ພັກເພື່ອໄທ ຈັບມື 7 ພັກການເມືອງ ລົງນາມ ສັດຕະຍາບັນລວມສຽງຕັ້ງລັດຖະບານ
ພັກເພື່ອໄທລົງນາມສັດຕະຍາບັນຮ່ວມ 7 ພັກການເມືອງລວມສຽງຈັດຕັ້ງລັດຖະບານ ຢຸດການສືບທອດອຳນາດ ຄສຊ, ຮຽກຮ້ອງ ກກຕ ເປີດເຜີຍຜົນການນັບຄະແນນ 100%.
ສື່ມວນຊົນໄທລາຍງານໃນວັນທີ 27 ມີນານີ້ວ່າ: ພັກເພື່ອໄທ ຖະແຫລງຈັບມື 7 ພັກການເມືອງທີ່ໄດ້ຮັບເລືອກຕັ້ງ ປະກອບມີ: ພັກອະນາຄົດໃໝ່, ພັກເສລີລວມໄທ, ພັກປະຊາຊາດ, ພັກເພື່ອຊາດ, ພັກພະລັງປວງຊົນໄທ ແລະ ພັກເສດຖະກິດໃໝ່ ທີ່ຫົວໜ້າພັກບໍ່ໄດ້ເດີນທາງມາ, ແຕ່ໄດ້ສະແດງຈຸດຢືນທີ່ຈະເຂົ້າຮ່ວມເຊັນລົງນາມສັດຕະຍາບັນ ຮ່ວມກັນສະແດງຈຸດຢືນໃນການຕໍ່ຕ້ານການສືບທອດອຳນາດຄະນະຮັກສາຄວາມສະຫງົບແຫ່ງຊາດ (ຄສຊ) ຢູ່ນະຄອນຫລວງບາງກອກ.
ໂດຍທ່ານ ນາງ ສຸດາຣັດ ເກຍຸຣາພັນ ປະທານຍຸດທະສາດການເລືອກຕັ້ງ ແລະ ວ່າທີ່ຜູ້ສະໝັກນາຍົກລັດຖະມົນຕີ ພັກເພື່ອໄທ ຖະແຫລງຈຸດຢືນທີ່ຈະຮ່ວມກັນເຮັດສັນຍາປະຊາຄົມ ກັບພັກການເມືອງທີ່ມີຈຸດຢືນໃນການຕໍ່ຕ້ານສືບທອດ ອຳນາດຂອງ ຄສຊ, ເຖິງວ່າປັດຈຸບັນຕົວເລກຈະຍັງບໍ່ແນ່ນອນ ແລະ ມີແນວຮ່ວມທີ່ຕ້ອງມີການເຈລະຈາກັນອີກ ໂດຍຈະປະສານກັບພັກທີ່ມີຈຸດຢືນບໍ່ສະໜັບສະໜູນການສືບທອດອຳນາດ ເພື່ອໃຫ້ໄດ້ຄະແນນສຽງຫລາຍທີ່ສຸດໃຫ້ຈັດ ຕັ້ງລັດຖະບານໄດ້ ເພື່ອຈະປະຕິບັດຕາມຄວາມຄາດຫວັງ, ຄວາມມຸ່ງຫວັງຂອງປະຊາຊົນ, ຢືນຢັນວ່າຈະປະຕິບັດຕາມ ກະຕິກາໃຫ້ເປັນໄປຕາມວັດທະນະທຳທາງການເມືອງທີ່ສ້າງສັນ.
ທ່ານ ນາງ ສຸດາຣັດ ກ່າວວ່າ: ປັດຈຸບັນສາມາດລວມສຽງໄດ້ແລ້ວ 255 ສຽງ ແລະ ຈະເດີນໜ້າເຊີນຊວນພັກການເມືອງອື່ນຮ່ວມຈັດຕັ້ງລັດຖະ ບານສ້າງປະຊາທິປະໄຕທີ່ເຂັ້ມແຂງ.
ສ່ວນທ່ານ ທະນາທອນ ຈິງຮຸ່ງເຮືອງກິດ ຫົວໜ້າພັກອະນາຄົດໃໝ່ ກ່າວວ່າ: ສະຖານະການການເມືອງໃນປັດຈຸ ບັນບໍ່ເປັນປະຊາທິປະໄຕ, ບໍ່ເປັນປະໂຫຍດຕໍ່ປະເທດຊາດໃນໄລຍະຍາວ ຈຶ່ງຮ່ວມກັບພັກການເມືອງທີ່ມີເຈດຕະນາດຽວ ກັນ ລະງັບການສືບທອດອຳນາດຂອງ ຄສຊ ພ້ອມສະແດງຈຸດຢືນ 5 ຂໍ້ຄື: 1. ຮ່ວມກັບພັກການເມືອງທີ່ມີຢູ່ ສະກັດກັ້ນ ການສືບທອດອຳນາດ, ເຖິງວ່າຫົນທາງຂ້າງໜ້າຈະຍາກລຳບາກ ແລະ ມີກົນໄກຂອງສະມາຊິກວຸດທິສະພາ ໃນການຮ່ວມລົງຄະແນນເລືອກນາຍົກລັດຖະມົນຕີ. 2. ເຊີນຊວນພັກການເມືອງອື່ນທີ່ເຄີຍສະແດງເຈດຕະນາດຽວກັນ ມາຮ່ວມມືກັນຈັດຕັ້ງລັດຖະບານ. 3. ສະໜັບສະໜູນນາຍົກລັດຖະມົນຕີທີ່ມາຈາກພັກການເມືອງທີ່ໄດ້ຄະແນນບ່ອນນັ່ງ ສະມາຊິກສະພາມາເປັນອັນດັບໜຶ່ງ ໂດຍເຫັນວ່າ: ທ່ານ ນາງ ສຸດາຣັດ ມີຄວາມເໝາະສົມ. 4. ຮຽກຮ້ອງພັກການ ເມືອງທີ່ມີສຽງສ່ວນໜ້ອຍ ແລະ ຕັ້ງໃຈຈະຈັດຕັ້ງລັດຖະບານ ຈະເຮັດໃຫ້ລັດຖະບານຂາດສະຖຽນລະພາບ ແລະ ບ້ານເມືອງເດີນຕໍ່ໄປບໍ່ໄດ້ ແລະ 5. ຮຽກຮ້ອງໃຫ້ຄະນະກຳມະການຈັດການເລືອກຕັ້ງເປີດຜົນການນັບຄະແນນຂອງທຸກ ໜ່ວຍເລືອກຕັ້ງ.
