ຄວນສົ່ງເສີມໂຮງຮຽນເອກະຊົນແນວໃດ?

ຄວນສົ່ງເສີມໂຮງຮຽນເອກະຊົນແນວໃດ? - 66 2 - ຄວນສົ່ງເສີມໂຮງຮຽນເອກະຊົນແນວໃດ?
ຄວນສົ່ງເສີມໂຮງຮຽນເອກະຊົນແນວໃດ? - AGL banner - ຄວນສົ່ງເສີມໂຮງຮຽນເອກະຊົນແນວໃດ?

ລູກເມືອງພວນ

ສະບາຍດີ, ເພື່ອຜູ້ອ່ານທີ່່ຮັກແພງ ເມື່ອເວົ້າເຖິງໂຮງຮຽນເອກະຊົນແມ່ນອີກຮູບການໂຮງຮຽນໜຶ່ງທີ່ສາມາດແບກຫາບພາລະ

ກິດການສຶກສາຂອງພັກ-ລັດໄດ້ດີສົມຄວນ ທັງເປັນການຊ່ວຍລະບາຍຄວາມແອອັດໃຫ້ໂຮງຮຽນລັດອີກດ້ວຍ ແລະໃນໄລຍະຜ່ານ ໂຮງຮຽນເອກະຊົນຢູ່ບ້ານເຮົາກໍໄດ້ຮັບການພັດທະນາຂຶ້ນຢ່າງຫຼວງຫຼາຍ ນັບຕັ້ງແຕ່ເຮືອນລ້ຽງເດັກ-ອະນຸບານຂຶ້ນໄປຈົນເຖິງມັດທະຍົມຕອນຕົ້ນ-ຕອນປາຍ ແລະ ລະດັບວິທະຍາໄລຫຼາຍແຫ່ງ ແລະມີຫລາຍໂຮງຮຽນໄດ້ຜົນດີເດັ່ນຂຶ້ນກວ່າບາງໂຮງຮຽນລັດ, ແຕ່ມີບາງໂຮງຮຽນກໍຍັງບໍ່ໄດ້ຕາມມາດຕະຖານ ເງື່ອນໄຂທາງກະຊວງສຶກສາ ແລະ ກີລາວາງອອກ.

ແຕ່ກໍ ມີຫຼາຍຄົນສົມທຽບວ່າ: ໂຮງຮຽນເອກະຊົນມີຄຸນະພາບການສຶກສາດີກວ່າໂຮງຮຽນລັດ ເພາະວ່າ ຖ້າສອນບໍ່ດີ ບໍ່ມີຄຸນນະພາບ ປະຊາຊົນຈະບໍ່ເອົາລູກຫຼານຂອງຕົນໄປຮຽນ. ດັ່ງນັ້ນ ຈຶ່ງເຮັດໃຫ້ໂຮງຮຽນເອກະຊົນມີການແຂ່ງຂັນກັນຫລາຍຂຶ້ນ ແລະບາງຄົນກໍເວົ້າວ່າ: ໂຮງຮຽນລັດດີກວ່າ ເພາະມັນມີມາດຕະຖານກວ່າ ດັ່ງນີ້ ເປັນຕົ້ນ.

ແຕ່ໃນຄວາມເປັນຈິງແລ້ວ, ດີ ຫຼື ບໍ່ດີນັ້ນແມ່ນຂຶ້ນຢູ່ກັບວ່າໂຮງຮຽນນັ້ນໆມີລະບົບການຈັດການ, ມີລະບຽບການບໍລິຫານແນວໃດ ແລະ ມີຖັນແຖວຄູອາຈານທີ່ມີຄຸນນະພາບຫຼືບໍ່. ສ່ວນຫຼັກສູດການຮຽນ ການສອນ ແມ່ນອັນດຽວກັນ ແມ່ນລະບົບດຽວກັນທົ່ວທັງປະເທດນັບທັງໂຮງຮຽນລັດ ແລະ ເອກະຊົນ.

