ເອດີບີ ໃຫ້ເງິນກູ້ແກ່ລາວ 140 ລ້ານໂດລາ ເພີ່ມຄວາມເຂັ້ມແຂງດ້ານເສດຖະກິດ-ສັງຄົມ

ເອດີບີ ໃຫ້ເງິນກູ້ແກ່ລາວ 140 ລ້ານໂດລາ ເພີ່ມຄວາມເຂັ້ມແຂງດ້ານເສດຖະກິດ-ສັງຄົມ - advert banner 728 90 728x90 - ເອດີບີ ໃຫ້ເງິນກູ້ແກ່ລາວ 140 ລ້ານໂດລາ ເພີ່ມຄວາມເຂັ້ມແຂງດ້ານເສດຖະກິດ-ສັງຄົມ

ຂປລ.ໃນວັນທີ 30 ຕຸລານີ້, ທະນາຄານພັດທະນາອາຊີ (ADB) ໄດ້ລົງນາມສັນຍາເງິນກູ້ໃຫ້ແກ່ລັດຖະບານລາວ ​ເພື່ອປະຕິບັດ  3 ໂຄງການຄື: ການພັດທະນາຂະແໜງກະສິກໍາ, ຂະແໜງສຶກສາ ແລະ ການຄຸ້ມຄອງການເງິນພາກລັດ, ລວມມູນຄ່າທັງໝົດ 140 ລ້ານໂດລາສະຫະລັດ. ຕາງໜ້າລັດຖະບານລາວ, ໂດຍທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ ແລະ ທ່ານ ຢາຊູຊິ ເນກິຊິ ຜູ້ຕາງໜ້າທະນາຄານພັດທະນາອາຊີ ປະຈຳລາວ, ມີທ່ານຮອງລັດຖະມົນຕີກະຊວງກະສິກຳ ແລະ ປ່າໄມ້, ຮອງລັດຖະມົນຕີກະຊວງສຶກສາທິການ ແລະ ກິລາ, ຜູ້ຕາງໜ້າກະຊວງແຜນການ ແລະ ການລົງທຶນ, ມີຮອງເຈົ້າແຂວງຫົວພັນ, ຫວງພະບາງ, ໄຊຍະບູລີ ​ແລະ ຊຽງຂວາງ ເຂົ້າຮ່ວມ.

ເອດີບີ ໃຫ້ເງິນກູ້ແກ່ລາວ 140 ລ້ານໂດລາ ເພີ່ມຄວາມເຂັ້ມແຂງດ້ານເສດຖະກິດ-ສັງຄົມ - new3 - ເອດີບີ ໃຫ້ເງິນກູ້ແກ່ລາວ 140 ລ້ານໂດລາ ເພີ່ມຄວາມເຂັ້ມແຂງດ້ານເສດຖະກິດ-ສັງຄົມ

      ການສະໜອງເງິນກູ້ດັ່ງກ່າວ, ເພື່ອສ້າງຄວາມເຂັ້ມແຂງດ້ານເສດຖະກິດ-ສັງຄົມ ໃຫ້ມີການເຕີບໂຕຢ່າງຕໍ່ເນື່ອງ, ຮັກສາສະພາບແວດລ້ອມແບບຍືນຍົງ ໄປຄຽງຄູ່ກັບການລຶບລ້າງຄວາມທຸກຍາກ; ສະເພາະໂຄງການພັດທະນາຂະແໜງກະສິກຳຈຳນວນ 45 ລ້ານໂດລາສະຫະລັດ, ເປັນການສ້າງຄວາມເຂັ້ມແຂງໃຫ້ລະບົບຊົນລະປະທານ, ເສັ້ນທາງໃນຊົນນະບົດ ແລະ ເງື່ອນໄຂດ້ານໂພຊະນາການ, ການເຂົ້າເຖິງຕະຫລາດກະສິກຳ, ຊ່ວຍໃຫ້ມີລາຍຮັບເພີ່ມ, ປັບປຸງຄຸນນະພາບຊີວິດຂອງປະຊາຊົນໃນ 4 ແຂວງພາກເໜືອຂອງລາວ ເຊັ່ນ: ແຂວງຫົວພັນ, ຫລວງພະບາງ, ໄຊຍະບູລີ ແລະ ຊຽງຂວາງ.

