IMF ຫລຸດຄາດຄະເນເສດຖະກິດໂລກ ປະຈຳປີ 2019 ເຫລືອເຕີບໃຫຍ່ 3,3%

- 750x422 832089 1554852964 - IMF ຫລຸດຄາດຄະເນເສດຖະກິດໂລກ ປະຈຳປີ 2019 ເຫລືອເຕີບໃຫຍ່ 3,3%
- Untitled design - IMF ຫລຸດຄາດຄະເນເສດຖະກິດໂລກ ປະຈຳປີ 2019 ເຫລືອເຕີບໃຫຍ່ 3,3%

      ກອງ​ທຶນ​ການ​ເງິນ​ສາກົນ (IMF) ປະກາດ​ຫລຸດ​ຕົວ​ເລກ​ຄາດ​ຄະ​ເນ​ການ​ຂະຫຍາຍຕົວ​ຂອງ​ເສດຖະກິດ​ໂລກ​ໃນ​ປີ​ນີ້ ສູ່​ລະດັບ 3,3% ຈາກ​ລະດັບ 3,5% ​ເພາະ​ຜົນ​ກະທົບຈາກ​ຄວາມ​ຂັດ​ແຍ່ງ​ທາງ​ການ​ຄ້າ​ລະຫວ່າງ ອາ​ເມ​ລິ​ກາ ​ແລະ ປະ​ເທດ​ຄູ່​ຄ້າ ລວມທັງ​ການ​ເຂັ້ມງວດ​ນະ​ໂຍບາຍ​ການ​ເງິນ​ຂອງ​ທະນາຄານ​ກາງ​ອາ​ເມ​ລິ​ກາ (​ເຟດ).

     ​ເຖິງ​ຢ່າ​ງ​ໃດ​ກໍ​ດີ, IMF ຄາດ​ຄະ​ເນ​ວ່າ: ​ເສດຖະກິດ​ໂລກ​ຈະ​ມີ​ການ​ຂະຫຍາຍຕົວ 3,6% ​ໃນ​ປີໜ້າ ​ເຊິ່ງ​ເທົ່າ​ກັບ​ການ​ຂະຫຍາຍຕົວ​ໃນ​ປີ 2018. ນອກຈາກ​ນີ້ IMF ຍັງ​ຄາດ​ຄະ​ເນ​ວ່າ: ອັດຕາ​ການ​ເຕີບ​ໃຫຍ່​ທາງ​ເສດຖະກິດ​ຂອງ​ກຸ່ມ​ອາ​ຊຽນ 5 ປະ​ເທດ ​ຈະ​ຂະຫຍາຍຕົວ​ໃນ​ລະດັບ 5,1 ​ແລະ 5,2% ​ໃນ​ປີ​ນີ້ ​ແລະ ປີໜ້າ, ສ່ວນ​ເສດຖະກິດ​ຈີນ ຄາດ​ວ່າ​ຈະ​ຂະຫຍາຍຕົວ​ໃນ​ອັດຕາ 6,3% ​ໃນ​ປີ​ນີ້ ​ແລະ ປີໜ້າ​ຂະຫຍາຍຕົວ​ໃນ​ອັດຕາ 6,1%.

      ນອກຈາກ​ນີ້ IMF ຍັງ​ເຕືອນ​ກ່ຽວ​ກັບ​ຄວາມ​ສ່ຽງ​ທີ່​ອັງກິດ​ຈະ​ແຍກ​ຕົວ​ອອກ​ຈາກ​ສະຫະພາບ​ເອີຣົບ ​ໂດຍ​ບໍ່​ມີຂໍ້​ຕົກລົງ, ຄວາມ​ບໍ່​ແນ່ນອນ​ທາງ​ການ​ເມືອງ, ຂະນະ​ທີ່​ຫລາຍ​ປະ​ເທດ​ທົ່ວ​ໂລກ​ຈັດການ​ເລືອກ​ຕັ້ງ ​ແລະ ຄວາມ​ເຄັ່ງ​ຕຶງ​ດ້ານ​ພາກພື້ນຢູ່​ອາຊີ​ຕາ​ເວັນ​ອອກ.

- Wave100S AD to Website 2020 0 - IMF ຫລຸດຄາດຄະເນເສດຖະກິດໂລກ ປະຈຳປີ 2019 ເຫລືອເຕີບໃຫຍ່ 3,3%
- WhatsApp Image 2020 05 27 at 5 - IMF ຫລຸດຄາດຄະເນເສດຖະກິດໂລກ ປະຈຳປີ 2019 ເຫລືອເຕີບໃຫຍ່ 3,3%
- WhatsApp Image 2020 05 27 at 5 - IMF ຫລຸດຄາດຄະເນເສດຖະກິດໂລກ ປະຈຳປີ 2019 ເຫລືອເຕີບໃຫຍ່ 3,3%
error: Alert: ເນື້ອຫາຂ່າວມີລິຂະສິດ !!