ແຄລິຟໍເນຍ ໃຫ້ປະຊາຊົນ 40 ລ້ານຄົນຢູ່ແຕ່ໃນເຮືອນ
ເຈົ້າແຂວງ ແຄລິຟໍເນຍ ອອກຄຳສັ່ງໃຫ້ພົນລະເມືອງ 40 ລ້ານຄົນ, ຢູ່ແຕ່ໃນເຮືອນເພື່ອຫລີກເວັ້ນການລະບາດໂຄວິດ ຫລັງຍອດຕິດເຊື້ອເພີ່ມຂຶ້ນ.
ທ່ານ ເກວິນ ນິວຊອມ ເຈົ້າແຂວງແຄລິຟໍເນຍ ໄດ້ອອກຖະແຫລງການຄືນວັນທີ 19 ມີນາ ຕາມເວລາທ້ອງຖິ່ນຝັ່ງຕາເວັນຕົກຂອງສະຫະລັດ ໃຫ້ພົນລະເມືອງຂອງລັດທີ່ມີປະມານ 40 ລ້ານຄົນ ຢູ່ແຕ່ໃນເຄຫະສະຖານ ເພື່ອຫລີກລ່ຽງຄວາມສ່ຽງການຕິດເຊື້ອຂອງໄວຣັສໂຄວິດ-19 ຫລັງແຄລິຟໍເນຍ ມີຍອດຜູ້ຕິດເຊື້ອເພີ່ມຂຶ້ນສູງ 908 ຄົນ, ເສຍຊີວິດແລ້ວ 18 ຄົນ.
ແຄລິຟໍເນຍ ເປັນເມືອງທີ່ມີຜູ້ຕິດເຊື້ອສູງສຸດເປັນອັນດັບສາມຂອງສະຫະລັດ ຮອງຈາກອັງກິດ ເມືອງວໍຊີງຕັນ ເຊິ່ງມີຜູ້ຕິດເຊື້ອ 1.376 ຄົນ ແລະ ອັນດັບໜຶ່ງ ເມືອງນິວຢອກ ປະມານ 5.000 ຄົນ.
“ເຮົາຈຳເປັນຕ້ອງຫລຸດການແຜ່ກະຈາຍຂອງໄວຣັສໃນເມືອງແຄລິຟໍເນຍ ເຊິ່ງທ່ານຄິດວ່າເຮົາຄວນຕ້ອງເຮັດຫຍັງແດ່? ໃຫ້ຫລາຍຂຶ້ນກວ່າເກົ່າ”
ເຊັ່ນດຽວກັບຄົນອາເມລິກາ ກາຣ໌ເຊຕຕິ ນາຍົກລັດຖະມົນຕີ ນະຄອນລອສແອນເຈລິສ ກໍໄດ້ອອກຄຳສັ່ງໃຫ້ປະຊາຊົນຢູ່ແຕ່ໃນເຮືອນ ແລະ ຈຳກັດການເຮັດກິດຈະກຳທີ່ບໍ່ຈຳເປັນທັງໝົດ.
ຄຳສັ່ງດັ່ງກ່າວມີຂໍ້ຍົກເວັ້ນແຕ່ໃຫ້ປະຊາຊົນສາມາດເດີນທາງໄປຊື້ເຄື່ອງໃຊ້ທີ່ຈຳເປັນເຊັ່ນ ຮ້ານຂາຍຢາ, ຊຸບເປີມາເກັດ ສະຖານີບໍລິການນ້ຳມັນ ສ່ວນໂຮງໜັງ, ໂຮງຍິມ, ບາ ແລະ ຮ້ານອາຫານຈະຖືກງົດໃຫ້ບໍລິການຊົ່ວຄາວເຊັ່ນກັນ ຍົກເວັ້ນແຕ່ຮ້ານອາຫານທີ່ໃຫ້ບໍລິການສັ່ງຊື້ ກັບເຮືອນ ເດລິີເວີຣ໌ຣີ ຈະຍັງຄົງໃຫ້ບໍລິການ.
ນອກຈາກນີ້ ທ່ານ ນິວຊອມ ຍັງໄດ້ສົ່ງຈົດໝາຍຫາປະທານາທິບໍດີທຣຳວ່າ ຈາກການປະເມີນຂອງໜ່ວຍງານດ້ານສາທາລະນະສຸກ ແຂວງແຄລິຟໍເນຍ ຄາດວ່າ ປະຊາຊົນແຄລິຟໍເນຍ ປະມານ 25,5 ລ້ານຄົນ ຫລື 56% ຂອງຈຳນວນປະຊາຊົນແຄລິຟໍເນຍ ທັງໝົດ ຈະຕິດໄວຣັສໂຄວິດ-19 ໃນອີກ 8 ອາທິດຕໍ່ໄປ ເມື່ອປະເມີນຈາກອັດຕາການເພີ່ມຂຶ້ນຂອງຈຳນວນຜູ້ປ່ວຍໂຄວິດ-19 ທີ່ເພີ່ມຂຶ້ນຢ່າງໜ້າເປັນຫວ່ງ.
ດ້ວຍເຫດນີ້ ເຈົ້າແຂວງແຄລິຟໍເນຍ ຈິ່ງຂໍໃຫ້ ປະທານາທິບໍດີ. ທຣຳ ສົ່ງເຮືອແພດ USNS Mercy ມາທ່າເຮືອລອສແອນເຈລິສ ແລະ ໃຫ້ປະຈຳການໄປຈົນເຖິງວັນທີ 1 ກັນຍາ. ເພື່ອຮັບມືກັບຈຳນວນຜູ້ຕິດເຊື້ອທີ່ຄາດວ່າຈະເພີ່ມຂຶ້ນຈົນອາດເກີນຂີດຄວາມສາມາດທີ່ການບໍລິການຄົນເຈັບຂອງເມືອງຈະຮັບໄຫວ.