      ສຳລັບໂຄງການພັດທະນາຂະແໜງສຶກສາມູນຄ່າ 50 ລ້ານໂດລາສະຫະລັດ, ເປັນການພັດທະນາຂະແໜງ ການສ້າງວຽກເຮັດງານທຳ, ຊ່ວຍຍົກລະດັບອັດຕາເຂົ້າຮຽນ, ປັບປຸງຄຸນນະພາບການສຶກສາໃນຂັ້ນມັດທະຍົມ, ຂັ້ນປະຖົມໃຫ້ແທດເໝາະກັບຄວາມຕ້ອງການທີ່ປ່ຽນແປງ ຂອງຕະ ຫລາດແຮງງານ ແນໃສ່ຍົກລະດັບການຈ້າງງານຂອງໄວໜຸ່ມ ແລະ ຊ່ວຍໃຫ້ນັກຮຽນມັດທະຍົມ ມີຄວາມຮູ້ຄວາມສາມາດ ແລະ ຄວາມຮູ້ສະເພາະ ທີ່ຕ້ອງການໃນຕະຫລາດແຮງງານຕົວຈິງໃນປັດຈຸບັນ.

ເອດີບີ ໃຫ້ເງິນກູ້ແກ່ລາວ 140 ລ້ານໂດລາ ເພີ່ມຄວາມເຂັ້ມແຂງດ້ານເສດຖະກິດ-ສັງຄົມ - lattana 1 - ເອດີບີ ໃຫ້ເງິນກູ້ແກ່ລາວ 140 ລ້ານໂດລາ ເພີ່ມຄວາມເຂັ້ມແຂງດ້ານເສດຖະກິດ-ສັງຄົມ

ສ່ວນໂຄງການຄຸ້ມຄອງການເງິນພາກລັດ ຈໍານວນ 45 ລ້ານໂດລາສະຫະລັດ ແມ່ນຈະສຸມແຜນງານສ້າງຄວາມເຂັ້ມແຂງໃນການຄຸ້ມຄອງການເງິນພາກລັດ, ປັບປຸງການຄຸ້ມຄອງໜີ້ສິນພາກລັດ,​ ລວມທັງປັບປຸງການຄຸ້ມຄອງດ້ານພາສີ, ປັບປຸງການວາງແຜນງົບປະມານ ແລະ ການເງິນໄລຍະກາງ,ສົ່ງເສີມການປົກຄອງ ແລະ ສ້າງຄວາມໜ້າເຊື່ອຖືທາງດ້ານການເງິນ. ທັງໝົດນີ້, ແມ່ນສອດຄ່ອງກັບການສະໜັບສະໜູນຂອງ ເອດີບີ ໃນການປັບປຸງໃນໄລຍະຍາວທີ່ເປັນບຸລິມະສິດຂອງລັດຖະບານ. ໃນໄລຍະຜ່ານມາ, ລັດຖະບານລາວ ໄດ້ເນັ້ນສ້າງຄວາມເຂັ້ມແຂງດ້ານເສດຖະກິດ-ສັງຄົມ ໃຫ້ມີການເຕີບໂຕຢ່າງຕໍ່ເນື່ອງ, ທັງຮັກສາສະພາບແວດລ້ອມແບບຍືນຍົງ ໄປຄຽງຄູ່ກັບການລົບລ້າງຄວາມ ທຸກຍາກ, ເຊິ່ງໃນປີ 2018 ເອດີບີ ໄດ້ສະໜອງທຶນລວມທັງເງິນຊ່ວຍເຫລືອລ້າ ແລະ ເງິນກູ້ທັງໝົດ 21,6 ຕື້ໂດລາສະຫະລັດ.

error: Content is protected !!