 ແຕ່ໃນທຸກວັນນີ້ ໂຮງຮຽນເອກະຊົນມີທ່າອ່ຽງຫຼຸດລົງເລື້ອຍໆ ອັນເນື່ອງມາຈາກການເງິນນັ້ນເອງ.  ເມື່ອສະພາບເສດຖະກິດຝືດເຄືອງຄືແນວນີ້ ພໍ່ແມ່ນັກຮຽນບາງຄົນບໍ່ມີເງິນພຽງພໍທີ່ຈະໄປເສຍຄ່າໃຫ້ລູກຫຼານ ຈຶ່ງຄ່ອຍທະຍອຍກັນຖອນລູກອອກຈາກໂຮງຮຽນເອກະຊົນໄປເຂົ້າໂຮງຮຽນລັດ.

ຄວນສົ່ງເສີມໂຮງຮຽນເອກະຊົນແນວໃດ? - Wave100S AD to Website 2020 0 - ຄວນສົ່ງເສີມໂຮງຮຽນເອກະຊົນແນວໃດ?

ເມື່ອເປັນເຊັ່ນນີ້ ໂຮງຮຽນລັດຈະມີນັກຮຽນຫລາຍຂຶ້ນຈົນເກີນຄວາມສາມາດທີ່ຈະຮອງຮັບເອົາໄດ້ ເພາະຂາດຫ້ອງຮຽນ, ຂາດອາຄານຮຽນ, ຂາດຄູອາຈານສອນ, ຂາດປຶ້ມຕຳລາ ແລະ ອຸປະກອນການຮຽນ ທີ່ຈຳເປັນຕ່າງໆ. ນີ້ຄືໂຈດທີ່ກະຊວງສຶກສາຈະຕ້ອງໄດ້ແກ້ໃຫ້ຖືກກັບຜົນຕອບ.ຖ້າບໍ່ດັ່ງນັ້ນ ກໍຈະກາຍເປັນບັນຫາຫຍຸ້ງຍາກບໍ່ໜ້ອຍ.

ຕໍ່ໜ້າສະພາບການດັ່ງກ່າວ, ຄວນຄົ້ນຄ້ວາໃຫ້ລະອຽດຖີ່ຖ້ວນ ເພື່ອຕອບໂຈດໃຫ້ຖືກຈຸດ. ຄວນເບິ່ງຄືນວ່າໂຮງຮຽນເອກະຊົນຫຼາຍເກີນໄປຫຼືບໍ່? ຄວນອະນຸຍາດໃນລະດັບໃດ? ຊັ້ນໃດ? ເພື່ອໃຫ້ມີຄວາມເໝາະສົມ ຫຼີກລ່ຽງການຊ່ວງເສັງກັນເຮັດທຸລະກິດຢ່າງດຽວ. ກະຊວງສຶກສາຕ້ອງລົງກວດຄູນະພາບການຮຽນ ການສອນຂອງແຕ່ລະໂຮງຮຽນທຸກລະດັບຊັ້ນ ເພື່ອປະເມີນເບິ່ງວ່າຖ້າໂຮງຮຽນໃດບໍ່ໄດ້ມາດຕະຖານກໍຄວນມີທິດທາງແກ້ໄຂໃຫ້ເໝາະສົມ. ລັດຖະບານອາດຈະບໍ່ເກັບອາກອນລາຍໄດ້ຈາກໂຮງຮຽນເ ເພື່ອສ້າງເງື່ອນໄຂໃຫ້ໂຮງຮຽນເຫລົ່ານັ້ນຄົງຕົວຢູ່ໄດ້ ແລະມີຄຸນນະພາບດີຂຶ້ນ.

—————————

ຄວນສົ່ງເສີມໂຮງຮຽນເອກະຊົນແນວໃດ? - WhatsApp Image 2020 05 27 at 5 - ຄວນສົ່ງເສີມໂຮງຮຽນເອກະຊົນແນວໃດ?
ຄວນສົ່ງເສີມໂຮງຮຽນເອກະຊົນແນວໃດ? - WhatsApp Image 2020 05 27 at 5 - ຄວນສົ່ງເສີມໂຮງຮຽນເອກະຊົນແນວໃດ?
ຄວນສົ່ງເສີມໂຮງຮຽນເອກະຊົນແນວໃດ? - WhatsApp Image 2020 05 27 at 5 - ຄວນສົ່ງເສີມໂຮງຮຽນເອກະຊົນແນວໃດ?
ຄວນສົ່ງເສີມໂຮງຮຽນເອກະຊົນແນວໃດ? - WhatsApp Image 2020 05 27 at 5 - ຄວນສົ່ງເສີມໂຮງຮຽນເອກະຊົນແນວໃດ?
error: Alert: Content is protected !!