ໄຟຟ້ານະຄອນຫລວງ​ວຽງຈັນຊີ້​ແຈງ​ເຫດ​ໄຟມອດໃນຄືນວັນທີ 8 ເມສາ​

- advert banner 728 90 728x90 - ໄຟຟ້ານະຄອນຫລວງ​ວຽງຈັນຊີ້​ແຈງ​ເຫດ​ໄຟມອດໃນຄືນວັນທີ 8 ເມສາ​

ພາຍຫລັງໄດ້​ເກີດ​ເຫດ​ສະພາ​ບ​ໄຟ​ມອດຢູ່ນະຄອນຫລວງ​ວຽງຈັນ​​ເປັນ​ເວລາ​ຫລາຍ​ຊົ່ວ​ໂມງໃນຄືນວັນທີ 8 ເມສາຜ່ານມາ, ຊຶ່ງຄະນະອຳນວຍ​ການ​ຝ່າຍ​ປະຕິບັດ​ການ​ໄຟຟ້ານະຄອນຫລວງ​ວຽງຈັນ​ໄດ້​ຊີ້​ແຈງ​ຕໍ່ສື່​ມວນ​ຊົນ​ວ່າ: ​ຍ້ອນ​ມີ​ນົກຈຳນວນ​ຫລາຍເຂົ້າມາ​ຈັບ​ສາຍ​ໄຟ ​ແລະ ຕອດ​ກັນແລ້ວກໍໃຫ້ເກີດ​ໄຟ​ຊ໋ອດ ​ແລະ ​ເຮັດ​ໃຫ້​ສາຍ MSH 5.4.1 ​ເປັນ​ສາຍ​ລຳລຽງ​ໄຟຟ້າ​ຈາກສະຖານີ​ໂພນ​ຕ້ອງຫາສະຖານີດົງ​ນາ​ໂຊກຂາດກໍໃຫ້ເກີດ​ໄຟ​ມອດ​ເປັນ​ບໍລິ​ເວນ​ກ້ວາງ ແລະ ​ໃນ​ເວ​ລາຕໍ່ມາ​ປະມານ 20:00 ​ໂມງມີ​ສາຍ​ແຈກ MSS 5.1 ​ໄດ້​ໂຫລ​ດ​ໄຟໜັກຂຶ້ນຈາກ 8 MW ​ເປັນ 14 MW ​ເຮັດ​ໃຫ້​ສາຍ​ຂາດ​ລົງ​ດິນຢູ່​ສີ່​ແຍກ​ໄຟ​ແດງບ້ານສະຫວ່າງ ​ເຮັດ​ໃຫ້​​ໄຟ​ຊ໋ອດ ​ແລະ ​​ໄຟມອດໄປທົ່ວ​ເຂດ​ເມືອງຈັນທະ​ບູລີ ​ແລະ ​ເມືອງສີ​ໂຄດ​ຕະບອງໄດ້​ຮັບ​ຜົນ​ກະທົບ, ຊຶ່ງ​ພາຍຫລັງ​ເກີດ​ເຫດ​ການ​ດັ່ງກ່າວໜ່ວຍງານ​ໄຟຟ້າກໍ​ໄດ້​ເລັ່ງສ້ອມ​ແປງ ​ແລະ ມາ​ຮອດ​ປັດຈຸບັນປະຊາຊົນ​ສາມາດ​ໃຊ້​ໄຟ​ໄດ້​ຢ່າງ​ປົກກະຕິ.

- lattana 1 - ໄຟຟ້ານະຄອນຫລວງ​ວຽງຈັນຊີ້​ແຈງ​ເຫດ​ໄຟມອດໃນຄືນວັນທີ 8 ເມສາ​

ຫົວໜ້າຝ່າຍ​ປະຕິບັດ​ການ​ໄຟຟ້ານະຄອນຫລວງ​ວຽງຈັນ ​ໃຫ້​ຮູ້​ວ່າ: ຕໍ່ກັບ​ສະພາບ​ທີ່​ເກີດ​ຂຶ້ນຝ່າຍ​ປະຕິບັດ​ການ​ໄຟຟ້ານະຄອນຫລວງ​ວຽງຈັນ​ໄດ້​ເລັງ​ກວດກາ​ລະບົບ​ສາຍ​ສົ່ງ ​ແລະ ໝໍ້​ແປງ​ຕ່າງໆທີ່ຢູ່​ຕາມ​ເສັ້ນທາງ​ໃນ​ເຂດ 4 ຕົວ​ເມືອ​ງ​ໃນ ​ເພື່ອ​​ຮັບປະກັນ​ຄວາມ​ປອດ​ໄພ. ປັດຈຸບັນການຊົມໃຊ້ໄຟຟ້າຢູ່ 9 ຕົວເມືອງ ໃນ

ນະຄອນຫລວງວຽງຈັນ, ນັບແຕ່ເດືອນມັງກອນຫາເດືອນມີນາ 2019 ມີກໍາລັງການຊົມໃຊ້ເຖິງ 266.617 ກວ່າກິໂລວັດໂມງ, ທຽບໃສ່ໄລຍະດຽວກັນຂອງປີ 2018 ເພີ່ມຂຶ້ນ 12,35% ແລະ ສະເພາະເດືອນມັງກອນຜ່ານມາ, ມີກຳລັງການຊົມໃຊ້ກວ່າ 133.795 ກິໂລວັດໂມງ, ສ່ວນເດືອນກຸມພາມີ 132.821 ກິໂລວັດໂມງ, ທຽບໃສ່ປີ 2018 ເພີ່ມຂຶ້ນຫລາຍເທົ່າຕົວ, ຄາດວ່າແຕ່ນີ້ຮອດເດືອນທັນວາ ອັດຕາການຊົມໃຊ້ໄຟຟ້າອາດຈະເພີ່ມຂຶ້ນ, ເນື່ອງຈາກ ສະພາບອາກາດຢູ່ປະເທດເຮົາຮ້ອນແຮງຂຶ້ນຢ່າງຜິດປົກກະຕິ ແລະ ອາດເປັນສາເຫດກໍ່ໃຫ້ເກີດອັກຄີໄພໄດ້ງ່າຍ ຈິ່ງຮຽກຮ້ອງໃຫ້ຜູ້ຊົມໃຊ້ໄຟຟ້າຈົ່ງມີສະຕິກວດກາຄວາມປອດໄພຂອງລະບົບໄຟຟ້າ ແລະ ເຄື່ອງໃຊ້ໄຟຟ້າໃນເຮືອນໃຫ້ດີ.

- 1 1 - ໄຟຟ້ານະຄອນຫລວງ​ວຽງຈັນຊີ້​ແຈງ​ເຫດ​ໄຟມອດໃນຄືນວັນທີ 8 ເມສາ​