ກຸ່ມຜະລິດ-ປຸງແຕ່ງໄມ້ລາວບໍ່ມີທຶນພຽງພໍເພື່ອ ດໍາເນີນການຜະລິດທີ່ຫລາກຫລາຍ

- advert banner 728 90 728x90 - ກຸ່ມຜະລິດ-ປຸງແຕ່ງໄມ້ລາວບໍ່ມີທຶນພຽງພໍເພື່ອ ດໍາເນີນການຜະລິດທີ່ຫລາກຫລາຍ

ໃນໂອກາດທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ລົງຢ້ຽມຢາມ ແລະ ຊຸກຍູ້ການຜະລິດຂອງໂຮງງານຕົວແບບ ແລະ ເຄືອຂ່າຍການຜະລິດ-ປຸງແຕ່ງໄມ້ຂອງລັດຖະບານເມື່ອບໍ່ດົນມານີ້, ຊຶ່ງຜູ້ອຳນວຍການກຸ່ມບໍລິສັດ ອຸດສາຫະກຳເຟີນີເຈີລາວ ໄດ້ລາຍງານວ່າ: ພາຍຫລັງລັດຖະບານໄດ້ຫັນເອົາໂຮງງານແຫ່ງນີ້ເປັນຕົວແບບນັບແຕ່ປີ 2017 ເປັນຕົ້ນມາ ແລະ ໄດ້ສຸມໃສ່ການຜະລິດ ແລະ ປຸງແຕ່ງຜະລິດຕະພັນຈາກໄມ້ສັກ, ໄມ້ວິກ ເພື່ອສົ່ງອອກໄປປະເທດໄທ, ສປ ຈີນ ແລະ ຍີ່ປຸ່ນ, ໂດຍໄດ້ຮັບຊື້ໄມ້ດັ່ງກ່າວມາຈາກບັນດາແຂວງພາກເໜືອ, ນະຄອນຫລວງວຽງຈັນ ແລະ ແຂວງບໍລິຄໍາໄຊ. ປັດຈຸບັນ, ມີສະມາຊິກໃນກຸ່ມການຜະລິດທັງໝົດ 35 ໂຮງງານໃນ 7 ແຂວງທົ່ວປະເທດ ແລະ ແຕ່ລະເດືອນສາມາດສົ່ງອອກຜະລິດຕະພັນໄດ້ພຽງ 2 ຕູ້ຄອນເທນເນີ ແຕ່ຄວາມຕ້ອງການຂອງລູກຄ້າມີເຖິງ 20-30 ຕູ້ຄອນເທນເນີຕໍ່ເດືອນ, ຍ້ອນຂາດທຶນໝູນວຽນໃນການຊື້ວັດຖຸດິບມາຜະລິດໃຫ້ພຽງພໍຕາມຄວາມຕ້ອງການດັ່ງກ່າວ, ດັ່ງນັ້ນຈຶ່ງຂໍສະເໜີພາກລັດຊ່ວຍອໍານວຍຄວາມສະດວກ ແລະ ສ້າງເງື່ອນໃຫ້ບໍລິສັດສາມາດເຂົ້າເຖິງແຫລ່ງທຶນຂອງທະນາຄານໃຫ້ຫລາຍຂຶ້ນ ເພື່ອແນໃສ່ສ້າງສະພາບຄ່ອງໃຫ້ບັນດາໂຮງງານຕົວແບບທີ່ມີໜໍ່ແໜງການຜະລິດທີ່ດີໄດ້ເຕີບໃຫຍ່ເຂັ້ມແຂງ ແລະ ສາມາດຍາດແຍ່ງໂອກາດຮ່ວມມືດ້ານການຄ້າກັບຕ່າງປະເທດໄດ້ດີຂຶ້ນ.

- new3 - ກຸ່ມຜະລິດ-ປຸງແຕ່ງໄມ້ລາວບໍ່ມີທຶນພຽງພໍເພື່ອ ດໍາເນີນການຜະລິດທີ່ຫລາກຫລາຍ

    ໃນໂອກາດນີ້, ທ່ານຮອງນາຍົກລັດຖະມົນຕີ ສອນໄຊ ສີພັນດອນ ໄດ້ສະແດງຄວາມຊົມເຊີຍຕໍ່ການພັດທະນາໃນດ້ານຕ່າງໆຂອງໂຮງງານ, ພ້ອມທັງແນະນໍາໃຫ້ຄະນະຜູ້ບໍລິຫານກຸ່ມບໍລິສັດດັ່ງກ່າວ ໄດ້ຮີບຮ້ອນສ້າງບົດວິພາກເສດຖະກິດ-ເຕັກນິກຢ່າງລະອຽດ ນັບແຕ່ຂັ້ນຕອນຜູ້ປູກ, ການຕັດ, ການຂົນສົ່ງ, ຄ່າໃຊ້ຈ່າຍ, ຂະບວນການຜະລິດຕ່າງໆ, ລາຄາຜະລິດຕະພັນສຳເລັດຮູບ ແລະ ຕະຫລາດຈຳໜ່າຍ ເພື່ອເປັນບ່ອນອິງພື້ນຖານໃນການຄົ້ນຄວ້າຫາວີທີທາງແກ້ໄຂແຫລ່ງທຶນໃຫ້ເໝາະສົມຕາມຄວາມຈໍາເປັນ ເພື່ອຮັບປະກັນໃຫ້ໂຮງງານສາມາດແຂ່ງຂັນກັບຕະຫລາດຕ່າງປະເທດໄດ້ດີກວ່າເກົ່າ.

- lattana 1 - ກຸ່ມຜະລິດ-ປຸງແຕ່ງໄມ້ລາວບໍ່ມີທຶນພຽງພໍເພື່ອ ດໍາເນີນການຜະລິດທີ່ຫລາກຫລາຍ
error: Content is protected !!