຊລຊີ ເຖິງວ່າຖືກ ຟີຟາ ລົງໂທດຫ້າມຊື້ນັກເຕະ

      ​ເຖິງ​ຢ່າງ​ໃດ​ກໍ​ຕາມ ​ເຖິງ​ວ່າ​ຈະ​ມີ​ບົດ​ລົງ​ໂທດ​ແບບ​ນັ້ນອອກ​ມາ ​ແຕ່ ​ເດິ ຊັນ ບອກ​ວ່າ: ຊີ​ດານ ຍັງ​ສົນ​ໃຈ​ຮັບ​ງານ​ຄຸມ ​ເຊ​ລຊີ ຢູ່ ​ເພາະ​ທີ​ມດັງ​ຂອງ​ນະຄອນຫລວງ​ລອນ​ດອນ​ປະກາດ​ແລ້ວ​ວ່າ​ກຽມ​ຈະ​ອຸທອນ​ບົດ​ລົງ​ໂທດ​ນີ້ ​ເຊິ່ງການ​ອຸທອນ​ຈະ​ສົ່ງ​ຜົນ​ໃຫ້​ບົດ​ລົງ​ໂທດ​ຖືກ​ໂຈະ​ເອົາ​ໄວ້​ກ່ອນ ​ແລະ ຍັງ​ບໍ່​ມີ​ຜົນ​ໃນ​ຊ່ວງ​ພັກ​ຮ້ອນ​ນີ້ ​ເຊິ່ງໝາຍ​ຄວາມ​ວ່າ​ຖ້າ​ເກີດ ຊີ​ດານ ຮັບ​ງານ​ຄຸມ ​ເຊ​ລຊີ ລາວ​ຈະ​ຍັງ​ເສີມ​ທັບ​ໃນ​ຊ່ວງ​ກ່ອນ​ເປີດ​ລະດູ​ການ 2019-20 ​ໄດ້, ສ່ວນ​ເລື່ອງ​ທີ່​ວ່າ​ບົດ​ລົງ​ໂທດ​ທັງ​ໝົດ​ຈະ​ຖືກ​ຍົກ​ເລີກ ຫລື ຖືກ​ເລື່ອນ​ໃຫ້​ໄປ​ມີ​ຜົນ​ຫລັງ​ຈາກ​ນັ້ນ ​ເປັນ​ອີກ​ບັນຫາ​ໜຶ່ງ.

ຊີດານ ຍັງສົນໃຈຄຸມ ເຊລຊີ ເຖິງວ່າຖືກ ຟີຟາ ລົງໂທດຫ້າມຊື້ນັກເຕະ - WhatsApp Image 2020 05 27 at 5 - ຊີດານ ຍັງສົນໃຈຄຸມ ເຊລຊີ ເຖິງວ່າຖືກ ຟີຟາ ລົງໂທດຫ້າມຊື້ນັກເຕະ
ຊີດານ ຍັງສົນໃຈຄຸມ ເຊລຊີ ເຖິງວ່າຖືກ ຟີຟາ ລົງໂທດຫ້າມຊື້ນັກເຕະ - WhatsApp Image 2020 05 27 at 5 - ຊີດານ ຍັງສົນໃຈຄຸມ ເຊລຊີ ເຖິງວ່າຖືກ ຟີຟາ ລົງໂທດຫ້າມຊື້ນັກເຕະ
error: Alert: ເນື້ອຫາຂ່າວມີລິຂະສິດ !!