ພໍລ ເຄຊີ້ ນັກກັອຟອັງກິດຄົນທຳອິດ ປ້ອງກັນແຊ້ມ Valspar Championship
ການແຂ່ງຂັນກັອຟ ພີຈີເອທົວ ລາຍການ ວາວສະປ້າ ແຊມປ້ຽນຊິນ (Valspar Championship) ປະຈຳປີ 2019 ຊີງເງິນລາງວັນລວມ 6,7 ລ້ານໂດລາສະຫະລັດ ທີ່ສະໜາມ Innisbrook Resort Copperhead Course ລັດຟໍລິດາ ສະຫະລັດອາເມລິກາ ໃນທ້າຍອາທິດຜ່ານມາ ວັນທີ 21-24 ມີນາ.
ພໍລ ເຄຊີ້ ນັກກັອຟຊາວອັງກິດ ອາຍຸ 41 ປີ ສ້າງປະຫວັດສາດກາຍເປັນນັກກັອຟຈາກອັງກິດຄົນທຳອິດ ສາມາດປ້ອງກັນແຊ້ມລາຍການນີ້ ຄະແນນລວມ 4 ວັນ ເກັບໄດ້ 8 ອັນເດີພາຣ 276 ເອົາຊະນະອັນດັບສອງ ລຸຍ ອຸສທຣຸຍເຊັນ ຈາກອາຟຣິກາໃຕ້ ແລະ ເຈສັນ ໂຄຣັກ ຈາກເຈົ້າພາບ 1 ສະໂຕຣກ ຮັບເງິນລາງວັນ 1 ລ້ານ 2 ແສນກວ່າໂດລາສະຫະລັດ ຄວ້າແຊ້ມ ພີຈີເອທົວ ລາຍການທີ 3 ຕະຫລອດອາຊີບ. ໃນທ້າຍອາທິດນີ້ ມີກັອຟ ພີຈີເອທົວ ລາຍການໃຫຍ່ WGC-Dell Technologies Match Play 2019 ທີ່ລັດເທັກຊັສ ສະຫະລັດອາເມລິກາ ຊີງເງິນລາງວັນລວມ 10 ລ້ານກວ່າໂດລາສະຫະລັດ.
